បុរសម្នាក់បំរុងទៅជួបមិត្តភក្តិ ក៏ត្រូវមនុស្សមួយក្រុមស្ទាក់តាមផ្លូវធាក់ម៉ូតូដួលផ្អើល
- ភ្នំពេញ
បុរសម្នាក់បានជិះម៉ូតូស្កុបពី ស៊េរីឆ្នាំ២០២១ ទៅជួបមិត្តភក្ដិបំរុងទៅផឹកស៊ី លុះជិះមកដល់ពាក់កណ្ដាលផ្លូវ ក៏ត្រូវ
បុរសម្នាក់បានជិះម៉ូតូស្កុបពី ស៊េរីឆ្នាំ២០២១ ទៅជួបមិត្តភក្ដិបំរុងទៅផឹកស៊ី លុះជិះមកដល់ពាក់កណ្ដាលផ្លូវ ក៏ត្រូវ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់បានជិះម៉ូតូស្កុបពី ស៊េរីឆ្នាំ២០២១ ទៅជួបមិត្តភក្ដិបំរុងទៅផឹកស៊ី លុះជិះមកដល់ពាក់កណ្ដាលផ្លូវ ក៏ត្រូវជនសង្ស័យមួយក្រុមធ្វើសកម្មភាពធាក់ប្លន់យកម៉ូតូទៅបបាត់ដោយសុវត្ថិភាព បង្កឱ្យមានការភ្ញាក់ផ្អើលនៅវេលាម៉ោង១១យប់ ថ្ងៃទី១៩ ខែតុលា ឆ្នាំ២០២១ តាមបណ្ដោយផ្លូវថៃហ្គ័រ ស្ថិតក្នុងសង្កាត់ព្រែកឯង ខណ្ឌច្បារអំពៅ ។
សេចក្តីរាយការណ៍បន្តថា ជនរងគ្រោះខាងលើមានឈ្មោះ ឆែម ឈាង ភេទប្រុស អាយុ២៥ឆ្នាំ មុខរបរលក់ដូរ មានស្រុកកំណើតនៅស្រុកពញាឮ ខេត្តកណ្ដាល ចំណែកម៉ូតូដែលត្រូវជនសង្ស័យប្លន់យកទៅនោះម៉ាកស្កុបពី ពណ៌ស ស៊េរីឆ្នាំ២០២១ ពាក់ស្លាកលេខ កណ្ដាល1F 1641 ។
តាមប្រភពពីជនរងគ្រោះបានអោយដឹងថា មុនពេលកើតហេតុ រូបគាត់បានជិះម៉ូតូម៉ាកហុងដាស្កុបពី ស៊េរីឆ្នាំ២០២១ ពណ៌ស ចេញពីម្តុំស្ទឹងមានជ័យ ក្នុងគោលបំណងទៅជួបមិត្តភក្តិ បំរុងផឹកស៊ីនៅហាងមួយកន្លែង ។
ជនរងគ្រោះបន្តថា លុះពេលរូបគាត់បានជិះមកដល់ផ្លូវថៃហ្គ័រ ដែលជាកន្លែងងងឹត ក៏ស្រាប់តែមានក្រុមជនសង្ស័យមួយក្រុមមានគ្នាប្រហែល៥ទៅ៦នាក់ ជិះម៉ូតូចំនួន៣គ្រឿង ជាប្រភេទអូតូ២គ្រឿង និងឌ្រីមសង់១គ្រឿង បានមកធ្វើសកម្មភាព ធាក់ និងវាយរូបគាត់ បណ្តាលឲ្យដួលម៉ូតូរងរបួសត្រូវស្មាខាងឆ្វេង ហើយនៅពេលឃើញរូបគាត់ដួលម៉ូតូហើយ ក្រុមជនសង្ស័យទាំងនោះក៏បានលើកយកម៉ូតូរបស់គាត់ជិះរត់គេចឡើងទៅស្ពានព្រែកសំរោងបាត់តែម្ដងទៅ។
ក្នុងហេតុការណ៍នេះដែរ បន្តិចក្រោយមក ក៏ឃើញមានកម្លាំងសមត្ថកិច្ចមូលដ្ឋាន បានចុះទៅកន្លែងកើតហេតុ រួចហើយក៏បាននាំជនរងគ្រោះទៅធ្វើការសាកសួរ និងដាក់ពាក្យបណ្ដឹងដើម្បីអោយសមត្ថកិច្ចជួយស្រាវជ្រាវរកជនសង្ស័យ និងម៉ូតូរបស់ជនរងគ្រោះមកវិញផងដែរ ៕
ចែករំលែកព័តមាននេះ