អស្ចារ្យ! គំនូរតូចជាងគូទម្ជុលរបស់វិចិត្រករម្នាក់ លក់បានជាង១០ម៉ឺនដុល្លារ
អង់គ្លេស ៖ គេតែងតែនិយាយថាភាពស្រស់ស្អាតស្ថិតនៅក្នុងភ្នែករបស់អ្នកមើល។ ប៉ុន្តែនៅក្នុងគំនូរទាំងនេះ គឺវាស្ថិតនៅក្នុងគូទ
អង់គ្លេស ៖ គេតែងតែនិយាយថាភាពស្រស់ស្អាតស្ថិតនៅក្នុងភ្នែករបស់អ្នកមើល។ ប៉ុន្តែនៅក្នុងគំនូរទាំងនេះ គឺវាស្ថិតនៅក្នុងគូទម្ជុលដ៏សែនតូច។
វិចិត្រករជនជាតិអង់គ្លេសម្នាក់ បានបង្កើតឡើងវិញ នូវស្នាដៃសិល្បៈគំនូរដ៏ល្បីៗនៅលើពិភពលោក ដោយលោកបានធ្វើវាក្លាយជាស្នាដៃសិល្បៈគំនូរខ្នាតតូចបំផុតចំនួន៦ផ្ទាំងដាក់ក្នុងគូទម្ជុល និងលក់បានក្នុងតម្លៃសរុប៩ម៉ឺនផោន (១២ម៉ឺនដុល្លារអាមេរិក)។
លោក David A Lindon អាយុ៥២ឆ្នាំ មកពីទីក្រុង Bournemouth បានផលិតគំនូរគំរូចម្លងតូចបំផុត ដែលរួមមានទាំងគំនូរ The Starry Night ដ៏ល្បីល្បាញរបស់វិចិត្រករ Vincent van Gogh ផងដែរ។
ស្នាដៃគំនូរគំរូចម្លងទាំង៦របស់លោក David A Lindon រួមមាន The Scream របស់វិចិត្រករ Edvard Munch, Girl with a Pearl Earring របស់វិចិត្រករ Johannes Vermeer, Water Lily របស់វិចិត្រករ Claude Monet, Girl With Balloon របស់វិចិត្រករ Banksy និង The Starry Night រួមនិង Sunflowers របស់វិចិត្រករ Vincent van Gogh។
គំនូរនីមួយៗក្នុងចំណោមគំនូរគំរូចម្លងទាំង៦របស់លោក David A Lindon ត្រូវបានលក់ទៅឱ្យក្រុមហ៊ុនប្រមូលទិញឯកជននៅក្នុងតម្លៃ១៥,០០០ផោន (២ម៉ឺនដុល្លារ) សម្រាប់គំនូរ១៕ (ដកស្រង់ចេញពី Dailymail)
ចែករំលែកព័តមាននេះ