ខេត្តកំពង់ស្ពឺ ៖ អគ្គិភ័យមួយបានកើតឡើងបង្កឲ្យមានការភ្ញាក់ផ្អើលដល់សមត្ថកិច្ចប្រើប្រាស់រថយន្តពន្លត់អគ្គិភ័យចំនួន០៥គ្រឿង ទើបអន្តរាគមន៍គ្រប់គ្រងស្ថានការណ៍បាន ដោយភ្លើងមិនឆេះរាលដាលទៅអគាផ្សេងឡើយ។ ចំពោះមូលហេតុដោយសារជាងផ្សាដែកលើដំបូលធ្លាក់ទឹកអន្សាមកលើកញ្ច្រែងសម្រាប់ដាក់ដំណាប់ស្វាយ។ ហេតុការណ៍អគ្គិភ័យនេះកើតឡើងកាលពីវេលាម៉ោង២ និង០៥នាទីរសៀល ថ្ងៃទី២៩ ខែកញ្ញា ឆ្នាំ២០២១ នៅរោងចក្រដំណាប់ស្វាយមូតា ស្ថិតនៅក្នុងភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
ប្រភពពីសមត្ថកិច្ចបានឲ្យដឹងថា មុនពេលកើតហេតុមានក្រុមជាងដែកមួយក្រុមបានឡើងទៅផ្សារដែកលើដំបូលរោងចក្រពេលដែលផ្សារពុំមាននរណាចាប់អារម្មណ៍រឿងទឹកអន្សាធ្លាក់ទៅក្រោមប៉ះជាមួយកញ្ច្រែងសំម្រាប់ដាក់ដំណាប់ស្វាយនោះទេ។ ប្រភពបន្តថា ពេលដែលជាងកំពុងផ្សារស្រាប់តែភ្លើងបានឆាបឆេះបង្កឲ្យមានការភ្ញាក់ផ្អើលមកដល់សមត្ថកិច្ចចេញរថយន្តពន្លត់អគ្គិភ័យជួយបាញ់ពន្លត់ភ្លើងបានទាន់ពេលវេលាដោយភ្លើងមិនបានឆាបឆេះដល់អគារផ្សេងឡើយ។ ចំពោះមូលហេតុដែលបណ្តាលឲ្យភ្លើងឆាបឆេះឡើងគឺមកពី ជាងផ្សារដែកធ្លាក់កម្ទេចភ្លើងចូលគំនរស្រការជ័រ(កញ្ច្រែង)សម្រាប់ច្រកផ្លែស្វាយ។
ករណីនេះសមត្ថកិច្ចជួយអន្តរាគមន៍ ពន្លត់អគ្គិភ័យបានទាន់ពេលវេលាដោយប្រើប្រាស់រថយន្តពន្លត់អគ្គិភ័យចុះនួន០៥គ្រឿង។ ក្នុងហេតុការណ៍នេះមិនបណ្តាលឲ្យមានគ្រោះថ្នាក់ដល់អាយុជីវិតមនុស្សឡើយ ព្រោះពេលកើតហេតុកម្មករដែលបម្រើការងារនៅទីនោះនាំគ្នារត់ចេញទាន់ពេលវេលាគ្រាន់តែខូចខាតកញ្ច្រែងជ័រអស់ចំនួន២០០០៕ ដោយ ៖ វង្ស សន
ចែករំលែកព័តមាននេះ