អាណិតណាស់! សត្វឆ្កែជាង១០ក្បាលត្រូវអាជ្ញាធរសម្លា.ប់ ក្រោយម្ចាស់២នាក់ឆ្លងកូវីដ
វៀតណាម ៖ ខណៈដែលការឆ្លងវីរុសកូវីដ ១៩កំពុងកើនឡើងខ្លាំង ប្តីប្រពន្ធវៀតណាមពីរនាក់បានសម្រេចចិត្តចាកចេញពីខេត្ត
វៀតណាម ៖ ខណៈដែលការឆ្លងវីរុសកូវីដ ១៩កំពុងកើនឡើងខ្លាំង ប្តីប្រពន្ធវៀតណាមពីរនាក់បានសម្រេចចិត្តចាកចេញពីខេត្ត
វៀតណាម ៖ ខណៈដែលការឆ្លងវីរុសកូវីដ ១៩កំពុងកើនឡើងខ្លាំង ប្តីប្រពន្ធវៀតណាមពីរនាក់បានសម្រេចចិត្តចាកចេញពីខេត្ត Long An ដោយធ្វើដំណើរតាមម៉ូតូមួយគ្រឿងជាមួយនឹងឆ្កែចិញ្ជឹមជាច្រើនក្បាលរបស់ពួកគេ។
ក្រោយមក អ្នកទាំងពីរត្រូវបានពិនិត្យឃើញថាមានជំងឺកូវីដ ១៩ និងត្រូវបានគេបញ្ជូនទៅព្យាបាលនៅមន្ទីរពេទ្យ។ អំឡុងពេលសម្រាកព្យាបាល ពួកគេបានដឹងថា ឆ្កែចំនួន ១២ក្បាលរបស់ពួកគេត្រូវបានអាជ្ញាធរសម្លា.ប់ចោលដោយព្រួយបារម្ភថា ឆ្កែទាំងនោះអាចចម្លងវីរុស។
លោក Pham Minh Hung ដែលជាម្ចាស់ឆ្កែបានថ្លែងប្រាប់ BBC ដូច្នេះថា «ខ្ញុំ និងប្រពន្ធខ្ញុំយំយ៉ាងខ្លាំង ហើយពួកយើងគេងមិនលក់ឡើយ។ ខ្ញុំមិនចង់ជឿសោះថាវាបានកើតឡើង។ ខ្ញុំមិនអាចធ្វើអ្វីបានសោះដើម្បីការពារកូនៗរបស់ខ្ញុំ (ឆ្កែ)»។
រឿងរ៉ាវប្តីប្រពន្ធវៀតណាមដែលស្រឡាញ់សត្វចិញ្ជឹមនេះ ត្រូវបានគេធ្វើការបង្ហោះនៅលើបណ្តាញសង្គម និងបង្កឲ្យមានប្រតិកម្មយ៉ាងខ្លាំងនៅក្នុងប្រទេសវៀតណាម ហើយញត្តិមួយដែលទាមទារឲ្យមានការបញ្ឈប់អំពើឃោរ.ឃៅបែបនោះទទួលបានហត្ថលេខាចំនួន ១៥០.០០០។
បច្ចុប្បន្ន វៀតណាមកំពុងរងការវាយលុកពីជំងឺកូវីដ ១៩យ៉ាងខ្លាំង បណ្តាលឲ្យមានការបិទខ្ទប់យ៉ាងតឹងរឹងក្នុងរយៈពេលប៉ុន្មានខែថ្មីៗនេះ។ ពលករចំណាកស្រុកជាច្រើនមិនអាចមានលទ្ធភាពចិញ្ជឹមជីវិតបានឡើយ ដែលធ្វើឲ្យមនុស្សរាប់លាននាក់សម្រេចចិត្តចាកចេញពីទីក្រុងធំៗ។
លោក Pham Minh Hung និងភរិយារបស់លោកឈ្មោះ Nguyen Thi Chi Em វ័យ ៣៥ឆ្នាំក៏ស្ថិតក្នុងចំណោមអ្នករងផលប៉ះពាល់ទាំងនោះដែរ។
នៅថ្ងៃទី៨ ខែតុលាកន្លងទៅនេះ ពួកគេបានចាប់ផ្តើមធ្វើដំណើរចំងាយ២៨០គីឡូម៉ែត្រជាមួយនឹងឆ្កែជាច្រើនក្បាលរបស់ពួកគេ ព្រមទាំងសាច់ញាតិចំនួន៣នាក់ ដែលពួកគេក៏នាំយកឆ្កែ ៣ក្បាល និងឆ្មាមួយក្បាលមកតាមដែរ។
ពួកគេបានធ្វើការបង្ហោះវីដេអូពីការធ្វើដំណើរនៅលើអនឡាញ ដោយបង្ហាញពីឆ្កែជាច្រើនក្បាល និងអីវ៉ាន់ជាច្រើននៅលើម៉ូតូ។ ប្តីប្រពន្ធវៀតណាមមួយគូនេះទទួលបានប្រជាប្រិយភាពយ៉ាងខ្លាំងក្នុងចំណោមអ្នកប្រើប្រាស់បណ្តាញសង្គម។ អ្នកលេងអ៊ីនធើរណេតលើកទឹកចិត្ត និងជូនពរឲ្យពួកគេធ្វើដំណើរដោយសុវត្ថិភាព។
អ្នកលេងអ៊ីនធឺណេតមួយចំនួននិយាយថា ពួកគេអាណិតប្តីប្រពន្ធវៀតណាមនោះជាខ្លាំង នៅពេលឃើញពួកគាត់ប្រើអាវភ្លៀងពាក់ឲ្យឆ្កែពេលកំពុងភ្លៀងខ្លាំង។ អ្នកខ្លះ បានផ្ញើទឹក និងអាហារឲ្យពួកគេទៀតផង។
អ្នកទាំងពីរចាប់ផ្តើមធ្វើដំណើរជាមួយនឹងឆ្កែ ១៥ក្បាល ប៉ុន្តែអំឡុងពេលធ្វើដំណើរ ពួកគេបានឲ្យឆ្កែ ២ក្បាលទៅមនុស្សម្នាក់ បន្ទាប់ពីធ្វើដំណើរចូលដល់ខេត្ត Ca Mau ចំណែកឆ្កែមួយក្បាលទៀតងា.ប់។ ឆ្កែ ១២ក្បាលបានបន្តដំណើរជាមួយពួកគេ។
ប៉ុន្តែពួកគាត់ ព្រមទាំងសាច់ញាតិ៣នាក់ត្រូវបានពិនិត្យឃើញថាមានវីរុសកូវីដ ១៩ ក្រោយពេលធ្វើដំណើរដល់ស្រុក Khanh Hung នៃខេត្ត Long An។ វាជាកាតព្វកិច្ចសម្រាប់អ្នកដំណើរឆ្លងចូលខេត្ត ត្រូវធ្វើតេស្ត។ ពួកគេត្រូវបានបញ្ជូនទៅកាន់មន្ទីរពេទ្យដើម្បីព្យាបាល ចំណែកឆ្កែត្រូវបានទុកនៅកន្លែងធ្វើចត្តាឡីស័ក។
ប៉ុន្តែអាជ្ញាធរក្នុងតំបន់បានសម្លា.ប់ឆ្កែទាំង ១២ក្បាលរបស់ពួកគេ និងឆ្កែរបស់សាច់ញាតិដោយគ្មានប្រាប់ពួកគេមួយម៉ាត់។ នេះបើតាមការបញ្ជាក់របស់សារព័ត៌មានរដ្ឋវៀតណាម។
គេមិនបានដឹងច្បាស់ទេថា តើឆ្កែទាំងនោះត្រូវបានអាជ្ញាធរសម្លា.ប់ដោយរបៀបណា ប៉ុន្តែបើតាមការចុះផ្សាយរបស់សារព័ត៌មាន ពួកវាត្រូវបានគេដុ.តសម្លា.ប់៕ (យោងតាមប្រភព៖ BBC)
ចែករំលែកព័តមាននេះ