ប្រធានាធិបតីប្រេស៊ីលត្រូវហាមមិនឱ្យចូលទស្សនាការប្រកួតបាល់ទាត់ ដោយសារមិនទាន់ចាក់វ៉ាក់សាំង
ប្រេស៊ីល ៖ ប្រធានាធិបតីប្រេស៊ីល Jair Bolsonaro បានអះអាងថា គាត់ត្រូវបានគេរារាំងមិនឱ្យចូលរួមទស្សនាការប្រកួតបាល់
ប្រេស៊ីល ៖ ប្រធានាធិបតីប្រេស៊ីល Jair Bolsonaro បានអះអាងថា គាត់ត្រូវបានគេរារាំងមិនឱ្យចូលរួមទស្សនាការប្រកួតបាល់
ប្រេស៊ីល ៖ ប្រធានាធិបតីប្រេស៊ីល Jair Bolsonaro បានអះអាងថា គាត់ត្រូវបានគេរារាំងមិនឱ្យចូលរួមទស្សនាការប្រកួតបាល់ទាត់លីគកំពូលប្រេស៊ីលរវាងក្រុមម្ចាស់ផ្ទះ Santos និងក្រុម Gremio កាលពីថ្ងៃអាទិត្យ ដោយសារគាត់មិនទាន់ចាក់វ៉ាក់សាំងបង្ការជំងឺកូវីដ១៩។
លោកត្រូវបានក្រុមការងារនៅកីឡដ្ឋានសួររកប័ណ្ណចាក់វ៉ាក់សាំង ហើយដោយសារតែគ្មានប័ណ្ណបញ្ជាក់ ទើបក្រុមការងារមិនអនុញ្ញាតឱ្យលោកចូលទស្សនាការប្រកួតដែលក្រុម Santos យកឈ្នះលើ Gremio លទ្ធផល ១-០ នៅកីឡដ្ឋាន Vila Belmiro ឡើយ ដើម្បីឆ្លើយតបតាមវិធានការទប់ស្កាត់ការឆ្លងនៃជំងឺកូវីដ១៩។
លោក Bolsonaro ដែលចំណាយពេលវិស្សមកាលនៅទីក្រុង Sao Paulo បានថ្លែងប្រាប់សារព័ត៌មាន Metropoles ថា «ហេតុអ្វីខ្ញុំគួរមានកាត ឬប័ណ្ណចាក់វ៉ាក់សាំង? ខ្ញុំគ្រាន់តែចង់មើលការប្រកួតរបស់ Santos ហើយខ្ញុំបែរជាត្រូវគេប្រាប់ថា ត្រូវតែចាក់វ៉ាក់សាំង។ ហេតុអ្វី? ខ្ញុំមានអង្គបដិប្រាណច្រើនជាងអ្នកបានចាក់វ៉ាក់សាំងទៅទៀត»។
រដ្ឋ និងទីក្រុងមួយចំនួនរបស់ប្រេស៊ីល ទើបតែចាប់ផ្តើមបើកអនុញ្ញាតឱ្យអ្នកគាំទ្រត្រឡប់ចូលទស្សនាក្នុងកីឡដ្ឋានវិញ។ ប៉ុន្តែអ្នកគាំទ្រត្រូវអនុវត្តតាមបទបញ្ជា និងវិធានការនានារបស់អាជ្ញាធរក្នុងតំបន់ និងក្លិបបាល់ទាត់ម្ចាស់ផ្ទះ។ ដោយនៅក្នុងនោះ ពួកគេចាំបាច់ត្រូវបង្ហាញប័ណ្ណចាក់វ៉ាក់សាំងពេញលេញ ឬលទ្ធផលតេស្តសំណាក់អវិជ្ជមាន (PCR) ដើម្បីអាចចូលក្នុងកីឡដ្ឋានបាន។
លោក Bolsonaro កំពុងស្ថិតក្រោមការស៊ើបអង្កេតរបស់ព្រឹទ្ធសភា ចំពោះការដោះស្រាយវិបតិ្តកូវីដ១៩របស់គាត់។ ខណៈបច្ចុប្បន្នប្រេស៊ីលមានអ្នកស្លា.ប់ដោយកូវីដ១៩ជាង៦០ម៉ឺននាក់ និងអ្នកឆ្លងជាង២១លាននាក់ហើយ។ នេះបើយោងតាមទិន្នន័យរបស់ក្រសួងសុខាភិបាលប្រទេសនេះ៕ ដកស្រង់ចេញពី First Post និង Inside The Games)
ចែករំលែកព័តមាននេះ