ទឹកជំនន់ផង ការបាក់ដីផង សម្លា.ប់មនុស្សជាច្រើននាក់ក្នុងប្រទេសទាំង២
ទឹកជំនន់ភ្លាមៗ បណ្ដាលមកពីភ្លៀងធ្លាក់ខ្លាំងជាច្រើនថ្ងៃ បណ្ដាលឲ្យមនុស្សស្លា.ប់ និងបាត់ខ្លួនជាច្រើននាក់ នៅ
ប្រទេសឥណ្ឌា-នេប៉ាល់ ៖ ទឹកជំនន់ភ្លាមៗ បណ្ដាលមកពីភ្លៀងធ្លាក់ខ្លាំងជាច្រើនថ្ងៃ បណ្ដាលឲ្យមនុស្សស្លា.ប់ និងបាត់ខ្លួនជាច្រើននាក់ នៅនេប៉ាល់ និងភាគខាងជើងឥណ្ឌា។ នេះជាការអះអាងកាលពីថ្ងៃទី២០ ខែតុលា ឆ្នាំ២០២១ របស់អាជ្ញាធរនៃប្រទេសទាំង២។
តុល្យការជនរងគ្រោះបន្តកើនឡើងនៅឥណ្ឌា និងនៅនេប៉ាល់។ មនុស្សយ៉ាងតិច១១៦នាក់បានស្លា.ប់ ដោយសារទឹកកួចនាំយកទៅ និងការបាក់ដី បណ្ដាលមកពីភ្លៀងធ្លាក់ខ្លាំងជាច្រើនថ្ងៃមកហើយ។ នេះជាការប្រកាសកាលពីថ្ងៃទី២០ ខែតុលា របស់អាជ្ញាធរ។ ចំណែកមនុស្សច្រើនសិបនាក់ទៀត បានបាត់ខ្លួន។
នៅរដ្ឋ UTTARAKHAND ភាគខាងជើងឥណ្ឌា អាជ្ញាធរបានថ្លែងថា មនុស្ស៤៦នាក់បានត្រូវស្លា.ប់រយៈពេលប៉ុន្មានថ្ងៃចុងក្រោយនេះ និងថា មនុស្ស១១នាក់ទៀតនៅបាត់ខ្លួន។ ក្នុងរដ្ឋជាប់មាត់សមុទ្រកឺរ៉ាឡាភាគខាងត្បូងប្រទេស ប្រមុខរដ្ឋាភិបាលរដ្ឋនោះលោកពីណារ៉ាយីវីហ្សាយ៉ាន រៀបរាប់ពីមនុស្សស្លា.ប់៣៩នាក់ ក្រោយការបាក់ដី និងទឹកជំនន់។ មនុស្ស៥នាក់ក្នុងគ្រួសារតែមួយ ត្រូវដីកប់ស្លា.ប់ក្នុងផ្ទះរបស់ពួកគេ។
នៅនេប៉ាល់ រយៈពេល៣ថ្ងៃចុងក្រោយនេះ ទឹកជំនន់ និងការបាក់ដី បណ្ដាលមកពីភ្លៀងធ្លាក់ខ្លាំង បណ្ដាលឲ្យមនុស្សស្លា.ប់៣១នាក់ក្នុងប្រទេសនេះ។ ចំណែកមនុស្ស៤៣នាក់នៅតែបាត់ខ្លួន៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ