ខ្ញុង ប្រកាសផ្ទេរប្រាក់ដែលសប្បុរជនផ្តល់ឲ្យនាង ត្រឡប់ទៅវិញទាំងអស់
រាជធានីភ្នំពេញ ៖ តារាកំប្លែងស្រី អ្នកនាង ស្រេង សុកាន់ដា ហៅខ្ញុង នៅវេលាម៉ោង០៨និង១០នាទីយប់ថ្ងៃទី២០ តុលា ២០២១នេះ…
រាជធានីភ្នំពេញ ៖ តារាកំប្លែងស្រី អ្នកនាង ស្រេង សុកាន់ដា ហៅខ្ញុង នៅវេលាម៉ោង០៨និង១០នាទីយប់ថ្ងៃទី២០ តុលា ២០២១នេះ…
រាជធានីភ្នំពេញ ៖ តារាកំប្លែងស្រី អ្នកនាង ស្រេង សុកាន់ដា ហៅខ្ញុង នៅវេលាម៉ោង០៨និង១០នាទីយប់ថ្ងៃទី២០ តុលា ២០២១នេះ បានប្រកាស ផ្ទេរប្រាក់ ដែលបងប្អូនសប្បុរសជនផ្តល់ឲ្យនាង ត្រឡប់ទៅវិញទាំងអស់ ។
អ្នកនាង ខ្ញុង សរសេរសារយ៉ាងដូច្នេះថា «ជម្រាបសួរ បងប្អូនទាំងអស់គ្នា នាងខ្ញុំមានរឿង៤ ៖
១. នាងខ្ញុំ សូមបាញ់លុយដែលបងប្អូនបាញ់ចូលយកឱ្យនាងខ្ញុំ ត្រឡប់ទៅបងប្អូនវិញទាំងអស់ សូមបងប្អូនផ្ញើវិក្កយបត្រដែលបានបាញ់ឱ្យខ្ញុំចូលក្នុងផេកនេះ ខ្ញុំនឹងមើលចំនួនបញ្ជូនបងប្អូនវិញ ។
២. នាងខ្ញុំ សុំពេលពីម្ចាស់ផ្ទះ ក្នុងការពន្យារការបង់រំលស់ ប្រចាំខែមួយរយៈសិន ឬបើបងប្អូនណា ចង់ទិញនាងខ្ញុំនឹងលក់ផ្ទះដែលបានបង់រំលស់មួយរយៈកន្លងមកនេះ ។
៣. នាងខ្ញុំសូមប្រកាសលក់ឡានរបស់ប្ដី ដើម្បីយកលុយមកធ្វើដើមទុនចុងក្រោយ ។
និង៤. ខ្ញុំសូមអង្វរម្ចាស់បំណុលទាំងអស់ ទុកពេលឲ្យនាងខ្ញុំ រកលុយសងផង ខ្ញុំនឹងប្រឹងរកលុយសងបងប្អូនទាំងអស់គ្នា ។
នាងខ្ញុំ សូមអរគុណបងប្អូនទាំងអស់គ្នា ដែលបានស្រឡាញ់អាណិត នឹងយល់អំពីនាងខ្ញុំនឹងប្ដី ។
អ្នកសារព័ត៌មានកោះសន្តិភាព នៅមិនទាន់បានសុំការបញ្ជាក់បន្ថែមនៅឡើយទេថា មូលហេតុអ្វីបានជាអ្នកនាង ខ្ញុង សុខៗប្រកាសវេរប្រាក់ដែលសប្បុរជនផ្តល់ទាំងនោះ ត្រឡប់ទៅវិញ ?
សូមជម្រាបថា នៅព្រឹកថ្ងៃទី២០ តុលា ២០២១នេះ អ្នកនាង ខ្ញុង បានធ្វើការផ្សាយផ្ទាល់នៅលើគណនីហ្វេសប៊ុករបស់ខ្លួន ដោយបានបង្ហាញពីទឹកប្រាក់ដែលប្រជាពលរដ្ឋខ្មែរ បានជួយដល់រូបនាង មានចំនួន $៥៦,៥៣៣.៣៧ (ប្រាំម៉ឺនប្រាំមួយពាន់ប្រាំរយសាមសិបបីដុល្លារអាមេរិក និងសាមសិបប្រាំពីរសេន) ដែលចំនួននេះ ត្រឹមតែរយៈពេលជិត ២ថ្ងៃប៉ុណ្ណោះ ក្រោយពីតារាកំប្លែងស្រី ខ្ញុង បានចូលទៅតុលាការប្តឹងខ្លួនឯង (ថាក្ស័យធន) ហើយបង្ហោះលើហ្វេសប៊ុក អំពាវនាវ លើកដៃសុំ មេត្តាសន្តោសប្រណីពីមហាជនម្នាក់១ដុល្លារៗ ដើម្បីចិញ្ចឹមកូនៗ ក្នុងពេលរូបនាងត្រូវប្រឈមមុខច្បាប់ ៕
ចែករំលែកព័តមាននេះ