ស្លុតចិត្ត! អតីតតារាចម្រៀងលោក សែម សង្វាត ទទួលមរណភាពហើយ
- ភ្នំពេញ
នៅទីបំផុត អតីតតារាចម្រៀងលោក សែម សង្វាត បានទទួលមរណភាពហើយ នារាត្រីថ្ងៃទី៣០ ឈានចូលថ្ងៃទី១ ខែកញ្ញា ឆ្នាំ២០២១ នេះ បន្ទាប់ពីលោកបានជន្នះជំងឺប្រចាំកាយអស់រយៈពេល
នៅទីបំផុត អតីតតារាចម្រៀងលោក សែម សង្វាត បានទទួលមរណភាពហើយ នារាត្រីថ្ងៃទី៣០ ឈានចូលថ្ងៃទី១ ខែកញ្ញា ឆ្នាំ២០២១ នេះ បន្ទាប់ពីលោកបានជន្នះជំងឺប្រចាំកាយអស់រយៈពេល
រាជធានីភ្នំពេញ ៖ ជាដំណឹងដ៏ក្រៀមក្រំមួយ អតីតតារាចម្រៀងលោក សែម សង្វាត បានទទួលមរណភាពហើយ ក្នុងវ័យ ៤៨ ឆ្នាំ កាលពី រំលងអធ្រាត្រ យប់ថ្ងៃទី៣០ ឈានចូលថ្ងៃទី១ ខែកញ្ញា ឆ្នាំ២០២១ នេះ បន្ទាប់ពីលោកបានតស៊ូជន្នះជំងឺប្រចាំកាយអស់រយៈពេលជាច្រើនឆ្នាំ។ នេះបើតាមការប្រកាសជូនដំណឹងពីតារាសម្តែងលោក អ៊ឹម ជីវ៉ា នៅថ្ងៃនេះ។
លោក អ៊ឹម ជីវ៉ា ដែលជាពិធីករមួយរូបដែរនោះ បានបង្ហោះសារតាមគណនេយ្យហ្វេសប៊ុករបស់លោកថា «RIP តារាចម្រៀង លោក សែម សង្វាត បានទទួលមរណភាពហើយ! ដោយកូនប្រុសរបស់លោកបាននិយាយថា សូមជួនជាដំណឹងដល់ពុកម៉ែ អ៊ុំពូមីងទាំងអស់គ្នាឲ្យបានជ្រាបថា នៅយប់ថ្ងៃទី៣០ កញ្ញា រំលងអធ្រាត្រឈានចូលថ្ងៃទី០១ តុលា ឆ្នាំ២០២១ លោកឪពុកខ្ញុំបាទឈ្មោះ សែម សង្វាត បានទទួលមរណភាពនៅវេលាម៉ោង12:10នាទី ដោយសារជំងឺប្រចាំកាយ» ។
ដំណឹងដ៏អកុសលខាងលើនេះ បានធ្វើឱ្យមហាជន ជាពិសេសទស្សនិកដែលធ្លាប់គាំទ្របទចម្រៀងរបស់លោកនាពេលកន្លងមក បានសម្តែងការសោកស្តាយយ៉ាងខ្លាំង។
ជាកត់សម្គាល់មរណភាពរបស់លោក សែម សង្វាត នាពេលនេះ គឺបានកើតឡើងនៅថ្ងៃតែមួយ បន្ទាប់ពីលោកត្រូវបានផ្តល់ដំណឹងថា «កំពុងតែសង្គ្រោះបន្ទាន់នៅបន្ទប់ ICU នៃមន្ទីរពេទ្យលោកសង្ឃ ដោយសារជំងឺបានវិវត្តន៍កាន់តែធ្ងន់ធ្ងរ។ គួររំលឹកថា ៖ រន្ធត់! លោក សែម សង្វាត ជំងឺវិវត្តន៍កាន់តែធ្ងន់ធ្ងរកំពុងសម្រាកក្នុងបន្ទប់ ICU ។
ជាមួយនឹងការសម្រាកព្យាបាលនេះ ក្រុមគ្រួសាររបស់លោកក៏បានអំពាវនាវស្វែងរកជំនួយពីសប្បុរសជននានា ដើម្បីជួយអោយលោកអាចបន្តជីវិតរស់ចិញ្ចឹមកូនទៀត។ តែជាអកុលសដោយសារជំងឺកាន់តែធ្ងន់ធ្ងរ លោក សែម សង្វាត ក៏បានទទួលមរណភាពនាពេលនេះតែម្តង។
គួរបញ្ជាក់ថា អតីតតារាចម្រៀងលោក សែម សង្វាត ត្រូវបានចាប់ផ្តើមឈឺស្គមស្គាំងខ្លាំង ដោយសារបញ្ហាក្រពះ និងពោះវៀនអស់រយៈពេលជាច្រើនឆ្នាំមកហើយ។ កន្លងមក ដោយសារមានការជួយឧបត្ថម្ភពីសប្បុរសជនានា ជាពិសេសមាគមសិល្បករខ្មែរអាការៈជំងឺរបស់លោកបានរាងធូរស្បើយបន្តិច ដែលអាចធ្វើអោយមានកម្លាំងរកស៊ី និងឡើងច្រៀងម្តងម្កាល ដើម្បីបានប្រាក់ចិញ្ចឹមកូនៗក្នុងបន្ទុក។
លោកត្រូវរកប្រាក់ ដើម្បីបែងចែកច្រើន ដូចជាថ្លៃសិក្សាកូន៣នាក់ ចិញ្ចឹមម្តាយចាស់ ម្តាយមីង និងថ្លៃជួលបន្ទប់ក្នុងមួយខែចំនួន១៨០ដុល្លារ។ លោក សែម សង្វាត គឺជាអតីតក្រុមចម្រៀងមួយដួងក្នុងក្រុម EV band ក្នុងផលិតកម្មរស្មីស្ទឹងសង្កែ កាលពីជាង១០ឆ្នាំមុន។ បទរបស់លោកដែលមានការគាំទ្រខ្លាំងបំផុតនោះ គឺបទ «សំបុត្រស្នេហ៍ក្នុងសៀវភៅអូន» «កម្មករឆ្លងដែន» ដែលបានក្នុងវ៉ុលរួមគ្នាជាមួយតារាចម្រៀង ឱក សុគន្ធកញ្ញា, យក់ ថិតរដ្ឋា និងលោក ឃុំ ប៊ុណ្ណាដែតជាដើម៕
ចែករំលែកព័តមាននេះ