ខេត្តរតនគិរី ៖ ទីតាំងលេងល្បែងបៀមួយកន្លែង បានត្រូវនគរបាលការិយាល័យព្រហ្មទណ្ឌកម្រិតស្រាលខេត្ត និងមានការសម្របសម្រួលដោយលោក មុត សម្បត្តិ ព្រះរាជអាជ្ញារងអមសាលាដំបូងខេត្ត ធ្វើការបង្ក្រាប និងឃាត់ខ្លួនស្ត្រី៤នាក់ កាលពីថ្ងៃទី១៦ ខែតុលា ឆ្នាំ២០២១ កន្លងទៅ នៅភូមិអភិវឌ្ឍន៍ ក្រុងបានលុង ។
ប្រភពពីសមត្ថកិច្ចឲ្យដឹងថា ស្ត្រីដែលញៀន.ល្បែងទាំង៤នាក់នេះ មាន ៖
១-ឈ្មោះ សន ពៅ ជាម្ចាស់ផ្ទះ អាយុ៥២ឆ្នាំ មុខរបរលក់ដូរនៅភូមិអភិវឌ្ឍន៍ សង្កាត់ឡាបានសៀក ក្រុងបានលុង
២-ឈ្មោះ លី លង អាយុ២៨ឆ្នាំ នៅភូមិភ្នំស្វាយ សង្កាត់បឹងកន្សែង ក្រុងបានលុង
៣-ឈ្មោះ តារា រឿង អាយុ៤០ឆ្នាំ នៅភូមិជ័យជំនះ សង្កាត់ឡាបានសៀក និង
៤-ឈ្មោះ ឈង ណាលីន អាយុ៥៥ឆ្នាំ មុខរបរលក់ដូរ នៅភូមិជ័យជំនះ សង្កាត់ឡាបានសៀក ក្រុងបានលុង ។
ជាមួយនឹងការចាប់ឃាត់ខ្លួននេះ សមត្ថកិច្ចក៏បានដកហូតបៀ៤ហ៊ូ ទូរស័ព្ទដៃ៥គ្រឿង លុយមួយចំនួន និងម៉ូតូ២គ្រឿងផងដែរ ។
ក្រោយពីធ្វើតេស្តរហ័សរកកូវីដ-១៩ ហើយលទ្ធផលអវិជ្ជមាន ស្ត្រីទាំង៤នាក់ត្រូវបានឃាត់ខ្លួនបណ្ដោះអាសន្ននៅការិយាល័យព្រហ្មទណ្ឌកម្រិតស្រាល ដើម្បីកសាងសំណុំរឿងបញ្ជូនទៅសាលាដំបូងខេត្ត ៕
ចែករំលែកព័តមាននេះ