ភ្នំពេញ៖ ក្មេងស្រីអាយុ ៦ឆ្នាំ ម្នាក់ ត្រូវរថយន្តម៉ាក់ហ៊ីយ៉ាន់ដាយមួយគ្រឿងរបស់អ្នកផ្ទះក្បែរគ្នា ថយក្រោយ កិនបែកក្បាល ស្លា.ប់នៅកន្លែង ខណៈពេលជិះកង់លេង។ កង់នោះ…
ភ្នំពេញ៖ ក្មេងស្រីអាយុ ៦ឆ្នាំ ម្នាក់ ត្រូវរថយន្តម៉ាក់ហ៊ីយ៉ាន់ដាយមួយគ្រឿងរបស់អ្នកផ្ទះក្បែរគ្នា ថយក្រោយ កិនបែកក្បាល ស្លា.ប់នៅកន្លែង ខណៈពេលជិះកង់លេង។ កង់នោះ ទើបយកមកពីស្រុក ក្រោយបុណ្យភ្ជុំបិណ្ឌ។ គ្រោះថ្នាក់ចរាចរណ៍ ដែលនឹកស្មានមិនដល់នេះ បានកើតឡើង កាលពីវេលាម៉ោង ៤រសៀល ថ្ងៃទី៨ ខែតុលា ឆ្នា២០២១ នៅតាមផ្លូវបេតុង ក្នុងភូមិត្រពាំងស្វាយ សង្កាត់គោកឃ្លាង ខណ្ឌសែនសុខ។
ក្មេងស្រីរងគ្រោះ ឈ្មោះ ឈឹម ម៉ៃហ័រ អាយុ ៦ឆ្នាំ មានឪពុកឈ្មោះ សម្បត្តិ ដា អាយុ ៣០ឆ្នាំ ជាកម្មករឃ្លាំងស៊ីម៉ង់ត៍ ស្នាក់នៅកន្លែងកើតហេតុ និងមានស្រុកកំណើត នៅភូមិចេកធ្លក ឃុំត្រពាំងស្រែ ស្រុកមេសាង ខេត្តព្រៃវែង។ រីឯរថយន្ត ដែលកិនក្មេងស្រី ម៉ាកហ៊ីយ៉ាន់ដាយ ពណ៌ស ពាក់ស្លាកលេខ កំពង់ធំ 3A-1638។ អ្នកបើកបររថយន្ត ឈ្មោះ ឃាង សុខឃា ភេទប្រុស អាយុ ៣៦ឆ្នាំ និងជាអ្នកស្រុកជាមួយនឹងឪពុកក្មេងស្រីរងគ្រោះដែរ។
ព័ត៌មានបានអោយដឹងថា នៅមុនពេលកើតហេតុ រថយន្តបានដឹកកង់ក្មេងស្រីរងគ្រោះ និងអង្ករ ដែលឪពុកក្មេងស្រីនោះ ផ្ញើរមកពីស្រុក។ នៅពេលមកដល់កន្លែងស្នាក់នៅធ្វើការងាររបស់ឪពុកក្មេងស្រីរងគ្រោះ គឺឪពុកនោះ បានជិះម៉ូតូ មកដល់មុន ហើយក៏បានមកលើកកង់ អោយកូនស្រី ជិះលេង ហើយឪពុក ក៏បានលើកអីវ៉ាន ចេញពីលើរថយន្ត។
ព័ត៌មាន អោយដឹងទៀតថា បន្ទាប់ទម្លាក់អីវ៉ាន់ពីរថយន្តហើយ ម្ចាស់រថយន្តនោះ ក៏បានរឺយ៉ែលថយក្រោយ ដើម្បីបើកចេញទៅ តែក៏បានកិនកង់ និងក្មេងស្រី បែកក្បាល ស្លា.ប់នៅកន្លែង។ បន្ទាប់ពីគ្រោះថ្នាក់នោះ អ្នកបើកបររថយន្ត បានរត់គេចបាត់។ រថយន្ត និងកង់ ត្រូវបាននគរបាល ពិនិត្យ វាស់វែង និងបញ្ជូនទៅកាន់ការិយាល័យចរាចរណ៍ផ្លូវគោក ដើម្បីដោះស្រាយ៕ ម៉េង ធា
ចែករំលែកព័តមាននេះ