រាជធានីភ្នំពេញ ៖ បច្ចុប្បន្នការជិះកង់ហាក់បីដូចជាមានប្រជាប្រិយភាពខ្លាំង បើទោះបីអ្នកជិះកម្សាន្ត ឬហាត់ប្រាណក្តី ។ ជាទូទៅកង់ គឺជាមធ្យោបាយធ្វើដំណើរមានតម្លៃសមរម្យដែលសាធារណជនអាចមានលទ្ធភាពទិញបាន ប៉ុន្តែមានករណីខ្លះអ្នកដែលស្រឡាញ់កង់ខ្លាំង ហើយមានលុយច្រើន…
រាជធានីភ្នំពេញ ៖ បច្ចុប្បន្នការជិះកង់ហាក់បីដូចជាមានប្រជាប្រិយភាពខ្លាំង បើទោះបីអ្នកជិះកម្សាន្ត ឬហាត់ប្រាណក្តី ។ ជាទូទៅកង់ គឺជាមធ្យោបាយធ្វើដំណើរមានតម្លៃសមរម្យដែលសាធារណជនអាចមានលទ្ធភាពទិញបាន ប៉ុន្តែមានករណីខ្លះអ្នកដែលស្រឡាញ់កង់ខ្លាំង ហើយមានលុយច្រើន បានទិញឧបករណ៍នានាដើម្បីបំពាក់បន្ថែមសម្រស់ ឬលម្អកង់របស់ពួកគេ ដោយប្រហែលជាចំណាយរហូតអស់ខ្ទង់ម៉ឺនដុល្លារឯណោះ ។ ជាការពិតនៅពេលអ្នកឮថា កង់តម្លៃខ្ទង់ម៉ឺនដុល្លារ សម្រាប់តែកង់នោះអ្នកប្រហែលជាគិតថា មិនគួរឱ្យជឿ ប៉ុន្តែខាងក្រោមនេះ មិនមែនកង់ដែលមានតម្លៃម៉ឺនដុល្លារនោះទេ តែជាកង់ដែលមានតម្លៃ ១ លានដុល្លារ ។
កង់ដែលគេហៅថា “24K Gold Extreme Mountain Bike” មានតម្លៃ ១ ដុល្លារអាមេរិក វាបានក្លាយជាកង់ដែលថ្លៃបំផុតក្នុងលោក ដែលតម្លៃនេះត្រូវបានគេទទួលស្គាល់ចុងក្រោយក្នុងឆ្នាំ ២០២១ នេះ ។ 24K Gold Extreme Mountain Bike ដែលត្រូវបានរចនា និងបង្កើតឡើងដោយ Hugh Power ដែលផលិតឡើងមានចំនួនកំណត់ផងដែរ ត្រូវបានគេហៅថា «កង់ធាត់» ផងដែរ ។ វាត្រូវបានគេផលិតឡើង និងស្រោបមាសសុទ្ធ 24K ហើយរូបរាងរបស់វាមិនមានអ្វីអស្ចារ្យជាងកង់ដទៃនោះទេ គ្រាន់តែការរចនារបស់វា មើលទៅបែបអ្នកសិល្បៈច្រើន ។
ប៉ុន្តែវាក៏មានលក្ខណៈពិសេសបច្ចេកវិទ្យាខ្ពស់ជាច្រើន ត្រូវបានបញ្ចូលនៅក្នុងរាងកាយរបស់វា ចំណែកនៅត្រង់និមិត្តសញ្ញារបស់កង់វាត្រូវបានគេតុបតែងដោយដាំពេជ្រផងដែរ រីឯកែបដែលមានពណ៌ត្នោត ឬសូកូឡានោះ ធ្វើឡើងពីស្បែកក្រពើ និងមានលក្ខណៈសិល្បៈមួយចំនួន ដែលមើលទៅវាពិតជាមានភាពថ្លៃថ្នូរខ្លាំង សម្រាប់អ្នកដែលធ្វើជាម្ចាស់របសវា ៕ ប្រភព ៖ bikingtoronto
ចែករំលែកព័តមាននេះ