រដ្ឋាភិបាលអាមេរិកបានផ្តល់ប្រាក់សំណងទៅដល់សាច់ញាតិនៃមនុស្សចំនួន១០នាក់ ដែលត្រូវបានសម្លា.ប់ខុស ក្នុងប្រតិបត្តិការវា.យប្រហារដោយដ្រូននៅក្នុងរដ្ឋធានី Kabul កាលពីខែសីហាកន្លងទៅ។ នេះបើយោងតាមការចុះផ្សាយរបស់ BBC នៅរសៀលថ្ងៃសៅរិ៍នេះ។ បុគ្គលិកជំនួយម្នាក់ និងសមាជិកគ្រួសារចំនួន…
រដ្ឋាភិបាលអាមេរិកបានផ្តល់ប្រាក់សំណងទៅដល់សាច់ញាតិនៃមនុស្សចំនួន១០នាក់ ដែលត្រូវបានសម្លា.ប់ខុស ក្នុងប្រតិបត្តិការវា.យប្រហារដោយដ្រូននៅក្នុងរដ្ឋធានី Kabul កាលពីខែសីហាកន្លងទៅ។ នេះបើយោងតាមការចុះផ្សាយរបស់ BBC នៅរសៀលថ្ងៃសៅរិ៍នេះ។
បុគ្គលិកជំនួយម្នាក់ និងសមាជិកគ្រួសារចំនួន ៩នាក់ រួមមានកុមារ ៧នាក់បានស្លា.ប់ក្នុងការវា.យប្រហារខុសនោះ។ ការវា.យប្រហារកើតឡើងតែប៉ុន្មានថ្ងៃប៉ុណ្ណោះមុនពេលកងទ័ពអាមេរិកដកចេញពីប្រទេសប៉ាគីស្ថាន ។ មន្ទីរបញ្ចាកោណអាមេរិក បាននិយាយថាខ្លួនក៏កំពុងធ្វើការផងដែរដើម្បីជួយដល់សមាជិកនៃនៃគ្រួសាររងគ្រោះ ឲ្យផ្លាស់ទីទៅកាន់សហរដ្ឋអាមេរិក។
ឧត្តមសេនីយ៍អាមេរិក លោក Kenneth McKenzie បាននិយាយកាលពីខែមុនថា ទីភ្នាក់ងារស៊ើបការណ៍សម្ងាត់អាមេរិក បានធ្វើការតាមដានរថយន្តរបស់បុគ្គលិកជំនួយអស់រយៈពេល ៨ម៉ោង ដោយជឿជាក់ថារថយន្តនោះមានជាប់ពាក់ព័ន្ធនឹងក្រុមសកម្មប្រយុទ្ធ IS-K។
ការស៊ើបការណ៍បានរកឃើញថា រថយន្តរបស់បុរសម្នាក់ត្រូវបានគេឃើញនៅបរិវេណដែលមានទំនាក់ទំនងជាមួយក្រុម IS-K ហើយការបំផ្លាស់ទីរបស់វាពាក់ព័ន្ធនឹងចារកម្មអំពីផែនការរបស់ក្រុម IS-K សម្រាប់ការវាយប្រហារព្រលានយន្តហោះក្រុង Kabul។
នៅចំណុចមួយ យន្តហោះដ្រូន បានឃើញបុរសជាច្រើននាក់មានផ្ទុកអ្វីដែលទំនងជាគ្រឿងផ្ទុះចូលទៅក្នុងឃ្លុបឡាន ប៉ុន្តែគ្រឿងទាំងនោះបានប្រែជាធុងទឹក។
លោកឧត្តមសេនីយ៍ McKenzie ពណ៌នាការវា.យប្រហារនោះគឺជាកំហុសដ៏គួរឲ្យសោកស្តាយ។ លោកបន្ថែមថា ក្រុមតាលីបង់មិនជាប់ពាក់ព័ន្ធនឹងចារកម្មដែលបណ្តាលឲ្យមានការវា.យប្រហារឡើយ។
ការផ្តល់ប្រាក់សំណងទៅដល់សាច់ជាតិគ្រួសាររងគ្រោះត្រូវបានធ្វើឡើងកាលពីថ្ងៃព្រហស្បតិ៍ក្នុងកិច្ចប្រជុំរវាងលោក Colin Kahl អនុរដ្ឋលេខាធិការក្រសួងការពារជាតិ និងលោក Steven Kwon ស្ថាបនិក និងជាប្រធានក្រុមជំនួញនៅក្នុងប្រទេសអាហ្វហ្គានីស្ថាន។
សូមរម្លឹកថា ក្រុមតាលីបង់បានដណ្តើមកាន់កាប់បានក្រុង Kabul នៅថ្ងៃទី ១៥ ខែសីហា ឆ្នាំ ២០២១ ក្រោយពេលអាមេរិកដកទ័ពចេញពីប្រទេសអាហ្វហ្គានីស្ថាន។
ក្រុមរដ្ឋអ៊ីស្លាមបានធ្វើការវា.យប្រហារជាច្រើនកន្លែង ជាពិសេសនៅព្រះវិហារសាសនា បន្ទាប់ពីក្រុមតាលីបង់បានចូលកាន់កាប់រដ្ឋាភិបាល ដោយក្រុមនេះប្រឆាំងនឹងក្រុមតាលីបង់។
កាលពីថ្ងៃសុក្រម្សិលមិញមានការបំផ្ទុះគ្រាប់បែកអត្តឃាតនៅព្រះវិហារមួយ ស្ថិតក្នុង Kandahar បណ្តាលឲ្យមនុស្សជាង ៤០នាក់ស្លា.ប់ និងជាច្រើននាក់ទៀតរងរបួស។
ក្រុមរដ្ឋអ៊ីស្លាម IS បានចេញសេចក្តីថ្លែងការណ៍ថាខ្លួនជាអ្នកនៅពីក្រោយការវា.យប្រហារនោះ៕ (យោងតាមប្រភព៖ BBC)
ចែករំលែកព័តមាននេះ