រាជធានីភ្នំពេញ ៖ ក្រសួងសុខាភិបាលបានគូសបញ្ជាក់ឲ្យដឹងថាគិតតាំងពីរាជរដ្ឋាភិបាលប្រកាសចាក់ជូនប្រជាពលរដ្ឋ កាលពីថ្ងៃទី១០ កុម្ភៈ មកដល់ថ្ងៃទី១៤ តុលា ក្រុមគ្រូពេទ្យបានចាក់វ៉ាក់សាំងបង្ការជំងឺកូវីដ១៩ ចំពោះមនុស្សចាស់បានជិត១០០ភាគរយហើយ និងចាក់ជូនកុមារបានជាង៩០ភាគរយហើយ…
រាជធានីភ្នំពេញ ៖ ក្រសួងសុខាភិបាលបានគូសបញ្ជាក់ឲ្យដឹងថាគិតតាំងពីរាជរដ្ឋាភិបាលប្រកាសចាក់ជូនប្រជាពលរដ្ឋ កាលពីថ្ងៃទី១០ កុម្ភៈ មកដល់ថ្ងៃទី១៤ តុលា ក្រុមគ្រូពេទ្យបានចាក់វ៉ាក់សាំងបង្ការជំងឺកូវីដ១៩ ចំពោះមនុស្សចាស់បានជិត១០០ភាគរយហើយ និងចាក់ជូនកុមារបានជាង៩០ភាគរយហើយ ។
យោងតាមរបស់ក្រសួងសុខាភិបាលចេញផ្សាយ នៅថ្ងៃទី១៥ ខែតុលា ឆ្នាំ២០២១ បានលើកឡើងថា កំណើនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី១៤ ខែតុលា ឆ្នាំ២០២១ មាន ៩៩,៣៧% ធៀបជាមួយចំនួនប្រជាជនគោលដៅ ១០លាននាក់ និងលើកុមារ-យុវវ័យ អាយុពី១២ឆ្នាំ ទៅក្រោម១៨ឆ្នាំ មាន ៩០,១៤% ធៀបជាមួយចំនួនប្រជាជនគោលដៅ ១,៩៦៦,៩៣១ នាក់ និងលើកុមារអាយុពី០៦ឆ្នាំ ដល់ក្រោម១២ឆ្នាំ មាន ៩៧,៦១% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់ ។
ជាមួយគ្នានោះដែរ ក្រសួងក៏បានឲ្យដឹងថា បានចាក់វ៉ាក់សាំងបង្ការជំងឺកូវីដ១៩ ដូសទី៣ ឬដូសជំរុញបានចំនួន១.២១៨.៤៨៦នាក់(ស្រីចំនួន៤៩៤.៨៩៤នាក់) ៕
ចែករំលែកព័តមាននេះ