«មហាគ្រួសារកោះសន្តិភាព»នាំទេយ្យទាននិងបច្ច័យចូលរួមវេនទី៦
- ភ្នំពេញ
រាជធានីភ្នំពេញ ៖ នៅព្រឹកថ្ងៃ៦រោច ខែភទ្របទ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២៧ ខែកញ្ញា ឆ្នាំ២០២១នេះ«មហាគ្រួសារ
រាជធានីភ្នំពេញ ៖ នៅព្រឹកថ្ងៃ៦រោច ខែភទ្របទ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២៧ ខែកញ្ញា ឆ្នាំ២០២១នេះ«មហាគ្រួសារ
រាជធានីភ្នំពេញ ៖ នៅព្រឹកថ្ងៃ៦រោច ខែភទ្របទ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២៧ ខែកញ្ញា ឆ្នាំ២០២១នេះ«មហាគ្រួសារកោះសន្តិភាព»ដឹកនាំដោយលោកឧកញ៉ា ថុង អ៊ុយប៉ាង និងលោកជំទាវឧកញ៉ា យិន ផាន្នី ព្រមទាំងបុត្រនិងចៅ ដោយមានការគាំទ្រពីមិត្តភក្តិជិតស្និទ្ធផង បានអញ្ជើញចូលរូមវេនកាន់បិណ្ឌទី៦ នៅវត្តមុនីប្រសិទ្ធីវង្ស ដែលស្ថិតនៅក្នុងសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ដើម្បីឧទ្ទិសកុសលជួនវិញ្ញាណក្ខន្ធរួមមានមាតា បិតា ជីដូន ជីតា និងញាតិកាទាំង៧សន្តាន ដែលបានចែកឋានទៅកាន់បរមសុខ ។
ដើម្បីចូលរួមទប់ស្កាត់ការរីករាលដាលនូវជំងឺកូវីដ-១៩ នៅក្នុងឱកាសនោះបានកាត់បន្ថយអស់សមាជិកកាន់វេន ដោយបន្សល់ទុកតែតំណាង មិនលើសពី១០នាក់ឡើយ ។ ក្នុងឱកាសបុណ្យទានខានមិនបាននេះ «មហាគ្រួសារកោះសន្តិភាព»មានការចូលរួមផ្ទាល់តែលោកជំទាវឧកញ៉ា យិន ផាន្នី លោកស្រី ថុង សុវណ្ណរង្សី ជាកូន លោកជំទាវ ហេមវណ្ណា មហាឧបាសិកាពុទ្ធសាសនូបត្ថម្ភ ខៀវ ហុង ចក់ ឡេង លោកស្រី ទឹម សុខា ភរិយាលោក ប៉ុល សារឿន នាយកការផ្សាយកោះសន្តិភាព លោក សម វង់ និងភរិយា ដែលសរុបទៅមានតំណាង៧រូបប៉ុណ្ណោះដើម្បីប្រគេនទេយ្យទាន និងបច្ច័យ ចំពោះសម្តេច ព្រះឧត្តមវង្សាគតិបណ្ឌិត មួង រ៉ា សម្តេចព្រះសង្ឃនាយករងទី៣ ព្រះអនុប្រធាន និងជាអគ្គលេខាធិការដ្ឋានថេរសភានៃព្រះពុទ្ធសាសនាព្រះរាជាណាចក្រកម្ពុជា និងជាចៅអធិការវត្តមុនីប្រសិទ្ធីវង្ស ។
នៅក្នុងឱកាសវេនកាន់បិណ្ឌទី៦នេះ លោកជំទាវឧកញ៉ា យិន ផាន្នី ក៏បាននាំគ្រឿងឧបភោគ-បរិភោគ មានអង្ករ និងភេសជ្ជៈរួមទាំងបច្ច័យសរុបចំនួនជាង៥ពាន់ដុល្លារ និង៧.៦០០.០០០រៀល វេរប្រគេនដល់សម្តេចព្រះឧត្តមវង្សាគតិបណ្ឌិត មួង រ៉ា ដើម្បីចូលរួមឧបត្ថម្ភនូវការខ្វះខាតនាសម័យកូវីដ និងកសាងសមិទ្ធផលនានានៅក្នុងវត្តផងដែរ ។
គួរបញ្ជាក់ថា ជារៀងរាល់ឆ្នាំ«មហាគ្រួសារកោះសន្តិភាព»ដឹកនាំដោយលោកឧកញ៉ា ថុង អ៊ុយប៉ាង ដែលជាស្ថាបនិក និងជាទីប្រឹក្សា និងលោកជំទាវឧកញ៉ា យិន ផាន្នី រួមទាំងថ្នាក់ដឹកនាំបុគ្គលិកមហាគ្រួសារកោះសន្តិភាពទាំងអស់តែងតែចូលរួមវេនកាន់បិណ្ឌនៅវត្តមុនីប្រសិទ្ធីវង្សជាការចូលរួមឧទ្ទិសកុសលជួនដល់អ្នកមានគុណ មាតាបិតា និងញាតិកាទាំង៧សន្តានដែលចែកឋានទៅកាន់លោកខាងមុខនិងជាការចូលរួមកសាងនូវសមិទ្ធិនានា ក្នុងវត្តមុនីប្រសិទ្ធីវង្សតាំងពីដើមរៀងមកមិនដែលអាក់ខានឡើយ ៕
ចែករំលែកព័តមាននេះ