អតីតតារាចម្រៀងលោក សែម សង្វាត ត្រូវបានក្រុមគ្រួសារបញ្ជូនទៅសម្រាកព្យាបាលនៅក្នុងបន្ទប់សង្គ្រោះបន្ទាន់មួយ ខណៈពេលអាការ:ជំងឺរបស់លោកបានវិវត្តន៍កាន់តែ
រាជធានីភ្នំពេញ ៖ អតីតតារាចម្រៀងលោក សែម សង្វាត ត្រូវបានក្រុមគ្រួសារបញ្ជូនទៅសម្រាកព្យាបាលនៅក្នុងបន្ទប់សង្គ្រោះបន្ទាន់មួយ ខណៈពេលអាការ:ជំងឺរបស់លោកបានវិវត្តន៍កាន់តែធ្ងន់ធ្ងរហើយ។
យោងតាមសារដែលលោកបានបង្ហោះតាមគណនេយ្យហ្វេសប៊ុកនៅថ្ងៃនេះ បានអយដឹងថា «ខ្ញុំបាទ សែម សង្វាត ជាសិល្បករផ្នែកចម្រៀងជើងចាស់ កំពុងតែព្យាបាលក្នុងបន្ទប់ ICU ក្នុងមន្ទីរពេទ្យលោកសង្ឃ»។
លោកបញ្ជាក់ថា «ដោយសារតែស្ថានភាពជំងឺរបស់ខ្ញុំវិវត្តន៍កាន់តែធ្ងន់ទៅៗ ត្រូវប្រើថ្នាំច្រើន ដោយខ្ញុំបាទ ពុំមានថវិកាគ្រប់គ្រាន់ក្នុងការព្យាបាល! ដូច្នេះសូមអំពាវនាវដល់បងប្អូនសប្បុរសធម៌ទាំងអស់ដែលចូលចិត្តអាណិតស្រលាញ់ខ្ញុំបាទ មេត្តាជួយដល់ខ្ញុំបាទផង ដើម្បីអោយខ្ញុំបាទបានរស់នៅបន្តចិញ្ចឹមគ្រួសារ និងបានបន្តការច្រៀងបំពេអារម្មណ៍ជូនដល់មហាជនក្នុងស្រុក និងក្រៅស្រុក។ នេះជាគណនីរបស់កូនប្រុសខ្ញុំ ABA : 000445411 SANGVATH RATHANAK ACLEDA ទាន់ចិត្ត : 010663033 SANGVATH RATHANAK WING: 03387707 SANGVATH RATHANAK។
លោកបញ្ជាក់ថា លោកបានចាប់ផ្តើមឈឺស្គមស្គាំងខ្លាំង ដោយសារបញ្ហាក្រពះ និងពោះវៀនអស់រយៈពេលជាច្រើនឆ្នាំមកហើយ។ កន្លងមក ដោយសារមានការជួយឧបត្ថម្ភពីសប្បុរសជនានា ជាពិសេសមាគមសិល្បករខ្មែរ អាការ:ជំងឺរបស់លោកក៏បានរាងធូស្បើយបន្តិច ដែលអាចធ្វើអោយមានកម្លាំងរកស៊ី និងឡើងច្រៀងម្តងម្កាល ដើម្បីបានប្រាក់ចិញ្ចឹមកូនក្នុងបន្ទុក ។
ហើយកន្លងមក លោក សែម សង្វាត ធ្វើបានអះអាងប្រាប់កោះសន្តិភាពថា ពេលដែលលោកបានចាកឆ្ងាយពីវិស័យសិល្បៈចម្រៀងមក លោកក៏បានចេញទៅរកស៊ីនៅផ្សាររុងក្លឿប្រទេសថៃ។ ការរកស៊ីនាពេលនោះ ហាក់មានភាពកាក់កបគ្រាន់បើ រហូតធ្វើលោកអាចមានលទ្ធភាពទិញផ្ទះបាននៅ។
លោកបន្ថែមថា បន្ទាប់ការរកស៊ីប្រែជាមានហានិភ័យ លោកក៏មានការខាតបង់រហូតលក់ផ្ទះ និងរបស់របរផ្សេងៗដែលជាប់នឹងខ្លួន ដើម្បីសងបំណុលគេ។ ក្រោយពីការសងគេអស់ហើយនោះ រូបលោក និងក្រុមគ្រួសារក៏ធ្លាក់មកនៅផ្ទះជួលជាមួយនឹងជីវភាពខ្វះខាតរហូតបច្ចុប្បន្ន។ លោកបញ្ជាក់ថា សព្វថ្ងៃនេះ លោកត្រូវរកប្រាក់ ដើម្បីបែងចែកច្រើន ដូចជាថ្លៃសិក្សាកូន៣នាក់ ចិញ្ចឹមម្តាយចាស់ ម្តាយមីង និងថ្លៃជួលបន្ទប់ក្នុងមួយខែចំនួន១៨០ដុល្លារទៀត។
គួររំលឹកថា លោក សែម សង្វាត គឺជាអតីតក្រុមចម្រៀងមួយដួងក្នុងក្រុម EV ក្នុងផលិតកម្មរស្មីស្ទឹងសង្កែ កាលពីជាង១០ឆ្នាំមុន។ បទរបស់លោកដែលមានការគាំទ្រខ្លាំងបំផុតនោះ គឺបទ «សំបុត្រស្នេហ៍ក្នុងសៀវភៅអូន» «កម្មករឆ្លងដែន» ដែលបានក្នុងវ៉ុលរួមគ្នាជាមួយតារាចម្រៀង ឱក សុគន្ធកញ្ញា យក់ ថិតរដ្ឋា និងលោក ឃុំ ប៊ុណ្ណាដែត៕
ចែករំលែកព័តមាននេះ