ក្មួយយកម៉ូតូជិះទៅបាត់២ថ្ងៃ លុះពូខលលួងឱ្យមកផ្ទះ ទើបសារភាពការពិត
- ភ្នំពេញ
រាជធានីភ្នំពេញ ៖ បុរសម្នាក់បានយកម៉ូតូ១គ្រឿងដែលជាកម្មសិទ្ធិរបស់ពូបង្កើតខ្លួនទៅដាក់បញ្ចាំយកលុយទិញថ្នាំញៀ.នជក់ និង
រាជធានីភ្នំពេញ ៖ បុរសម្នាក់បានយកម៉ូតូ១គ្រឿងដែលជាកម្មសិទ្ធិរបស់ពូបង្កើតខ្លួនទៅដាក់បញ្ចាំយកលុយទិញថ្នាំញៀ.នជក់ និង
រាជធានីភ្នំពេញ ៖ បុរសម្នាក់បានយកម៉ូតូ១គ្រឿងដែលជាកម្មសិទ្ធិរបស់ពូបង្កើតខ្លួនទៅដាក់បញ្ចាំយកលុយទិញថ្នាំញៀ.នជក់ និងចាយវាយអស់ លុះ២ថ្ងៃក្រោយមកត្រូវនគរបាលឃាត់ខ្លួន ។ បន្ទាប់មកដោយសារតែឃើញថា ជាសាច់ឈាមនឹងគ្នា នគរបាលបានប្រាប់ឲ្យឪពុកម្ដាយជននេះចូលមកសម្របសម្រួលជាមួយម្ចាស់ម៉ូតូដើម្បីបញ្ចប់រឿង។ ប៉ុន្តែត្រូវបានឪពុកម្ដាយប្រាប់មកវិញថា ពួកគាត់អត់ទៅសម្រួលទេ ចាត់ការតាមច្បាប់ទៅចុះ ព្រោះកូនម្នាក់នេះបំផ្លាញក្រុមគ្រួសារច្រើនលើកមកហើយ ។
ការចាប់ខ្លួនជនសង្ស័យម្នាក់ខាងលើនោះបានធ្វើឡើងកាលពីវេលាម៉ោង៩និង៣០នាទីព្រឹកថ្ងៃទី២៨ ខែកញ្ញា ឆ្នាំ ២០២១ នៅក្នុងខណៈពេលដែលជននេះត្រឡប់ចូលផ្ទះរបស់ខ្លួនវិញដែលស្ថិតភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ។
ជនសង្ស័យខាងលើឈ្មោះផាត់ សុភ័ក្ត្រ ភេទប្រុស អាយុ២៨ឆ្នាំ មានសារធាតុញៀ.នក្នុងខ្លួន ។ ចំណែកបុរសដែលជាពូបង្កើតឈ្មោះមៀច ម៉ាន់ អាយុ៤០ឆ្នាំ ស្នាក់នៅសង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ ។
បុរសជាម្ចាស់ម៉ូតូបានប្រាប់ឲ្យដឹងថា កាលពីវេលាយប់ថ្ងៃទី២៦ ខែកញ្ញាឆ្នាំ២០២១ គាត់បានទៅចូលរួមកម្មវិធី បង្កក់ក្មួយនៅក្នុងភូមិម័ល សង្កាត់ដង្កោ ខណ្ឌដង្កោ ។ ខណៈនោះក៏មានការហូបចុកជុំបងប្អូនកូនក្មួយបន្តិចបន្តួច ក្នុងនោះក៏មានក្មួយដែលជាជនសង្ស័យម្នាក់នេះផងដែរ លុះដល់វេលាម៉ោង១០យប់ថ្ងៃដដែល ជនសង្ស័យបានយកម៉ូតូរបស់គាត់ជិះទៅបាត់ស្រមោល ដោយមិនបានប្រាប់ថាទៅណាឡើយ។
តាមប្រភពដដែលបានបន្តទៀតថា លុះដល់ព្រឹកឡើងថ្ងៃទី២៧ ខែឆ្នាំដដែល ទើបក្មួយប្រុសរូបនេះបានទូរស័ព្ទប្រាប់គាត់ថា ខ្ញុំយកម៉ូតូពូទៅបញ្ចាំនៅផ្សារឃ្លាំងរំសេវបាត់ហើយ រួចក៏បិទទូរស័ព្ទបាត់ទៅ។ លុះដល់ថ្ងៃទី ២៨ខែឆ្នាំដដែល គាត់ក៏បានខលលួងលោមឲ្យក្មួយប្រុសកំហូចរូបនេះត្រឡប់មកផ្ទះ ដោយប្រាប់ថាឲ្យជូនគាត់ទៅលស់យកម៉ូតូវិញ ទើបជននេះព្រមត្រឡប់ចូលផ្ទះហើយក៏ត្រូវបាននគរបាលប៉ុស្តិ៍ដង្កោឃាត់ខ្លួនតែម្ដង។
នគរបាលបានប្រាប់ថា ក្រោយឃាត់ខ្លួន ជនសង្ស័យបានសារភាពថា រូបគេពិតជាបានយកម៉ូតូពូទៅបញ្ចាំនៅផ្សារឃ្លាំងរំសេវបានប្រាក់ចំនួន៣០០ដុល្លារ ។ បន្ទាប់មកបានយកទៅទិញថ្នាំញៀ.នជក់ និងចាយវាយអស់ហើយ ។ ក្រោយពីសួរនាំរួច ដោយសារតែភាគីទាំង២គឺជាសាច់ឈាមនិងគ្នា ទើបនគរបាលបានហៅឲ្យឪពុកម្ដាយទៅសម្របសម្រួលជាមួយម្ចាស់ម៉ូតូបញ្ចប់រឿង ប៉ុន្តែត្រូវបានឪពុកម្ដាយជននេះប្រាប់ត្រឡប់មកវិញថា ពួកគាត់អត់ទៅសម្រួលទេ ចាត់ការតាមច្បាប់ចុះ ព្រោះកូនម្នាក់នេះបំផ្លាញក្រុមគ្រួសារច្រើនលើកមកហើយ បន្ទាប់មកនគរបាលបានកសាងសំណុំរឿងចាត់ការតាមច្បាប់តែម្ដង៕
ចែករំលែកព័តមាននេះ