ខេត្តកណ្តាល ៖ កាលពីរសៀលថ្ងៃទី១៣ ខែតុលា លោក ជា សុខហៀង ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួនថៅកែការ៉ាស់សាំងចំនួន៣នាក់ដាក់ពន្ធនាគារបណ្តោះអាសន្នពីបទ«លែងបន្លំគុណភាព និងបរិមាណប្រេង, ប្រកបសកម្មភាពពាណិជ្ជកម្មមិនស្របច្បាប់,ឆបោកនិងបំផ្លិចបំផ្លាញ ឬគៃបំបាត់វត្ថុដែលមានបិទស្លាកបោះត្រា» ។ សូមរំលឹក៖ ម្ចាស់ប្រេងឥន្ធនៈដេប៉ូតេលា២ទីតាំងដែលលួចលីត្រពីអតិថិជនត្រូវបញ្ជូនទៅតុលាការ
សូមបញ្ជាក់ថា តាមមាត្រា ៣៧៧,៣៧៨,៥៣៥,៥៣៦, នៃក្រមព្រហ្មទណ្ឌនិងមាត្រា៤០,៤១,៤៨ នៃច្បាប់ស្ដីពីកិច្ចការពារអ្នកប្រើប្រាស់ មាត្រា៤០នៃច្បាប់ស្ដីពីវិធានពាណិជ្ជកម្មនិងបញ្ជីពាណិជ្ជកម្ជ។ ដែលប្រព្រឹត្តនៅចំណុចស្ថានីយប្រេងឥន្ធនៈតេលាដេប៉ូ ចាន់ធឿន និងដេប៉ូ ម៉ាក់ ម៉ី ម៉ី ស្ថិតនៅភូមិព្រែកខ្សៀវ សង្កាត់រការខ្ពស់ ក្រុងតាខ្មៅ ខេត្តកណ្តាល កាលពីថ្ងៃទី១១ តុលា ឆ្នាំ
២០២១ ។ ជនត្រូវចោទ ឈ្មោះ ហ៊ុយ សុខហ៊ាងç ឈ្មោះ មួយ វ៉ាន់ ឌឿន និងឈ្មោះ ថូ សុផាត ។
មន្ត្រីជាន់ខ្ពស់របស់ស្នងការដ្ឋាននគរបាលខេត្តកណ្តាលបានប្រាប់អោយដឹងថា ក្រុមគណៈកម្មាធិការចម្រុះ មានកាំកុងត្រូល ប្រចាំខេត្ដកណ្តាល និងកម្លាំងការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តកណ្តាល ដោយមានការដឹកនាំសម្របសម្រួលនិតិវិធីពី លោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្តកណ្តាល កាលពីថ្ងៃទី១២ ខែតុលា ឆ្នាំ២០២១ បានចុះទៅត្រួតពិនិត្យនៅចំណុចស្ថានីយ៍ប្រេងឥន្ទនៈតេលាដេប៉ូ ចាន់ធឿន និង ស្ថានីយ៍ប្រេងឥន្ទនៈតេលាដេប៉ូ ម៉ាក់ ម៉ីម៉ី ដែលស្ថិតនៅភូមិព្រែកខ្សេវ សង្កាត់រកាខ្ពស់ ក្រុងតាខ្មៅ ខេត្តកណ្តាល ហើយក៏បានពិនិត្យឃើញថា មានមិនប្រក្រតី មួយចំនួន និង ធ្វើការឃាត់ខ្លួនម្ចាស់ទីតាំង ចាត់ការតាមផ្លូវច្បាប់ តែម្តង ។
ប្រភពព័ត៌មាន ដដែលបន្តថា ដេប៉ូ ម៉ាក់ ម៉ីម៉ី ប្រេងសាំងធម្មតា ខ្វះ៧លីត្រ ក្នុង១០០លីត្រ ។ ប្រេងសាំស៊ុបពែរ ខ្វះ៨,៨លីត្រ ក្នុង១០០លីត្រនិង ប្រេងម៉ាស៊ូត ខ្វះ៥,០៥លីត្រ ក្នុង១០០លីត្រ ។ ចំណែកដេប៉ូ ចាន់ ធឿន រកឃើញ ប្រេងសាំងធម្មតា ខ្វះ៥,៣លីត្រ ក្នុង១០០លីត្រ ។ ប្រេងសាំងស៊ុបពែរ ខ្វះ៥,៨លីត្រ ក្នុង១០០លីត្រ និង ប្រេងម៉ាស៊ូត ខ្វះ៦,១៥លីត្រ ក្នុង១០០លីត្រ ទើបសមត្ថកិច្ចបានធ្វើការបិទសៀល ទៅលើដៃបូមប្រេងឥន្ទនៈ និងផ្អាកជាបណ្តោះអាសន្ន នូវអាជីវកម្មរបស់ដេប៉ូ ប្រេងឥន្ទនៈទាំង២នេះ។
ចែករំលែកព័តមាននេះ