៤នាក់បងប្អូនព្រួតវា.យអ្នកជិតខាងម្នាក់ របួសធ្ងន់ចុងក្រោយសងត្រឹម២លានរៀលបញ្ចប់រឿង
- ព្រៃវែង
ខេត្តព្រៃវែង ៖ បុរសជនជាតិវៀតណាមចំនួន3នាក់ ក្នុងចំណោមបក្ខពួក៤នាក់ ត្រូវបានសមត្ថកិច្ចចាប់ខ្លួនភ្លាមៗ បន្ទាប់ពីពួក
ខេត្តព្រៃវែង ៖ បុរសជនជាតិវៀតណាមចំនួន3នាក់ ក្នុងចំណោមបក្ខពួក៤នាក់ ត្រូវបានសមត្ថកិច្ចចាប់ខ្លួនភ្លាមៗ បន្ទាប់ពីពួក
ខេត្តព្រៃវែង ៖ បុរសជនជាតិវៀតណាមចំនួន3នាក់ ក្នុងចំណោមបក្ខពួក៤នាក់ ត្រូវបានសមត្ថកិច្ចចាប់ខ្លួនភ្លាមៗ បន្ទាប់ពីពួកគេធ្វើសកម្មភាពព្រួតគ្នាវា.យបុរសជនជាតិវៀតណាមម្នាក់ទៀត បណ្តាលឱ្យរងរបួសធ្ងន់។
ហេតុការណ៍ខាងលើនេះបានកើតឡើងកាលពីវេលាម៉ោង8និង30នាទីយប់ថ្ងៃទី2 តុលា ឆ្នាំ២០២១ នៅចំណុចផ្ទះជនរងគ្រោះ ដែលស្ថិតក្នុងភូមិព្រែកក្របៅ ឃុំព្រែកក្របៅ ស្រុកពាមជរខេត្តព្រៃវែង។
ជនរងគ្រោះត្រូវបានគេស្គាល់ថាឈ្មោះ ថាន់ ភេទប្រុស អាយុប្រមាណជាង50ឆ្នាំ ចំណែកឯក្រុមជនដៃដល់មានគ្នាចំនួន4នាក់ និងមិនត្រូវបានគេប្រាប់ពីអត្តសញ្ញាណនោះទេ គ្រាន់តែបញ្ជាក់ថា ជនរងគ្រោះនិងជនបង្កគឺជាអ្នកជិតខាងផ្ទះជាប់គ្នា ហើយសុទ្ធតែជាជនជាតិវៀតណាមដូចគ្នា។
តាមប្រភពពីជនរងគ្រោះបានឱ្យដឹងថា មុនពេលកើតហេតុ ជនបង្កទាំង៤នាក់បងប្អូនខាងលើ កំពុងផឹកស៊ីនៅក្រោមផ្ទះរបស់គេ ចំណែកគាត់នៅក្នុងផ្ទះម្នាក់ឯង លុះមួយសន្ទុះក្រោយមក ពេលផឹកស្រវឹងជោកជាំ ក្រុមជនបង្កឃើញខ្លួនចេញមកបោះសំអាតមុខផ្ទះ ក៏ចាប់ផ្ដើមជេរបញ្ចោរឌឺដងពាក្យសំដី ហើយម្នាក់ក្នុងចំណោម៤នាក់នោះ បានបោះសំដីថា មិនបាច់ជេរវាទេ ទៅវ៉ៃតែម្ដងទៅ ។ ឮបែបនោះ គាត់ក៏តបសម្តីវិញថា ខ្លាំងម្ល៉េះ ហ្អែងហ៊ានអត់? ។ គ្រាន់តែគាត់តបប៉ុណ្ណឹង ស្រាប់តែក្រុមជនសង្ស័យទាំង៤នាក់បងប្អូន បានទាញព្រនុង ស្ទុះចូលមកវា.យសំពងរូបគេដល់ក្នុងផ្ទះតែម្ដង បណ្តាលឱ្យរូបគាត់រងរបួសបែកក្បាលឈា.មហូរពេញផ្ទះ និងសន្លប់ស្ដូកស្ដឹង លុះពេលដឹងខ្លួនវិញ គឺនៅក្នុងផ្ទះតែម្នាក់ឯង ឯជនសង្ស័យបានគេចខ្លួនបាត់អស់ទៅហើយ ទើបគាត់ទាញទូរស័ព្ទខលប្ដឹងទៅសមត្ថកិច្ចឲ្យមកជួយអន្តរាគមន៍ភ្លាមៗតែម្តង។
ក្រោយទទួលបានពាក្យបណ្ដឹងពីជនរងគ្រោះភ្លាម សមត្ថកិច្ចនគរបាលប៉ុស្តិ៍រដ្ឋបាលឃុំព្រែកក្របៅក៏បានចុះទៅដល់កន្លែងកើតហេតុ និងចាប់ឃាត់ខ្លួនជនសង្ស័យបានចំនួន3នាក់ នាំយកទៅឃុំនៅប៉ុស្តិ៍រដ្ឋបាល ហើយព្រឹកឡើងក៏បន្តចាប់ខ្លួនបានម្នាក់ទៀត ប៉ុន្តែក្រោយពីមានមន្ត្រីជំនាញព្រហ្មទណ្ឌស្រុកពាមជរ ចុះទៅដល់ ធ្វើការសម្របសម្រួលចុះឡើង ជនសង្ស័យទាំង4នាក់ ក៏ត្រូវបានដោះលែងឲ្យមានសេរីភាពវិញ ដោយគ្រាន់តែបង់ប្រាក់2លានរៀលមកឱ្យជនរងគ្រោះ ហើយប្រាក់ទាំងនោះជនរងគ្រោះមិនបានយកនោះទេ ដោយបានវេរប្រគល់ទៅឲ្យសមត្ថកិច្ចទាំងអស់។
ជុំវិញរឿងរ៉ាវនៃការសម្របសម្រួលបញ្ចប់រឿងបទល្មើសព្រហ្មទណ្ឌមួយនេះ លោក ទេព ផល្លានាយប៉ុស្តិ៍រដ្ឋបាលឃុំព្រែកក្របៅ បានបញ្ជាក់ថា លោកមិនបានដឹងរឿងអ្វីទេ លោកមានតួនាទីគ្រាន់តែចាប់ជនសង្ស័យប៉ុណ្ណោះ បន្ទាប់មកការងារបំពេញនីតិវិធី គឺខាងផ្នែកព្រហ្មទណ្ឌស្រុក ជាអ្នកចុះមកធ្វើទាំងអស់ ហើយបើចង់ដឹងរឿងច្បាស់ សូមសួរទៅខាងអធិការស្រុកវិញទើបដឹង។
ដោយឡែកលោក ជា ហេង អធិការនគរបាលស្រុកពាមជរ មិនអាចទំនាក់ទំនងសុំការបំភ្លឺបានទេ គិតត្រឹមព្រឹកថ្ងៃទី៤ តុលានេះ ដោយសារតែទូរស័ព្ទរបស់លោកខលចូលហើយគ្មានអ្នកទទួល ៕
ចែករំលែកព័តមាននេះ