នៅកំពង់ចាម ឈប់ធ្វើតេស្តរហ័ស Rapid Test លើពលរដ្ឋ នៅភូមិឃុំ ដែលផ្ទុះឆ្លងកូវីដទៀតហើយ
- កំពង់ចាម
ខេត្តកំពង់ចាម៖ ដោយមើលឃើញកំណើននៃជំងឺកូវីដ១៩ កើនឡើងគួរឲ្យព្រួយបារម្ភ កាលពីព្រឹកថ្ងៃទី៣០ ខែកញ្ញា ឆ្នាំ២០២១ លោក អ៊ុន ចាន់ដា អភិបាលខេត្តកំពង់ចាម…
ខេត្តកំពង់ចាម៖ ដោយមើលឃើញកំណើននៃជំងឺកូវីដ១៩ កើនឡើងគួរឲ្យព្រួយបារម្ភ កាលពីព្រឹកថ្ងៃទី៣០ ខែកញ្ញា ឆ្នាំ២០២១ លោក អ៊ុន ចាន់ដា អភិបាលខេត្តកំពង់ចាម…
ខេត្តកំពង់ចាម៖ ដោយមើលឃើញកំណើននៃជំងឺកូវីដ១៩ កើនឡើងគួរឲ្យព្រួយបារម្ភ កាលពីព្រឹកថ្ងៃទី៣០ ខែកញ្ញា ឆ្នាំ២០២១ លោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្ត ប្រយុទ្ធនឹងជំងឺកូវីដ-១៩ បានដឹកនាំក្រុមការងារខេត្ត អាជ្ញាធរមូលដ្ឋាន និងមន្ត្រីពាក់ព័ន្ធ អញ្ជើញពិនិត្យស្ថានភាពផ្ទុះឡើងនៃជំងឺកូវីដ១៩ នៅផ្សារថ្នល់បែក និងផ្សារស្ពឺ ក្នុងស្រុកចំការលើ។ លោកអភិបាលខេត្ត ក៏បានបន្តបេសកកម្ម ទៅឃុំទួលព្រះឃ្លាំង ក្នុងស្រុកស្ទឹងត្រ ដែលជាកន្លែងផ្ទុះឡើងនូវជំងឺកូវីដ។
មុននឹងពិនិត្យទីតាំងាងលើ លោក អ៊ុន ចាន់ដា បានប្រជុំដាក់ផែនការ ជាមួយអាជ្ញាធរស្រុកចំការលើ និងមន្ត្រីជំនាញថ្នាក់ក្រោម ធ្វើយ៉ាងណា ត្រូវតែយកចិត្តទុកដាក់។ ក្នុងនោះ ប្រសិនបើអ្នកមិនពាក់ម៉ាស់ នោះនឹងមិនអនុញ្ញាតឲ្យចូលសាលាស្រុកនោះទេ ដើម្បីជៀសវាង កុំអោយឆ្លងជំងឺកូវីដ។ កាលពីប៉ុន្មានថ្ងៃមុន លោកអភិបាលខេត្ត បានប្រជុំ នៅសាលាខេត្ត ដោយមានអភិបាលស្រុកក្រុងទាំង ១០ ក្នុងខេត្ត ចូលរួម ដោយឱ្យយកចិត្តទុកដាក់ ផ្សព្វផ្សាយយុទ្ធនាការទប់ស្កាត់ជំងឺកូវីដ នៅតាមបណ្ដាភូមិឃុំ ឲ្យបានផុលផុស។
លោកអភិបាលខេត្ត ថ្លែងថា ផ្អែកតាមស្ថានភាពនៃការវិវឌ្ឍនៃជំងឺកូវីដ-១៩ ក្នុងភូមិសាស្ត្រខេត្តកំពង់ចាម នាប៉ុន្មានថ្ងៃនេះ សូមស្នើដល់អាជ្ញាធរក្រុងស្រុកទាំងអស់ ជាពិសេសអាជ្ញាធរស្រុកចំការលើ ពង្រឹងគោលជំហរនៃការអនុវត្តភារកិច្ចសំខាន់ៗ ៧ចំណុច មានដូចខាងក្រោម៖
ទី១.ត្រូវបង្កើនការផ្សព្វផ្សាយអប់រំ ណែនាំទៅដល់ប្រជាពលរដ្ឋ ជាពិសេសអ្នកនៅតាមទីប្រជុំជន ឬតាមទីផ្សារនានា ជាពិសេស ការអនុវត្តលើវិធានការ «៣ការពា ៣កុំ » ឲ្យកាន់តែទូលំទូលាយថែមទៀត ដើម្បីឲ្យប្រជាពលរដ្ឋមានការភ្ញាក់រលឹកឡើងវិញ។
ទី២.ពង្រឹងទៅលើការងារធ្វើចត្តាឡីស័កនៅតាមផ្ទះ ជាពិសេស ការដាក់ខ្សែ បូករួមនឹងការសរសេរបម្រាមការពារឲ្យបានត្រឹមត្រូវ និងសូមបន្តត្រូវចុះស្រាវជ្រាវរកអ្នកពាក់ព័ន្ធ ដើម្បីធ្វើចត្តាឡីស័ក ។
ទី៣.មន្ទីរសុខាភិបាល និងការិយាល័យប្រតិបត្តិស្រុក ត្រូវខិតខំ ធ្វើយ៉ាងណឲ្យយន្តការ នៃការព្យាបាលជម្ងឺនៅតាមផ្ទះ ជាពិសេស ត្រូវមានក្រុមគ្រូពេទ្យពិនិត្យមើលអ្នកជម្ងឺឲ្យបានជាប្រចាំ និងហ្មត់ចត់បំផុត ដោយអនុវត្តទៅតាមការណែនាំរបស់ក្រសួងសុខាភិបាល ។ ក្រៅពីនោះ ជម្រុញដល់ការព្យាបាលជម្ងឺ ឲ្យបានលឿនជាងមុន ។
ទី.៤.ត្រូវអនុវត្តវិធានការផ្លូវច្បាប់ ចំពោះ ជនខិលខូចទាំងឡាយ ដែលគេចវែសពីការធ្វើចត្តាឡីស័ក និងការព្យាបាល បូករួមទាំង ជនមិនគោរពតាមវិធានសុខាភិបាល ផងដែរ ។
ទី៥.ត្រូវបន្តការគ្រប់គ្រងចំណូលស្រុក ឲ្យកាន់តែល្អប្រសើរ និងមានប្រសិទ្ធភាពថែមទៀត ។
ទី៦.ជំរុញការបាញ់ថ្នាំសម្លាប់មេរោគ នៅតាមទីប្រជុំជន និងតំបន់ ដែលមានហានិភ័យ ។
ទី៧.ចំពោះ សាលារៀនវិញ មិនអនុញ្ញាតឲ្យបិទសាលាទាំងមូលនោះទេ ពោលគឺ បើមានករណីឆ្លងនៅថ្នាក់ណា ត្រូវបិទថ្នាក់នោះ ហើយអ្នកវិជ្ចមាន ត្រូវយកទៅព្យាបាល ។ រីឯអ្នកពាក់ព័ន្ធ ត្រូវយកធ្វើចត្តាឡីស័ក ។ យើងធ្វើបែបនេះ ដើម្បី បញ្ជៀសផលប៉ះពាល់ ទៅដល់ការសិក្សា របស់សិស្សានុសិស្ស ។
លោក អ៊ុន ចាន់ដា អភិបាលខេត្ត បញ្ជាក់ថា ដោយមានការណែនាំពីប្រមុខរាជរដ្ឋាភិបាលឧបករណ៍ Rapid Test នឹងមិនប្រើធ្វើតេស្តលើប្រជាពលរដ្ឋទៀតនោះទេ។ អ្នកដែលសង្ស័យជំងឺកូវីដ ត្រូវតែមកយកសំណាក នៅមន្ទីរពេទ្យបង្អែកស្រុកចំការលើ ដោយយកទៅពិនិត្យ នៅរាជធានីភ្នំពេញ។
សម្រាប់ស្រុកស្ទឹងត្រង់វិញ លោកអភិបាលខេត្ត បានណែនាំឲ្យអភិបាលរងស្រុក ទទួលបន្ទុកតាមឃុំនីមួយៗ ពេលដែលមានជំងឺកូវីដផ្ទុះឡើង អភិបាលរងស្រុក ត្រូវចុះទៅតំបន់ ដែលផ្ទុះ ដូចជា នៅឃុំទួលសំបួរ និងឃុំទួលព្រះឃ្លាំង។ ជាមួយនោះ មន្ទីរពេទ្យបង្អែកស្រុកស្ទឹងត្រង់ និងយកធ្វើជាកន្លែងប្រមូលសំណាកពីប្រជាពលរដ្ឋ ដែលសង្ស័យថា មានជំងឺកូវីដ១៩។ជាមួយនោះ អាជ្ញាធរគ្រប់ស្រុកទាំងអស់ ត្រូវតែតាមដានពលករចំណូលស្រុក ដើម្បីទប់ស្កាត់ជំងឺកូវីដបំលែង ដែលតា៕ ចាន់ ថេត
ចែករំលែកព័តមាននេះ