រាជធានីភ្នំពេញ ៖ ស្ត្រីម្នាក់ដែលអះអាងថា ខូចចិត្តខ្លួនឯងនឹងប្តីមានស្រីក្មេងបានធ្វើដំណើរតាមម៉ូតូកង់៣ទៅលោតទឹកសម្លា.ប់ខ្លួន ពីលើស្ពានជ្រោយចង្វារ តែដោយសារតែយប់នាងក៏បានទៅដេកនៅរង្វង់មូលតាព្រហ្ម១យប់ លុះព្រឹកឡើងទើបធ្វើដំណើរឡើងស្ពានទៅលោតទឹកសម្លា.ប់ខ្លួន តែមិនបានសម្រេចត្រូវបានអ្នកដំណើរនាំគ្នាឃាត់ទាន់ ។
ការប៉ុនប៉ងធ្វើអត្តឃាតនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៨និង៤០នាទីព្រឹក ថ្ងៃទី០៤ ខែតុលា ឆ្នាំ២០២១ នៅលើស្ពានជ្រោយចង្វារថ្មី ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
ស្ត្រីដែលមានវិបត្តិរូបនោះ ឈ្មោះ លីម សុភ័ក្ត ភេទស្រី អាយុ៣៩ឆ្នាំ ស្នាក់នៅភូមិចែងមែង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
តាមសាក្សីបានអោយដឹងថា នៅមុនពេលកើតហេតុគេឃើញនារីរូបនោះបានធ្វើដំណើរឡើងស្ពានក្នុងទិសដៅពីកើតទៅលិច ។ ពេលជិតដល់កណ្តាលស្ពានតោងបង្កាន់ដៃស្ពានប្រុងលោតទឹកហើយអ្នកដំណើរនាំគ្នាឃាត់ប្រគល់អោយនគរបាលតែម្តង ។
តាមស្ត្រីរូបនោះបានអោយដឹងថា គាត់មានវិបត្តិផ្លូវចិត្តគ្រាំគ្រាចិត្តជាខ្លាំង មិនចង់រស់នៅនោះទេ ដោយសារតែប្តីភិតក្បត់ទៅលួចមានស្រីក្មេង ។ ដោយទ្រាំឈឺចិត្តមិនបានខ្លួនបានគិតខ្លីដោយទិញថ្នាំងងុយដេកលេបសម្លា.ប់ខ្លួនអស់២បន្ទះ រួចហៅម៉ូតូកង់៣ជិះធ្វើដំណើរទៅលោតទឹកសម្លា.ប់ខ្លួនពីលើស្ពានជ្រោយ ។
នៅពេលធ្វើដំណើរទៅដល់លើស្ពានងងុយដេកពេកក៏បានទៅឈប់នៅរង្វង់មូលតាព្រហ្មដេក១យប់ ។ លុះព្រឹកឡើងភ្ញាក់ពីដេកក៏បានដើរឡើងស្ពានទៅលោតទឹកសម្លា.ប់ខ្លួន តែនាងហាក់ដូចជាពុំដាច់ចិត្ត នៅឈរលើស្ពានហើយត្រូវបានអ្នកដំណើរឃើញក៏បានឃាត់សួរនាំទើបដឹងថា នាងប្រុងគិតខ្លី ។
បន្ទាប់ពីសួរនាំនគរបាលក៏បានធ្វើការអប់រំកុំអោយគិតខ្លី រួចក៏បានទាក់ទងក្រុមគ្រួសារអោយមកទទួលយកត្រឡប់ទៅផ្ទះវិញ ៕
ចែករំលែកព័តមាននេះ