រាជធានីភ្នំពេញ ៖ បុរសម្នាក់ត្រូវបានកម្លាំងស្នងការដ្ឋាននគរបាលរាជធានីភ្នំពេញ កោះហៅមកបំភ្លឺ និងសុំទោសជាសាធារណៈក្រោយពីបានបង្ហោះសារតាមប្រព័ន្ធហ្វេសប៊ុកជេរប្រមា.ថមើលងាយដល់សមត្ថកិច្ច ដែលកំពុងអនុវត្តច្បាប់ចរាចរណ៍នៅលើដងផ្លូវសាធារណៈ ។ សេចក្តីបកស្រាយបំភ្លឺ និងបដិសេធរបស់ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញចំពោះគណនីហ្វេសប៊ុកមួយឈ្មោះថា…
រាជធានីភ្នំពេញ ៖ បុរសម្នាក់ត្រូវបានកម្លាំងស្នងការដ្ឋាននគរបាលរាជធានីភ្នំពេញ កោះហៅមកបំភ្លឺ និងសុំទោសជាសាធារណៈក្រោយពីបានបង្ហោះសារតាមប្រព័ន្ធហ្វេសប៊ុកជេរប្រមា.ថមើលងាយដល់សមត្ថកិច្ច ដែលកំពុងអនុវត្តច្បាប់ចរាចរណ៍នៅលើដងផ្លូវសាធារណៈ ។
សេចក្តីបកស្រាយបំភ្លឺ និងបដិសេធរបស់ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញចំពោះគណនីហ្វេសប៊ុកមួយឈ្មោះថា ដានីលក់ទូរស័ព្ទគ្រប់ប្រភេទ ដែលបានផុសព័ត៌មានមិនពិត នៅថ្ងៃទី១៤ ខែតុលា ឆ្នាំ២០២១ថា «នៅមុខសួនវឌ្ឍនៈ ផ្លូវវេងស្រេង ពួកអាជញ្ជក់ឈា.មខុសពីប្រទេសថៃឆ្ងាយដូចមេឃ និងដី» ដែលមានខ្លឹមសារប្រមា.ថមើលងាយមកលើមន្ត្រីនរគរបាលដែលជាអ្នកអនុវត្តច្បាប់ ។ នេះបើយោងតាមផេកស្នងការដ្ឋាននគរបាលរាជធានីភ្នំពេញបានបង្ហោះនៅល្ងាចថ្ងៃទី១៦ ខែតុលានេះ។
ស្នងការដ្ឋាននគរបាលរាជធានីភ្នំពេញបានបញ្ជាក់ថា តាមពិតជាក់ស្តែងករណីនេះ គឺជាការចាប់ផាកពិន័យបុរសម្នាក់ឈ្មោះ សេង ដានី ដែលបានបើកបរល្មើសនឹងច្បាប់ចរណ៍ នៅវេលាម៉ោង៨ និង ៣០នាទី ត្រង់ចំណុចសួនវឌ្ឍនៈ ដោយមន្ត្រីនគរបាលចរណ៍ធ្វើការផាកពិន័យទៅតាមច្បាប់ និងបានចេញវិក័យបត្រផាកពិន័យត្រឹមត្រូវ ។
ប៉ុន្តែនៅថ្ងៃល្ងាចទី១៤ ខែតុលា ឆ្នាំ២០២១ បុរស់ឈ្មោះ សេង ដានី នេះបានផុសផ្សាយព័ត៌មានមិនពិត និងជេរប្រមា.ថមកលើសមត្ថកិច្ច ដែលជាអ្នកអនុវត្តច្បាប់ និងក្នុងគោលបំណងអាក្រក់បង្ខូចកិត្តិយសរបស់សមត្ថកិច្ចក៏ដូចជា ធ្វើឲ្យប្រជាពលរដ្ឋមានការយល់ច្រឡំ ។
រហូតដល់វេលាម៉ោង២និង០០ល្ងាចថ្ងៃទី១៦ ខែតុលា ឆ្នាំ២០២១ សមត្ថកិច្ចនៃការិយាល័យប្រឆាំងបទល្មើសបច្ចេកវិទ្យានៃផែនការងារសន្តិសុខបានកោះហៅឈ្មោះ សេង ដានី ចូលមកមកបំភ្លឺ ដោយបានទទួលនូវកំហុស និងធ្វើការថតវីដេអូ សុំទោសជាសាធារណៈចំពោះប្រជាពលរដ្ឋ ជាពិសេសសមត្ថកិច្ចជាមន្ត្រីអនុវត្តច្បាប់ដើម្បីសុំការលើកលែងទោស ៕
ចែករំលែកព័តមាននេះ