កាសែតល្បីបារាំងព្យាករណ៍កីឡាករ៥រូបចុងក្រោយនៃពាន Ballon d’Or 2021
បារាំង ៖ កាសែតកីឡាដ៏ល្បីរបស់បារាំង L’Equipe បានបង្ហាញជម្រើសកីឡាករបាល់ទាត់៥រូបចុងក្រោយ (Top 5) ស័ក្តិសមបំផុត
បារាំង ៖ កាសែតកីឡាដ៏ល្បីរបស់បារាំង L’Equipe បានបង្ហាញជម្រើសកីឡាករបាល់ទាត់៥រូបចុងក្រោយ (Top 5) ស័ក្តិសមបំផុត
បារាំង ៖ កាសែតកីឡាដ៏ល្បីរបស់បារាំង L’Equipe បានបង្ហាញជម្រើសកីឡាករបាល់ទាត់៥រូបចុងក្រោយ (Top 5) ស័ក្តិសមបំផុតបន្តប្រជែងពានរង្វាន់ Ballon d’Or លើកទី៦៥ ប្រចាំឆ្នាំ ២០២១។ ដោយកំពូលខ្សែប្រយុទ្ធ Lionel Messi និង Cristiano Ronaldo ក៏ស្ថិតក្នុងចំណោមនោះផងដែរ។
ដូចបានដឹងស្រាប់ហើយ ទស្សនាវដ្តីបារាំង France Football ជាអ្នករៀបចំពានរង្វាន់ Ballon d’Or បានសម្រេចលុបចោលពានរង្វាន់ឯកត្តជនដ៏ធំនេះចោល កាលពីឆ្នាំ ២០២០ ដោយសារការរីករាលដាលនៃកូវីដ១៩។ ខណៈខ្សែប្រយុទ្ធ Robert Lewandowski ត្រូវបានគេរំពឹងថាស័ក្តិសមបំផុតជាអ្នកឈ្នះនៅឆ្នាំនោះ។
មិនខុសពីឆ្នាំមុនៗ ឆ្នាំនេះ អ្នករៀបចំបានបញ្ចេញបញ្ជីឈ្មោះកីឡាករទាំង៣០នាក់ កាលពីសប្តាហ៍មុន ដើម្បីបន្តជម្រុះរហូតនៅសល់៣នាក់ ដែលជាបេក្ខភាពចុងក្រោយបំផុតប្រជែងពានរង្វាន់ប្រចាំឆ្នាំនេះ ដែលនឹងប្រព្រឹត្តទៅនៅថ្ងៃទី២៩ ខែវិច្ឆិកា ឆ្នាំ២០២១។
ទោះយ៉ាងណា កាលពីពេលថ្មីៗនេះ កាសែតបារាំង L’Equipe បានបង្ហាញសមាសភាពកីឡាករ៥រូបចុងក្រោយ ដែលស័ក្តិសមបំផុតបន្តប្រជែងពានរង្វាន់ឆ្នាំនេះ រួមមាន៖ Lionel Messi, Cristiano Ronaldo, Robert Lewandowski, Karim Benzema និង Jorgino។
គួរបញ្ជាក់ជូនថា ពានរង្វាន់ Ballon d’Or ត្រូវបានរៀបចំឡើងដំបូងនៅឆ្នាំ ១៩៥៦ ក្រោមឈ្មោះថា «European Footballer of the Year» ដោយឆ្នាំនោះ លោក Stanley Matthews អតីតខ្សែប្រយុទ្ធអង់គ្លេសជាអ្នកឈ្នះដំបូងគេ។
គិតរហូតមកទល់ពេលបច្ចុប្បន្ន Lionel Messi គឺជាកីឡាករតែម្នាក់គត់ ដែលឈ្នះពានរង្វាន់នេះច្រើនជាងគេបំផុតពោលគឺ៦លើក (២០០៩, ២០១០, ២០១១, ២០១២, ២០១៥, ២០១៩)។ តាមពីក្រោយដោយ Cristiano Ronaldo ដែលឈ្នះ៥លើក (២០០៨, ២០១៣, ២០១៤, ២០១៦, ២០១៧)៕ (ដកស្រង់ចេញពី SPORTbible)
ចែករំលែកព័តមាននេះ