រាជធានីភ្នំពេញ ៖ រថយន្តម៉ាកវីស្តូពណ៌ទឹកមាសមួយគ្រឿងម្ចាស់កំពុងតែបើកសុខៗទៅលេងស្រុកកំណើត ស្រាប់តែឆ្លងចរន្តឆាបឆេះយ៉ាងសន្ធោសន្ធៅនៅសល់តែគ្រោងឆ្អឹង ។
ហេតុការឆេះរថយន្តនេះ បង្កអោយមានការភ្ញាក់ផ្អើល កាលពីវេលាម៉ោងប្រមាណ១២និង២០នាទីថ្ងៃត្រង់ទី០៣ ខែតុលា ឆ្នាំ២០២១ នៅតាមមហាវិថីឈ្នះឈ្នះក្នុងភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។ នៅក្នុងហេតុការណ៍នេះ រថយន្តពន្លត់អគ្គិភ័យចំនួន៣គ្រឿងទៅអន្តរាគមន៍បាញ់ពន្លត់ ។
តាមម្ចាស់រថយន្តបានអោយដឹងថា នៅមុនពេលកើតហេតុគាត់២នាក់ប្តីប្រពន្ធបានបើករថយន្តចេញពីភ្នំពេញក្នុងគោលបំណងទៅលេងស្រុកកំណើតនៅរកាកោង ក្នុងស្រុកមុខក ក្នុងឪកាសបុណ្យភ្ជុំបិណ្ឌនៅពេលធ្វើដំណើរសុខៗ ស្រាប់តែឆ្លងចរន្តហ៊ុយទ្រលោមហើយគាត់បានអែមខាងបើកចេញ ហើយភ្លើងបានឆាបឆះយ៉ាងសន្ធោសន្ធៅពុំអាចពន្លត់បាន ។
តាមព័ត៌មានបានអោយដឹងថា ភ្លាមៗបង្កអោយមានការភ្ញាក់ផ្អើលដល់សមត្ថកិច្ចទាក់ទងហៅរថយន្តចំនួន៣គ្រឿង ទៅអន្តរាគមន៍បាញ់អស់១គ្រឿង ហើយភ្លើងបានរលត់ទៅវិញ ។
រថយន្ត១គ្រឿងខាងលើត្រូវភ្លើងឆេះរងការខួចខាតទាំងស្រុងសល់តែដែកអេតចាយហើយម្ចាស់បានធ្វើដំណើរទៅបាត់ទុករថយន្តប្រគល់អោយសមត្ថកិច្ចស្ទួចយកទៅទុក ៕
ចែករំលែកព័តមាននេះ