ឡានដឹកស៊ីម៉ង់ត៍ដាច់ហ្វ្រាំងនៅស្តុបស្ពានព្រែកព្នៅ ឆក់យកជីវិតកម្មករសំណង់២នាក់បងប្អូន
- ភ្នំពេញ
រាជធានីភ្នំពេញ ៖ បុរសជាកម្មករសំណង់បងប្អូន២នាក់ ត្រូវបានរថយន្តដឹកស៊ីម៉ង់តិ៍មួយគ្រឿងដាច់ហ្វ្រាំងនៅចំណុចស្តុប ជ្រុលទៅ
រាជធានីភ្នំពេញ ៖ បុរសជាកម្មករសំណង់បងប្អូន២នាក់ ត្រូវបានរថយន្តដឹកស៊ីម៉ង់តិ៍មួយគ្រឿងដាច់ហ្វ្រាំងនៅចំណុចស្តុប ជ្រុលទៅបុ.កម៉ូតូពីក្រោយ និងកិ.នបែ.កក្បាលទាំងមួកសុវត្ថិភាព បណ្តាលឱ្យបាត់បង់ជីវិតទាំង២នាក់នៅនឹងកន្លែងយ៉ាងអាណោចអាធ័ម ហើយរថយន្តនោះបានកិ.ន និងអូសម៉ូតូដែលជាប់នៅក្រោមរថយន្ត ឡើងចិញ្ចើមផ្លូវ ។ ភ្លាមៗនោះ អ្នកបើកបររថយន្តត្រូវបាននគរបាលឃាត់ខ្លួន ។
ហេតុការណ៍ខាងលើនេះបានកើតឡើងកាលពីវេលាម៉ោងប្រមាណ៨និង៥០នាទីព្រឹកថ្ងៃទី១៩ ខែតុលា ឆ្នាំ ២០២១ នៅតាមបណ្តោយផ្លូវជាតិលេខ៥ ខាងជើងស្តុបស្ពានព្រែកព្នៅ ស្ថិតក្នុងភូមិកណ្តាល សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។
ជនរងគ្រោះទាំង២នាក់បងប្អូនដែលបាត់បង់ជីវិតក្នុងហេតុការណ៍គ្រោះថ្នាក់ខាងលើនេះ ត្រូវបាននគរបាលអោយដឹងថា ម្នាក់ឈ្មោះអ៊ែល ពិន ភេទប្រុស អាយុ៣៥ឆ្នាំ ជាកម្មករសំណង់ និងម្នាក់ទៀតឈ្មោះ ទីមឿន ចំណាន ហៅអ៊ែល ប៉ូ ភេទប្រុស អាយុ២៥ឆ្នាំជាកម្មករសំណង់ ។ ជនរងគ្រោះទាំង២នាក់ជាបងប្អូនបង្កើតនឹងគ្នា មានទីលំនៅក្នុងភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។
ចំណែករថយន្តដឹកស៊ីម៉ង់តិ៍មួយគ្រឿងខាងលើជារបស់ក្រុមហ៊ុនមួយ ពណ៌ត្រេអ៊ី ពាក់ស្លាកលេខ ភ្នំពេញ ៣D-៤៥២០ បើកបរដោយឈ្មោះ ឈុំ ធារាជ ភេទប្រុស អាយុ៣០ឆ្នាំ មានទីលំនៅផ្ទះលេខ៣៨ ភូមិព្រហូត ឃុំសំរោង ស្រុកស្វាយអន្ទរ ខេត្តព្រៃវែង ត្រូវបាននគរបាលឃាត់ខ្លួន ។
តាមសាក្សីបានអោយដឹងថា នៅមុនពេលកើតហេតុ គេឃើញជនរងគ្រោះ២នាក់បងប្អូន បានជិះម៉ូតូមួយគ្រឿងម៉ាកហុង ដាឌ្រីម ពណ៌ខ្មៅ ពាក់ស្លាកលេខ ភ្នំពេញ ១FX-៩៦៩០ ដោយបងប្រុសជាអ្នកឌុប ធ្វើដំណើរតាមផ្លូវជាតិលេខ៥ ក្នុងទិសដៅពីជើងទៅត្បូង ។
តាមប្រភពដដែលបានបន្តថា លុះពេលម៉ូតូរបស់ជនរងគ្រោះមកដល់កន្លែងកើតហេតុ ក៏ឈប់ស្តុបក្រោមស្ពានព្រែកព្នៅ ស្រាប់តែមានរថយន្តមួយគ្រឿងរបស់ក្រុមហ៊ុនខាងលើ សណ្តោងកន្ទុយដឹកស៊ីម៉ង់តិ៍ ធ្វើដំណើរស្របគ្នា មកបុ.កពីក្រោយរថយន្តម៉ាកឡិចស៊ីស NX200t និងម៉ូតូរបស់ជិះម៉ូតូជនរងគ្រោះតែម្តង ។
តាមសាក្សីបានអោយដឹងទៀត នៅក្នុងគ្រោះថ្នាក់នោះ រថយន្តដឹកស៊ីម៉ង់ត៍ក៍បានបុ.ក និងកិ.នជនរងគ្រោះទាំង២នាក់បងប្អូនចំក្បាល បណ្តាលឱ្យបែ.កក្បាល និងមួកសុវត្ថិភាព ស្លា.ប់បាត់បង់ជីវិតភ្លាមៗនៅនឹងកន្លែង ហើយរថយន្តក៍បានកិ.នជាប់ម៉ូតូក្រោមរថយន្តអូសឡើងលើចិញ្ចើមផ្លូវ ។ បន្ទាប់ពីបង្កគ្រោះថ្នាក់រួច អ្នកបើកបរត្រូវបាននគរបាលឃាត់ខ្លួន ។
តាមប្រភពពីអ្នកបើកបររថយន្តឡិចស៊ិស ដែលឃើញហេតុការណ៍ផ្ទាល់បានអោយដឹងថា នៅមុនពេលកើតហេតុ គាត់កំពុងតែឈប់ស្តុប ហើយម៉ូតូមួយគ្រឿងដែលជិះដោយជនរងគ្រោះទាំង២នាក់ក៏បានមកឈប់ទន្ទឹមនឹងរថយន្តរបស់គាត់ ខណៈពេលដែលភ្លើងស្តុបពណ៌ក្រហមនៅសល់ប្រមាណ១០វិនាទី យានយន្តនៅខាងមុខ ក៍បានចេញដំណើរបន្តបន្ទាប់ជាបណ្តើរៗ ស្រាប់តែរថយន្តបង្កមកបុ.ករថយន្ត របស់គាត់ពីក្រោយចំស្តុប ហើយអ្នកបើកបរទាញចង្កូតទៅស្តាំដៃ ក៏បុ.កម៉ូតូដែលជិះដោយជនរងគ្រោះ២នាក់។
តាមអ្នកបើកបររថយន្តឡិចស៊ីស បានអោយដឹងទៀតថា នៅក្នុងគ្រោះថ្នាក់ខាងលើនោះដែរ គាត់ឃើញអ្នកជិះម៉ូតូដួលផ្កាប់មុខ ទន្ទឹមគ្នា ដោយជនរងគ្រោះជាប្អូនបានច្រត់ដៃប្រុងក្រោក ក៍ត្រូវរថយន្តកិ.នចំក្បាល បណ្តាលឱ្យបាត់បង់ជីវិតតែម្តង។
ទាក់ទឹននឹងគ្រោះថ្នាក់ខាងលើនេះដែរ អ្នកបើកបររថយន្តបង្ក បានអោយដឹងថា មូលហេតុដែលបង្កអោយកើតមានគ្រោះថ្នាក់ដោយសារតែរថយន្តហ្វ្រាំងមិនស៊ី ។
ក្រោយពេលកើតហេតុ រថយន្តបង្ក និងអ្នកបើកបរ ព្រមទាំងម៉ូតូត្រូវបាននគរបាលបញ្ជូនទៅកាន់ការិយាល័យចរាចរណ៍ផ្លូវគោក នៃស្នងការនគរបាលរាជធានីភ្នំពេញ ដើម្បីចាត់ការតាមច្បាប់ ។ ចំណែកស.ពជនរងគ្រោះទាំងនាក់ ត្រូវបានសមត្ថកិច្ចប្រគល់អោយប្អូនប្រុសម្នាក់ទៀតដែលត្រូវជាសាច់ញាតិ នាំយកទៅធ្វើបុណ្យតាមប្រពៃណី ។ ដោយឡែករថយន្តម៉ាកឡិចស៊ីស សុំយកចេញទៅជួលជុលដោយខ្លួនឯង ៕
ចែករំលែកព័តមាននេះ