ឆ្មក់បានទាំងសម្បុក ខណៈកំពុងនាំគ្នាប្រព្រឹត្តជាក់ស្តែងក្នុងរោងចិញ្ចឹមទា
- ភ្នំពេញ
រាជធានីភ្នំពេញ ៖ កម្លាំងនគបាលផ្នែកប្រឆាំងគ្រឿងញៀ.ននៃអធិការដ្ឋានខណ្ឌដង្កោ សហការជាមួយកម្លាំងនគរបាលប៉ុស្តិ៍
រាជធានីភ្នំពេញ ៖ កម្លាំងនគបាលផ្នែកប្រឆាំងគ្រឿងញៀ.ននៃអធិការដ្ឋានខណ្ឌដង្កោ សហការជាមួយកម្លាំងនគរបាលប៉ុស្តិ៍រដ្ឋបាលជើងឯក បានធ្វើការឃាត់ខ្លួនបុរសចំនួន៨នាក់សង្ស័យជួញដូរនិងប្រើប្រាស់គ្រឿងញៀ.ន ព្រមទាំងដកហូតបានគ្រឿងញៀ.ន សម្ភារៈសម្រាប់វេចខ្ចប់ ឧបករណ៍សម្រាប់ប្រើប្រាស់គ្រឿងញៀ.ន និងសម្ភារៈមួយចំនួនទៀតផងដែរ។
ប្រតិបត្តិការចុះឃាត់ខ្លួនក្រុមជនសង្ស័យខាងលើនេះបានធ្វើឡើងកាលពីវេលាម៉ោង៥និង៣០នាទីល្ងាចថ្ងៃទី២៩ ខែ កញ្ញា ឆ្នាំ២០២១ នៅក្នុងរោងចិញ្ចឹមទាមួយកន្លែង នៅតាមផ្លូវលំ ស្ថិតក្នុងភូមិជើងឯក សង្កាត់ជើងឯក ខណ្ឌដង្កោ រាជធានីភ្នំពេញ ។
នគរបាលបានប្រាប់ថា ជនសង្ស័យទាំង៨នាក់នោះរួមមាន១-ឈ្មោះ គា រ៉ុង ហៅញ៉ាញ់ ភេទប្រុស អាយុ២១ឆ្នាំ មុខរបរមិនចញ្ចឹមទា ២-ឈ្មោះ អឿន រ៉េត ហៅម៉ាប់ ភេទប្រុស អាយុ២៨ឆ្នាំ ៣-ឈ្មោះ ចែម សីហា ហៅវេហា ភេទប្រុស អាយុ២០ឆ្នាំ ៤-ឈ្មោះ ឡុង សុភន ភេទប្រុស អាយុ២៩ឆ្នាំ (ទាំង៤នាក់នេះមានទីលំនៅភូមិជើងឯក សង្កាត់ជើងឯក ខណ្ឌដង្កោ រាជធានីភ្នំពេញ) ៥-ឈឹម ដារ៉ា ហៅម៉ាប់ ហៅតឿ ភេទប្រុស អាយុ២៩ឆ្នាំ ស្នាក់នៅភូមិព្រៃកជ្រៃ សង្កាត់ស្ពានថ្ម ខណ្ឌដង្កោ រាជធានីភ្នំពេញ ៦-ឈ្មោះ សុទ្ធ សំនៀងភីលីត ភេទប្រុស អាយុ២៦ឆ្នាំ ស្នាក់នៅភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ ៧-ឈ្មោះ ភឿន សុខលុយ ភេទប្រុស អាយុ១៩ឆ្នាំ ស្នាក់នៅភូមិវត្តស្លែង សង្កាត់ពងទឹក ខណ្ឌដង្កោ រាជធានីភ្នំពេញ និង៨-ឈ្មោះ ខ្លឹង ដែន ភេទប្រុស អាយុ៣៣ឆ្នាំ ស្នាក់នៅភូមិរលួស សង្កាត់ជើងឯក ខណ្ឌដង្កោ រាជធានីភ្នំពេញ ។
នគរបាលដដែលបានប្រាប់ឲ្យដឹងបន្តទៀតថា កម្លាំងដកហូតបានវត្ថុតាងមួយចំនួនរួមមាន ថ្នាំញៀ.ន២កញ្ចប់តូច, ដា.វកែច្នៃ១ដើម ប្រវែង៥៦សង់ទីម៉ែត្រ, កាំភ្លើ.ងខ្លីជ័រ១ដើម, ម៉ូតូម៉ាកស្មាត ពណ៏ខ្មៅ គ្មានស្លាកលេខ ១គ្រឿង, ទូរស័ព្ទ ពណ៌ផ្ទៃមេឃ ១គ្រឿង, កាបូបស្ពាយចំនួន២, ថង់សម្រាប់ច្រកថ្នាំញៀ.នមួយចំនួន, ទុយោសម្រាប់ចូកថ្នាំញៀ.ន ១ដើម, ឧបករណ៍សម្រាប់ប្រើប្រាស់ថ្នាំញៀ.នមួយចំនួន និងស្លាកលេខម៉ូតូ ភ្នំពេញ 1L-6396 មួយបន្ទះ។
តាមប្រភពខាងលើបានបន្តថា នៅមុនពេលឈានដល់ការឃាត់ខ្លួនក្រុមជនសង្ស័យទាំងនោះ កម្លាំងនគរបាលផ្នែកប្រឆាំងគ្រឿងខណ្ឌដង្កោសហការណ៍ជាមួយប៉ុស្ដិ៍នគរបាលរដ្ឋបាលជើងឯក ក្រោមការដឹកនាំដោយលោកវរសេនីយ៍ឯកជឹម ស៊ីថា អធិការនគរបាលខណ្ឌដង្កោ បានចុះធ្វើការស្រាវជ្រាវដើម្បីបង្រាបបទល្មើសផ្សេងៗនៅក្នុងមូលដ្ឋាន ខណៈនោះក៏បានទទួលព័ត៌មានពីមហាជនថា មានជនសង្ស័យ១ក្រុមកំពុងធ្វើសកម្មភាពជួញដូរនិងប្រើប្រាស់គ្រឿងញៀ.ននៅក្នុងរោងចិញ្ចឹមទាខាងលើ ទើបកម្លាំងចុះទៅបង្ក្រាប និងឃាត់ខ្លួនបានទាំងសម្បុក ព្រមទាំងដកហូតយកវត្ថុតាងខាងលើរួចនាំទៅកាន់អធិការដ្ឋាននគរបាលខណ្ឌដង្កោ ធ្វើការសាកសួរនិងចាត់ការតាមច្បាប់តែម្ដង៕
ចែករំលែកព័តមាននេះ