IOC ៖ World Cup ២ឆ្នាំម្តងនឹងគំរា.មកំហែងដល់វិស័យកីឡា និងសមភាពយេនឌ័រ
ស្វីស ៖ គណៈកម្មាធិការអូឡាំពិកអន្តរជាតិ IOC ជឿថា ផែនការសហព័ន្ធបាល់ទាត់ពិភពលោក FIFA ក្នុងការរៀបចំការប្រកួត
ស្វីស ៖ គណៈកម្មាធិការអូឡាំពិកអន្តរជាតិ IOC ជឿថា ផែនការសហព័ន្ធបាល់ទាត់ពិភពលោក FIFA ក្នុងការរៀបចំការប្រកួត
ស្វីស ៖ គណៈកម្មាធិការអូឡាំពិកអន្តរជាតិ IOC ជឿថា ផែនការសហព័ន្ធបាល់ទាត់ពិភពលោក FIFA ក្នុងការរៀបចំការប្រកួតព្រឹត្តិការណ៍ World Cup ផ្នែកបុរសរៀងរាល់២ឆ្នាំម្តង គឺជាការគំរា.មកំហែងដល់វិស័យកីឡាផ្សេងទៀត រួមនិងសមភាពយេនឌ័រ។
IOC បានលើកឡើងថា ការប្រកួត World Cup ២ឆ្នាំម្តងអាចបណ្តាលឱ្យមានការប៉ះពាល់រវាងការប្រកួតបាល់ទាត់ និងការប្រកួតកីឡាអូឡាំពិក ដែលជាព្រឹត្តិការណ៍ដ៏សំខាន់មួយ ហើយក្នុងនោះរួមមានទាំងវិញ្ញាសាបាល់ទាត់នារីផងដែរ។
សេចក្តីថ្លែងការណ៍របស់ IOC បានបញ្ជាក់ថា ផែនការនេះ ថែមទាំងប៉ះពាល់ដល់ព្រឹត្តិការណ៍ជាច្រើនផ្សេងទៀត នឹងធ្វើឱ្យអន្តរាយដល់ភាពចម្រុះ និងការអភិវឌ្ឍវិស័យកីឡាទាំងមូល។ ហើយការបន្ថែមកម្រិតសម្រាប់ព្រឹត្តិការណ៍បុរស នឹងបង្កើតជាបញ្ហាប្រឈមសម្រាប់បាល់ទាត់នារីនាពេលអនាគត។ អ្វីដែលសំខាន់បំផុត គឺវាប៉ះពាល់ខ្លាំងដល់សុខមាលភាពកីឡាករ ដែលឈានដល់ការបង្កើតភាពតានតឹងលើបញ្ហាសុខភាពរាងកាយ និងផ្លូវចិត្តកីឡាករផ្ទាល់តែម្តង។
សូមរំលឹកជូនថា សម្រាប់ផែនការកែទម្រង់ការប្រកួត World Cup ពី៤ឆ្នាំម្តងមកធ្វើរៀងរាល់២ឆ្នាំម្តង គឺជាការផ្តួចផ្តើមឡើងដោយលោក Arsene Wenger អតីតអ្នកចាត់ការក្រុមកាំភ្លើងធំ Arsenal ដែលបច្ចុប្បន្នជាប្រធានផ្នែកអភិវឌ្ឍន៍បាល់ទាត់របស់ FIFA និងជាទីប្រឹក្សាជិតស្និទ្ធរបស់ប្រធាន FIFA លោក Gianni Infantino ផងដែរ។
ទោះយ៉ាងណា ផែនការនេះ ហាក់មិនទទួលបានការគាំទ្រច្រើនឡើយ ដោយមានការជំទាស់ពីសហព័ន្ធបាល់ទាត់ទ្វីបអឺរ៉ុប UEFA និងស្ថាប័នលីគបាល់ទាត់នារីចំនួន១០នៅទ្វីបអឺរ៉ុប។ ស្របពេលក្រុមអ្នកជំនាញ គ្រូបង្វឹក កីឡាករ ជាពិសេសអ្នកគាំទ្រក៏សម្តែងការប្រឆាំងទៅនឹងផែនការខាងលើផងដែរ៕ (ដកស្រង់ចេញពី BBC)
ចែករំលែកព័តមាននេះ