ខេត្តកំពង់ចាម ៖ ដូចការគ្រោងទុកពីសំណាក់អាជ្ញាធរខេត្តដោយអ្នកជំងឺកូវីដ១៩ កម្រិតស្រាលនៅវិទ្យាល័យព្រះសីហនុ ក្រុងកំពង់ចាម ដែលព្យាបាលជាសះស្បើយចំនួនធំអស់នៅសល់ប្រមាណ២៤០នាក់ ក្នុងនោះមានប្រុសស្រីត្រូវបានដឹកតាមរថយន្តសង្គ្រោះបន្ទាន់ ។
ដោយយកទៅដាក់នៅទីតាំងថ្មីឃ្លាំងពាណិជ្ជកម្មចំនួនបីល្វែង ស្ថិតនៅក្នុងស្រុកកំពង់សៀម នាព្រឹកថ្ងៃទី១៤ ខែតុលា ឆ្នាំ២០២១ ហើយដែលមានចម្ងាយប្រមាណ៦គីឡូម៉ែត្រពីក្រុងកំពង់ចាមផងដែរ ។
លោកថាវ សុផល នាយកវិទ្យាល័យព្រះសីហនុក្រុងកំពង់ចាមមានប្រសាសន៍ឲ្យដឹងថា តាមដែលលោកចាំនៅចុងខែមេសា ឬដើមខែឧសភា ក្នុងឆ្នាំ២០២១ ឯកឧត្តមអ៊ុន ចាន់ដា អភិបាលខេត្តរួមនឹងសហការីបានចុះមកពិនិត្យទីតាំងវិទ្យាល័យរបស់លោក ដើម្បីខ្ចីយកធ្វើជាកន្លែងព្យាបាលអ្នកជំងឺកូវីដកម្រិតស្រាលមកពីតាមតំបន់នានាក្នុងខេត្តកំពង់ចាម ។
នាយកវិទ្យាល័យព្រះសីហនុ បានបន្តឲ្យដឹងទៀតថា នៅក្នុងអំឡុងពេលនោះជំងឺកូវីដ ត្រូវបានផ្ទុះឡើងហើយសិស្សានុសិស្សក៏ត្រូវបានផ្អាកមិនឲ្យមករៀនសូត្រព្រោះ ដើម្បីការពារកុំឱ្យឆ្លងពីសិស្សម្នាក់ទៅសិស្សម្នាក់ទៀត ។ ទើបតែរហូតមកដល់ព្រឹកថ្ងៃទី១៤ ខែតុលា មន្ទីរសុខាភិបាលនៃរដ្ឋបាលខេត្តបានយករថយន្តជាច្រើនគ្រឿងមកដឹកអ្នកជំងឺពីរក្នុងអគារថ្នាក់រៀន ក្នុងបរិវេណវិទ្យាល័យព្រះសីហនុ យកទៅដាក់នៅទីតាំងថ្មីក្នុងស្រុកកំពង់សៀម ។
រូបលោកមិនទាន់ច្បាស់ថា តើប៉ុន្មានថ្ងៃទៀតនឹងត្រូវអនុញ្ញាតឲ្យសិស្សចូលរៀនព្រោះនៅបាញ់ថ្នាំសម្លា.ប់ មេរោគតាមបន្ទប់ថ្នាក់រៀនបន្ថែមទៀត ។ តែចំពោះសិស្សថ្នាក់ទី៩ និងទី១២ គឺត្រូវតែមករៀនជារៀងរាល់ថ្ងៃ ដោយត្រូវអនុវត្តតាមវិធានរបស់ក្រសួងសុខាភិបាល ។
បើសិនជាឱកាសល្អរូបលោកនឹងបើកឲ្យសិស្សរៀនគ្រប់កម្រិត ដោយឡែកសិស្សក្រៅពីថ្នាក់ប្រឡងទាំង២កម្រិតគឺត្រូវរៀនចែកជាពីរវេនក្នុងនោះមួយសប្តាហ៍រៀននៅសាលានិងរៀនតាមអនឡាញជាដើម។
ចំណែកលោកនួន ណុយ នាយករងរដ្ឋបាលសាលាខេត្តវិញមានប្រសាសន៍ឱ្យដឹងដែរថា ចាប់តាំងពីអំឡុងពេលជំងឺកូវីដបានផ្ទុះឡើងឯកឧត្តមអ៊ុន ចាន់ដា អភិបាលខេត្តបានរៀបចំសណ្ឋាគារមេគង្គនៅមាត់ទន្លេធ្វើជាកន្លែងចត្តាឡីស័ក ដែលក្នុងគ្រានោះត្រូវបានរកឃើញលើភ្ញៀវទេសចរចម្រុះជាតិសាសន៍នៅលើនាវាទេសចរណ៍មួយគ្រឿង ។
លោកនាយករងរដ្ឋបាលសាលាខេត្តបានបញ្ជាក់ថា ក្រោយមកទៀតជំងឺកូវីដក៏បានផ្ទុះឡើងពីតំបន់មួយទៅតំបន់មួយ និងពីស្រុកមួយទៅស្រុកមួយនៅក្នុងខេត្តកំពង់ចាម ។ ហើយត្រូវបានអាជ្ញាធរខេត្តប្រែក្លាយសណ្ឋាគារមេគង្គទៅជាមន្ទីរពេទ្យថ្នាក់តំបន់សម្រាប់ព្យាបាលជំងឺកូវីដរហូតមកដល់សព្វថ្ងៃនេះ ។
យោងតាមសេចក្តីសម្រេចស្ដីពីសុពលភាពនៃការអនុវត្តវិធានការរដ្ឋបាលខេត្តកំពង់ចាមបន្តពីរសប្តាហ៍បន្ថែមទៀត គឺចាប់អនុវត្តពីថ្ងៃទី ១៥ ខែតុលា រហូតដល់ថ្ងៃទី២៨ ខែតុលា ឆ្នាំ២០២១ ។ ដោយក្នុងប្រការ៩ ត្រូវដាក់ចេញនូវវិធានការបន្ទាន់សំដៅគ្រប់គ្រងតំបន់ដែលរកឃើញថាមានការឆ្លងរីករាលដាលនៃមេរោគបំប្លែងខ្លួនថ្មីដែលតា ៕
ចែករំលែកព័តមាននេះ