ខ្លាដោយញីឈ្មោល…
សង្គមកម្ពុជាយើងមានតែបក្ស២គ្រឿងប៉ុណ្ណោះ ដែលមានសំឡេងខ្ទរខ្ទារគ្រោតគ្រាតជាងគេ ។ ទៅទីណាក៏ដោយ… ស្គាល់ជាងគេបក្សកាន់អំណាចដែលកំពុងអភិវឌ្ឍន៍
សង្គមកម្ពុជាយើងមានតែបក្ស២គ្រឿងប៉ុណ្ណោះ ដែលមានសំឡេងខ្ទរខ្ទារគ្រោតគ្រាតជាងគេ ។
ទៅទីណាក៏ដោយ… ស្គាល់ជាងគេបក្សកាន់អំណាចដែលកំពុងអភិវឌ្ឍន៍ និងបក្សប្រឆាំងដែលពូកែរកលេខដាក់គ្មានខាងរិះគន់… ជេរប្រមាថ… បន្ទាបបន្ថោក… តាមកំហឹង ។
ចំណាំទុកច្បាស់ណាស់… ពេលណាបក្សប្រឆាំងដែលជាបក្សមាត់ដាច លេងខ្លាំងពេក… សំដីឈ្លើយដាក់បក្សកាន់អំណាច… មិនយូរទេ បក្សកាន់អំណាចវ៉ៃបកវិញរញ្ជួយមេក្រូ… វ៉ៃបកលាន់ភូសៗ !… មិនមែនវ៉ៃចោលទទេៗទេ… វ៉ៃហើយចង្អុលពីច្បាប់… ពីក្រមសីលធម៌… ពីមារយាទថោក មារយាទថ្លៃ… ដើម្បីជួយតម្រង់ផ្លូវ…
ចំណាំទុកទៀត… ឱ្យតែបក្សទាំង២គ្រឿងទាស់គ្នាបែកផ្សែងម្តងៗ… ប្រជានុរាស្ត្រ ព្រមទាំងអ្នករកស៊ីតូចធំទាំងឡាយ… ភ័យព្រួយណាស់ពីសុវត្ថិភាពនិងវាសនាសង្គម… ចង់រកស៊ីធំ មិនសូវហ៊ានលូកទេ ខ្លាចរលាក…
ទៅទីណាក៏គេនិយាយខ្សិបៗដែរ… បើបក្សកាន់អំណាចនៅតែឈ្នះ… អត់ភ័យ អត់ខ្លាចទេរឿងបោះទុនរកស៊ី… ប៉ុន្តែ បើបក្សដែលគេមិនភ័យខ្លាចនេះ បែរជាចាញ់វិញ… ច្បាស់ជាភ្នែកមកនៅកញ្ចឹងក… ដួលរលំ តោទ្រាទាំងអស់គ្នាហើយ! ម្នាក់ៗចាំមើលដំណើររបស់បក្សទាំង២នេះបន្តទៀតសិន ។
ឥឡូវនេះសង្គ្រាមវោហាសាស្ត្របានស្ងប់ស្ងាត់ហើយ… គ្មានជេរម៉ោ ហើយក៏គ្មានជេរទៅដែរ… ក្រុមអ្នកវិភាគនិយាយថា បក្សប្រឆាំងដែលដឹកនាំក្នុងប្រទេសចាប់ផ្តើមស្លូត… ស្លូតមួយស្របក់ហើយ… ស្លូតចំពោះមុខបក្សកាន់អំណាចហើយ… ប្រហែលជាជាប់រវល់ផ្អែមជាមួយផ្កាក្រពុំទេដឹង ?
ទាយទុកមុនឱ្យហើយ… ឃើញខ្លាក្រាបកុំថាខ្លាសំពះ… ខ្លាដែលសំពះសង្ស័យខ្លាកំពុងដោយញីឈ្មោល… សង្ស័យកំពុងបន្តពូជក្នុងព្រៃហេមពាន្តយើងនេះបានមួយទៀតផងក៏មិនដឹង…
គួរឈប់ភ័យ… ឈប់ខ្លាច… ឈប់ព្រួយបារម្ភទៅ… គិតរឿងរកស៊ីវិញ… សង្គមមិនអាចប្រែប្រួល… មិនអាចក្រឡាប់ចាក់ចោលបានទេ… ខ្លាដែលកំពុងដោយញីឈ្មោល កំពុងដេកមិនលក់ បក់មិនល្ហើយហើយ… ហេ ! ហេ !
អាឡេវ
ចែករំលែកព័តមាននេះ