ខេត្តកំពង់ស្ពឺ ៖ រថយន្តស៊ីទែន ដឹកប្រេងសាំងមួយគ្រឿង បានក្រឡាប់នៅកណ្តាលផ្លូវ ហូរប្រេងសាំងចេញពីរថយន្ត ប៉ុន្តែមិនបង្កគ្រោះថ្នាក់នោះទេ ។ យោងតាមរបាយការណ៍របស់នាយកដ្ឋាននគរបាលបង្ការពន្លត់អគ្គិភ័យ និងសង្គ្រោះ…
ខេត្តកំពង់ស្ពឺ ៖ រថយន្តស៊ីទែន ដឹកប្រេងសាំងមួយគ្រឿង បានក្រឡាប់នៅកណ្តាលផ្លូវ ហូរប្រេងសាំងចេញពីរថយន្ត ប៉ុន្តែមិនបង្កគ្រោះថ្នាក់នោះទេ ។
យោងតាមរបាយការណ៍របស់នាយកដ្ឋាននគរបាលបង្ការពន្លត់អគ្គិភ័យ និងសង្គ្រោះ បានឲ្យដឹងថា នៅវេលាម៉ោង ១២និង០០នាទីថ្ងៃត្រង់ មានគ្រោះថ្នាក់ចរាចរណ៍មួយបានកើតឡើងនៅចន្លោះគីឡូម៉ែត្រលេខ ៨២-៨៣ ផ្លូវជាតិលេខ០៤ ដោយរថយន្តដឹកប្រេងមួយគ្រឿង ស្លាកលេខ កំពង់ស្ពឺ 3A 0548 (មិនទាន់ស្គាល់អត្តសញ្ញាណអ្នកបើកបរ) បានក្រឡាប់ចំកណ្ដាលផ្លូវ ហើយហូរប្រេងលើផ្លូវជាតិ ប៉ុន្តែមិនមានមនុស្សរងរបួសទេ ។
ខណៈនេះ កងកម្លាំងអន្តរាគមន៍ពន្លត់អគ្គិភ័យ ក៏បានត្រៀមរថយន្ត ចំនួន ០២គ្រឿង នៅនឹងកន្លែងកើតហេតុផងដែរ សម្រាប់ត្រៀមអន្តរាគមន៍ពន្លត់អគ្គិភ័យ ពេលកើតមានឡើងអគ្គិភ័យ ជាយថាហេតុណាមួយ ។ យ៉ាងណាចំពោះការក្រឡាប់រថយន្តដឹកប្រេងខាងលើនេះ នៅមិនទាន់ដឹងមូលហេតុនៅឡើយ ៕
ចែករំលែកព័តមាននេះ