ខេត្តកណ្ដាល ៖ ក្មេងប្រុសអាយុ១៥ឆ្នាំម្នាក់បានធ្វើសកម្មភាពប្រទូស្តកេរ្តិ៍ភេទលើក្មេងស្រីវ័យ៤ឆ្នាំម្នាក់ ហើយត្រូវនាងយំមិនឈប់
ខេត្តកណ្ដាល ៖ ក្មេងប្រុសអាយុ១៥ឆ្នាំម្នាក់បានធ្វើសកម្មភាពប្រទូស្តកេរ្តិ៍ភេទលើក្មេងស្រីវ័យ៤ឆ្នាំម្នាក់ ហើយនាងយំមិនឈប់ បន្ទាប់មកនាងតូចបានប្រាប់ឲ្យម្ដាយ និងអ៊ំស្រីរបស់នាងបានដឹង ទើបប្ដឹងនគរបាលឲ្យចុះទៅឃាត់ខ្លួនក្មេងប្រុសរូបនោះតែម្ដង។
ហេតុការណ៍នោះបានកើតឡើងកាលពីវេលាម៉ោង១០និង៤០នាទីព្រឹកថ្ងៃទី១៤ ខែតុលា ឆ្នាំ២០២១ នៅក្នុងស្រុកអង្គស្នួល ខេត្តកណ្តាល។
ក្មេងប្រុសដែលជាជនសង្ស័យនិងត្រូវនគរបាលឃាត់ខ្លួននោះឈ្មោះឃឹម សីហា អាយុ១៥ឆ្នាំ ស្នាក់នៅក្នុងភូមិឃុំកើតហេតុ
ខាងលើ ចំណែកក្មេងស្រីរងគ្រោះ មានអាយុ៤ឆ្នាំ ក៏ស្នាក់នៅក្នុងភូមិកើតហេតុខាងលើនោះដែរ។
តាមប្រភពព័ត៌មានបានឲ្យដឹងថា នៅមុនពេលកើតហេតុ ក្មេងស្រីរងគ្រោះបានទៅលេងផ្ទះជនសង្ស័យ ហើយបានអង្គុយមើលទូរស័ព្ទជាមួយគ្នា (ទូរស័ព្ទរបស់ក្មេងប្រុសជាជនសង្ស័យ) ។ លុះមួយសន្ទុះក្រោយមក ក្មេងប្រុសដែលជាសង្ស័យរូបនេះបានទុកទូរស័ព្ទដៃឲ្យក្មេងស្រីរងគ្រោះមើលម្នាក់ឯងរួចក៏ដើរចូលក្នុងបន្ទប់ទឹក។
តាមប្រភពព័ត៌មានបានបន្តថា បន្តិចក្រោយមកទៀត បន្ទាប់ពីចេញពីបន្ទប់ទឹកវិញ ក្មេងប្រុសដែលជាជនសង្ស័យក៏បានអង្គុយមើលទូរស័ព្ទជាមួយក្មេងស្រីជនរងគ្រោះបន្តទៀត ។ បន្ទាប់មក ក្មេងប្រុសដែលជាជនសង្ស័យបានចាប់នាងស្រាតសំពត់ រួចលេងប្រដា.ប់ភេ.ទរបស់នាង ធ្វើឲ្យក្មេងស្រីរងគ្រោះមានការឈឺចា.ប់ក៏ស្រែកយំខ្លាំងៗ ហើយយកសំពត់ស្លៀកខាងខុស និងរត់ចេញពីផ្ទះរបស់ក្មេងប្រុសដែលជាជនសង្ស័យ រួចនាងរត់ឆ្ពោះទៅផ្ទះរបស់ខ្លួនវិញ។
តាមប្រភពព័ត៌មានបានឱ្យដឹងបន្តថា ពេលទៅដល់ផ្ទះវិញ នាងគិតតែពីយំរហូត ទោះជាម្ដាយលួងលោមយ៉ាណាក៏ពុំស្ងៀមសោះ ចំណែកឯម្ដាយក៏មានការងឿងឆ្ងល់ដែរ ព្រោះបានឃើញកូនស្រីស្លៀកសំពត់ខាងខុសបែបនេះ ។ ពេលនោះក៏បានលួងផង និងសួរនាំផង តែកូនស្រីមិនព្រមនិយាយប្រាប់ទេ នាងគិតតែយំរហូតមិនស្ងៀមឡើយ។ ក្រោយមកស្ត្រីម្នាក់ត្រូវជាអ៊ំបានជិះម៉ូតូឌុបនាងទៅទិញការ៉េមហូបទើបនាងឈប់យំ ហើយនិយាយប្រាប់ម្ដាយ និងអ៊ំស្រីពីសកម្មភាពរបស់ក្មេងប្រុសជាជនសង្ស័យ ដែលបានប្រព្រឹត្តមកលើរូបនាង។
តាមប្រភពព័ត៌មានបានឲ្យដឹងទៀតថា ក្រោយមក ស្ត្រីជាម្ដាយបានយកកូនស្រីទៅងូតទឹក និងពិនិត្យមើលប្រដា.ប់ភេ.ទរបស់កូន ឃើញមានស្នាមដា.ច់រលា.ត់ចេញឈា.មតិចៗ ទើបស្ត្រីជាម្ដាយរាយការណ៍ទៅកាន់កម្លាំងនគរបាល ឲ្យចុះទៅឃាត់ខ្លួនក្មេងប្រុសដែលជាជនសង្ស័យ រួចនាំទៅកាន់អធិការដ្ឋាននគរបាលស្រុកអង្គស្នួល ដើម្បីសួរនាំនិងកសាងសំណុំរឿងបញ្ជូនទៅតុលាការចាត់ការតាមច្បាប់៕
ចែករំលែកព័តមាននេះ