អ្នកភូមិឆោឡោ! ក្រោយរថភ្លើងបើកទៅផុត ក៏ឮក្មេងរើសអេតចាយស្រែកឱ្យជួយយ៉ាងអាសូរ
- ភ្នំពេញ
រាជធានីភ្នំពេញ ៖ ក្មេងប្រុសម្នាក់ដែលមានមុខរបរដើររើសអេតចាយ បានទៅដេកនៅលើផ្លូវដែក ហើយក៏បានលង់លក់លែងដឹង
រាជធានីភ្នំពេញ ៖ ក្មេងប្រុសម្នាក់ដែលមានមុខរបរដើររើសអេតចាយ បានទៅដេកនៅលើផ្លូវដែក ហើយក៏បានលង់លក់លែងដឹង
រាជធានីភ្នំពេញ ៖ ក្មេងប្រុសម្នាក់ដែលមានមុខរបរដើររើសអេតចាយ បានទៅដេកនៅលើផ្លូវដែក ហើយក៏បានលង់លក់លែងដឹងខ្លួន ក្រោយមកមានរថភ្លើង១ខ្សែទៅដល់កិ.ន បណ្ដាលឲ្យដា.ច់ដៃខាងឆ្វេង និងដា.ច់ជើងទាំង២ ព្រមទាំងបែ.កក្បាលយ៉ាងធ្ងន់ធ្ងរ ត្រូវបានក្រុមសង្គ្រោះរបស់អង្គភាពរុករកនិងសង្គ្រោះគ្រោះមហន្តរាយ៧១១ នៃកងពលតូចលេខ៧០ នាំយកទៅសង្គ្រោះបន្ទាន់នៅមន្ទីរពេទ្យគន្ធបុប្ផា ។
ហេតុការណ៍ខាងលើនេះបានកើតឡើងកាលពីវេលាម៉ោងជាង៤ជិតភ្លឺថ្ងៃទី១០ ខែតុលា ឆ្នាំ២០២១ នៅចំណុចផ្លូវរថភ្លើង (ខ្សែភ្នំពេញ-កំពត) ជិតផ្លូវជាតិលេខ៤ ស្ថិតក្នុងភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមប្រភពពីកន្លែងកើតហេតុបានឲ្យដឹងថា ក្មេងប្រុសរងគ្រោះខាងលើនោះឈ្មោះ នៃ ចឺម អាយុ១៥ឆ្នាំ មុខរបរដើររើសអេតចាយ មានស្រុកកំណើត នៅស្រុកចំការលើ ខេត្តកំពង់ចាម សព្វថ្ងៃស្នាក់នៅជិតកន្លែងកើតហេតុខាងលើ ។
តាមប្រភពដដែលបានបន្តថា នៅមុនពេលកើតហេតុ ក្មេងប្រុសរងគ្រោះបានដេកក្នុងរោងមួយក្បែរផ្លូវដែកដូចរាល់ថ្ងៃដែរ ប៉ុន្តែក្រោយមកពុំមាននរណាម្នាក់បានដឹងថា ក្មេងប្រុសរូបនេះក្រោកទៅដេកនៅលើផ្លូវដែកវិញតាំងពីពេលណាឡើយ ។
តាមប្រភពដដែលបានបន្តទៀតថា រហូតដល់វេលាម៉ោងប្រមាណជាង៤ជិតភ្លឺ ស្រាប់តែមានរថភ្លើង១ខ្សែ បើកបរចេញពីរាជធានីភ្នំពេញឆ្ពោះទៅកាន់ខេត្តកំពតបានទៅដល់ ហើយក៏គ្មាននរណាបានឃើញរថភ្លើងកិ.នក្មេងប្រុសនេះដែរ ។ លុះក្រោយពេលដែលរថភ្លើងទៅផុតឆ្ងាយ ទើបឮក្មេងប្រុសខាងលើស្រែកឲ្យជួយ ក៏នាំគ្នាទៅមើលឃើញក្មេងប្រុសរូបនេះត្រូវរថភ្លើងកិ.ន បណ្ដាលឲ្យរងរបួសដា.ច់ដៃខាងឆ្វេង និងដា.ច់ជើងទាំង២ ព្រមទាំងបែ.កក្បាលយ៉ាងធ្ងន់ធ្ងរទៅហើយ។
ក្រោយពេលកើតហេតុ អាជ្ញាធរនិងនគរបាលបាលប៉ុស្តិ៍សង្កាត់ចោមចៅទី៣ បានចុះទៅកាន់ទីនោះរួចបានហៅរថយន្តសង្គ្រោះរបស់អង្គភាពរុករកនិងសង្គ្រោះ គ្រោះមហន្តរាយ៧១១ នៃកងពលតូចលេខ៧០ ដឹកយកទៅសង្គ្រោះបន្ទាន់នៅមន្ទីរពេទ្យគន្ធបុប្ផា៕
ចែករំលែកព័តមាននេះ