ភ្លៀង១មេធំ! បា.ក់រលំជញ្ជាំងឥដ្ឋជាន់ទី២ សង្ក.ត់លើដំបូលផ្ទះអ្នកជិតខាងកំពុងហូបបាយជុំគ្នា
- ភ្នំពេញ
រាជធានីភ្នំពេញ ៖ មនុស្សចំនួន៣នាក់បានរងរបួសស្រាល បន្ទាប់ពីមានការបាក់រលំជញ្ជាំងឥដ្ឋនៅជាន់ទី២នៃសំណង់ផ្ទះកំពុង
រាជធានីភ្នំពេញ ៖ មនុស្សចំនួន៣នាក់បានរងរបួសស្រាល បន្ទាប់ពីមានការបាក់រលំជញ្ជាំងឥដ្ឋនៅជាន់ទី២នៃសំណង់ផ្ទះកំពុងសាងសង់មួយកន្លែង បានធ្លា.ក់សង្ក.ត់លើដំបូលសំយាបផ្ទះប្រជាពលរដ្ឋនៅជិតខាង បណ្តាលឲ្យបាក់ស្រុតដល់ដី បង្កឲ្យមានការភ្ញាក់ផ្អើលកើតឡើងកាលពីវេលាម៉ោង៨និង១០នាទីយប់ថ្ងៃទី២០ខែតុលាឆ្នាំ២០២១ នៅចំណុចផ្ទះមួយកន្លែង ក្បែរខារ៉ាអូខេចំការននោង ផ្លូវបេតុង ក្រុម១ ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ ។
តាមប្រភពពីសមត្ថកិច្ចមូលដ្ឋានបានឲ្យដឹងថា សំណង់ផ្ទះថ្មខាងលើនេះបានធ្វើការសាងសង់អស់រយៈពេលជាច្រើនខែណាស់មកហើយ ដោយសង់ជាម៉ូតផ្ទះល្វែងមានកំពស់៣ជាន់ រហូតមកដល់បច្ចុប្បន្ននេះសាងសង់សម្រេចបានប្រមាណ៦០%ហើយ។ នៅថ្ងៃកើតហេតុក៏មានជាងបានចូលមកធ្វើការនៅក្នុងសំណង់ផ្ទះកើតហេតុជាធម្មតា។ លុះដល់ល្ងាចថ្ងៃកើតហេតុ ជាងនិងកម្មករដែលធ្វើការនៅក្នុងនោះដល់ម៉ោងសម្រាកពីការងារ មានជាងខ្លះបានទៅសម្រាកនៅតាមផ្ទះរបស់ពួកគេរៀងៗខ្លួន និងមានខ្លះទៀតគឺសម្រាកនិងមើលការខុសត្រូវនៅខាងក្នុងសំណង់ផ្ទះកើតហេតុខាងលើ ។
តាមប្រភពដដែលបានបន្តថា ស្របពេលដែលមេឃក៏បានធ្លាក់ភ្លៀងមួយមេធំ លាយឡំខ្យល់កន្ត្រាក់បោកបក់យ៉ាងខ្លាំងថែមទៀតផង ពេលនោះក៏ស្រាប់តែឥដ្ឋជញ្ជាំងមួយផ្ទាំងយ៉ាងធំនៅជាន់ទី២បានបា.ក់រលំធ្លា.ក់សង្ក.ត់លើដំបូលផ្ទះរបស់ជនរងគ្រោះជាដំបូលសំយាបដែកប្រក់ស័ង្កសីមានទំហំប្រមាណ៤ម៉ែត្រគុណនឹង៦ម៉ែត្រ បានបា.ក់ស្រុតចុះក្រោមរងការខូចខាត និងបានសង្កត់ត្រូវម្ចាស់ផ្ទះនៅជិតនោះដែលកំពុងអង្គុយហូបបាយ បណ្តាលឲ្យរងរបួសស្រាលចំនួន៣នាក់ផងដែរ។ ចំណែកជាងដែលស្នាក់នៅក្នុងផ្ទះកើតហេតុមិនមានរងរបួសនោះទេ ។
តាមប្រភពដដែលបានបន្តទៀតថា ជញ្ជាំងឥដ្ឋមួយផ្ទាំងដែលបានបា.ក់ធ្លា.ក់សង្ក.ត់ដំបូលសំយាបសង្ក័សីរបស់ផ្ទះរងគ្រោះនោះ គឺជាឥដ្ឋដែលរៀបធ្វើជាជញ្ជាំងនៅចំហៀងខាងស្ដាំផ្នែកខាងមុខនៃសំណង់ផ្ទះ ដែលមានប្រវែងប្រមាណ៣ម៉ែត្រនិងកំពស់២ម៉ែត្រ។ ដោយឥដ្ឋជញ្ជាំងនេះគឺរៀបបានរយៈពេល២ថ្ងៃមកហើយ ប៉ុន្តែមិនទាន់បានចាក់ធ្នឹមក្រវាត់នៅឡើយ លុះពេលមេឃភ្លៀងលាយឡំនឹងខ្យល់ផងក៏បានបាក់រលំតែម្តង ។
ក្រោយពេលកើតហេតុ ក៏មានសមត្ថកិច្ចមូលដ្ឋានបានចុះមកធ្វើការអន្តរាគមន៍និងធ្វើកំណត់ហេតុ រង់ចាំម្ចាស់សំណង់ផ្ទះកំពុងសាងសង់ចូលខ្លួនមកធ្វើការដោះស្រាយជាមួយម្ចាស់ផ្ទះរងគ្រោះនៅព្រឹកនេះជាបន្តទៀតផងដែរ ៕
ចែករំលែកព័តមាននេះ