ករណីអ្នកនាង«ខ្ញុង» លោកគួច ខេវិន ថ្លែងថា គ្រប់រឿងរ៉ាវតែងតែមាន “ហេតុ បច្ច័យ និងផល”
រាជធានីភ្នំពេញ ៖ ក្រោយពីតារាកំប្លែងស្រី អ្នកនាង ស្រេង សុកាន់ដា ហៅខ្ញុង ចូលទៅតុលាការប្តឹងខ្លួនឯង(ថាក្ស័យធន) ដោយសារវ័ណ្ឌក នឹងបំណុល…
រាជធានីភ្នំពេញ ៖ ក្រោយពីតារាកំប្លែងស្រី អ្នកនាង ស្រេង សុកាន់ដា ហៅខ្ញុង ចូលទៅតុលាការប្តឹងខ្លួនឯង(ថាក្ស័យធន) ដោយសារវ័ណ្ឌក នឹងបំណុល…
រាជធានីភ្នំពេញ ៖ ក្រោយពីតារាកំប្លែងស្រី អ្នកនាង ស្រេង សុកាន់ដា ហៅខ្ញុង ចូលទៅតុលាការប្តឹងខ្លួនឯង(ថាក្ស័យធន) ដោយសារវ័ណ្ឌក នឹងបំណុល ៥៧២,០០០ដុល្លារ ហើយផ្សាយផ្ទាល់លើហ្វេសប៊ុក អំពាវនាវ លើកដៃសុំ មេត្តាសន្តោសប្រណីពីមហាជនម្នាក់១ដុល្លារៗ ដើម្បីចិញ្ចឹមកូនៗរូបនាង ក្នុងពេលរូបនាងត្រូវប្រឈមមុខច្បាប់នោះ លោក គួច ខេវិន ដែលជាផលិតករទូរទស្សន៍ល្បីឈ្មោះមួយរូប បាននិយាយថា គ្រប់រឿង គ្រប់រ៉ាវវាតែងតែមាន “ហេតុ បច្ច័យ និងផល” របស់វាជានិច្ច ។
លោក គួច ខេវិន បានសរសេរនៅលើគណនីហ្វេសប៊ុកផ្ទាល់ខ្លួន នៅថ្ងៃទី១៩ តុលា ២០២១នេះថា «ជាដំបូង លោកសូមសម្តែងនូវក្តី អាណិតអាសូរជាពន់ពេកចំពោះប្អូនស្រីខ្ញុង ដែលកំពុងតែវ័ណ្ឌ.ក ជាមួយបំណុលសិបម៉ឺន មិនមានលទ្ធភាពសង រហូតសុខចិត្តដើរចូលគុក ដោយពុំទាន់ទាំងមានអ្នកប្តឹង និងមិនទាន់មានដីការពីតុលាការផ្តន្ទាទោសអំពីកំហុសអ្វី ? ហើយកាន់តែអាណោចថែមទៀត គឺប្អូនស្រី ពុំបានភ្លេច ទទូចអង្វរសុំជំនួយពីសប្បុរសជននានា ម្នាក់១ដុល្លារៗ ទុកគ្រាន់ឲ្យកូនៗ ពីរនាក់របស់ប្អូនស្រីទិញបាយហូប ពេលដែលប្អូនស្រីគេងនៅក្នុងគុក» ។
អ្នកផលិតកម្មវិធីទូរទស្សន៍ដ៍ល្បីល្បាញរូបនេះ បន្តថា «ពិតជាម្តាយ ប្រកបដោយព្រហ្មវិហារធម៌ ជាប្រពន្ធមហាល្អ ដែលមិនឲ្យប្តីរងទុក្ខមែន ហើយពិតៗជាពិបាករកមនុស្ស ដែលហ៊ានស៊ី ហ៊ានសង ដូចប្អូនស្រីខ្ញុងនេះណាស់ ព្រោះបើខ្ចី គឺខ្ចី បើអត់លុយសងសុខចិត្តដើរចូលគុក មិនបាច់គេចាប់ ។ ខ្ចីគេសោះ ហ៊ានទៅរកស៊ីជាមួយកឺកឺ! (កឺកឺពាក្យហៅ សំដៅលើជនជាតិចិន) ហើយកឺកឺ មកពីណា មករកស៊ី តិច តក់ ជាមួយវិនិយោគិន ជាប់បំណុលដូចជាប្អូនស្រី ខ្ញុង ហ្នឹង ?»
លោកគួច ខេវិន បន្ថែមថា ធ្លាប់តែឮគេលេងល្បែងតាមអនឡាញ, ឥឡូវ ខ្ចីបំណុល តាមអនឡាញទៀត! ខ្ញុំគ្រាន់តែ ព្រលយការគិតតិចតួច! ដូចជាមិនទំនង ? ទោះជាយ៉ាងណា ខ្ញុំសុំអង្វរ ញាតិមិត្តកុំសើច កុំយំ កុំនិយាយឡកឡាយ លែបខាយ ផ្លែផ្កា ឲ្យប្អូនស្រី ខ្ញុង ធ្វើអ្វី ជួយបានក៏ជួយ ជួយមិនបាន ក៏ហី ! ព្រោះប្អូនស្រី ខ្ញុង ក៏ឆ្លាតមិនអន់ដែរ គ្រាន់តែវាចាញ់ប្រាជ្ញ ប៉ុណ្ណោះ ទើបមានជារឿងបែបអ៊ីចឹង! ចង់ជួយប្អូនស្រីខ្ញុង ក៏បាន ជួយមន្ទីរពេទ្យគន្ធបុប្ឋា មន្ទីពេទ្យកុមារជាតិ កុមារអង្គរ ក៏បាន ព្រោះនោះជាសទ្ធា ជាកុសលបុណ្យរបស់បងប្អូនជនរួមជាតិ រួមភាសានៃយើង ខ្ញុំក៏ស្ម័គ្រចិត្ត ជួយចំពោះអ្នកដែលខ្ញុំយល់ច្បាស់ថា ត្រូវតែជួយ!» ។
សូមជម្រាបថា អ្នកនាង ស្រេង សុកាន់ដា បានបង្ហោះសារតាមគណនីហ្វេសប៊ុក កាលពីថ្ងៃទី១៨ តុលា ២០២១នេះថា នាងខ្ញុំពិតជាបានខ្ចីបំណុល ម្ចាស់បំណុលជាច្រើន ទាំងមានសែក គ្មានសែក នាងខ្ញុំ ពិតជាអស់លទ្ធិភាព ក្នុងការរកប្រាក់មកសងបំណុល តទៅទៀតហើយ ។ នាងខ្ញុំ មានតែត្រូវជាប់ពន្ធនាគារ មូលហេតុមិនមានប្រាក់សងម្ចាស់បំណុលតទៅទៀតទេ ។
នាងបញ្ជាក់ថា ដោយសារនាងខ្ញុំ អាណិតកូនប្រុសទាំងពីរនាក់ ដែលមានម្ដាយនឹងត្រូវជាប់ពន្ធនាគារ ដូចនេះហើយ ដើម្បីឲ្យកូនខ្ញុំបានបន្តរៀនសូត្រ និងបានបាយហូប សូមបងប្អូន ដែលធ្លាប់គាំទ្រនាងខ្ញុំ ជួយអនុគ្រោះផ្តល់ជូនខ្ញុំ 1ដុល្លារផងចុះ នាងខ្ញុំពិតជាអរគុណបងប្អូនទាំងអស់គ្នា ទុកជាមុន និងជូនពរបងប្អូនទាំងអស់គ្នា ជួបតែសំណាងល្អ សូមកុំជួបរឿងដូចខ្ញុំអី ។ រួមនិងដាក់លេខគណនីធនាគារ ABA ផងដែរ ៕
ចែករំលែកព័តមាននេះ