តុលាការប្រកាសសាលក្រមផ្ដន្ទាទោសចិនម្ចាស់ក្លិប 13 KTV និងបក្ខពួក៣នាក់
- ភ្នំពេញ
រាជធានីភ្នំពេញ ៖ សាលាដំបូងរាជធានីភ្នំពេញ កាលពីរៀលថ្ងៃទី ២២ ខែកញ្ញា ឆ្នាំ២០២១ បានប្រកាសសាលក្រមផ្ដន្ទាទោសលើ
រាជធានីភ្នំពេញ ៖ សាលាដំបូងរាជធានីភ្នំពេញ កាលពីរៀលថ្ងៃទី ២២ ខែកញ្ញា ឆ្នាំ២០២១ បានប្រកាសសាលក្រមផ្ដន្ទាទោសលើជនជាតិចិនចំនួន៤នាក់ ដាក់ពន្ធនាគារកំណត់ក្នុងម្នាក់១១ឆ្នាំ និងពិន័យប្រាក់ចំនួន២០លានរៀល ចូលថវិការរដ្ឋ ក្រោមការចោទប្រកាន់ពីបទ.ជួញដូរដោយខុសច្បាប់នូវសារធាតុញៀ.ន បទ.ចាត់ចែងឲ្យប្រើប្រាសនូវសារធាតុញៀ.នដែលហាមឃាត់ប្រព្រឹត្តក្នុងក្លឹបរាត្រី១៣KTV ស្ថិតនៅអាគារលេខ១៦ ផ្លូវ២០៦ សង្កាត់ដេប៉ូទី១ ខណ្ឌទួលគោក រាជធានីភ្នំពេញ កាលពីថ្ងៃទី២៦ សីហា ឆ្នាំ២០២០ ដែលបទល្មើសនេះមានចែងឲ្យផ្ដន្ទាទោសតាមមាត្រា៤០ មាត្រា៤២ មាត្រា៤៤ នៃច្បាប់ស្តីពីការត្រួតពិនិត្យគ្រឿងញៀ.ន ។
ជនជាប់ចោទទាំង៤នាក់ខាងលើរួមមាន ៖ ១-ឈ្មោះ Lin Kang Lai ភេទប្រុស អាយុ៤៧ឆ្នាំ ២-ឈ្មោះ Houng Fei axion ភេទប្រុស អាយុ៣០ឆ្នាំ ៣-ឈ្មោះ Houng Fei Hal ភេទប្រុស អាយុ២៣ឆ្នាំ ជនជាតិចិន និង៤-ឈ្មោះ Zang sin wei ភេទប្រុស អាយុ២៥ឆ្នាំ ជនជាតិចិន ។ សាលក្រមបានទុកសិទ្ធិឲ្យជនជាប់ចោទប្តឹងឧទ្ធរណ៍កំណត់ច្បាប់ ។
សូមរម្លឹកថា កាលពីថ្ងៃទី២៥ ខែសីហា ឆ្នាំ២០២០ កម្លាំងសមត្ថកិច្ចនគរបាលការិយាល័យប្រឆាំងគ្រឿងញៀ.ននៃស្នងការដ្ឋាន រាជធានីភ្នំពេញ បានចេញប្រតិបត្តិការបង្ក្រាបក្លឹបកម្សាន្តយីហាលេខ១៣ KTV ស្ថិតនៅក្នុងខណ្ឌទួលគោក រាជធានីភ្នំពេញ ដែលមានសង្ស័យមួយក្រុមកំពុងធ្វើសកម្មភាពចាត់ចែងសម្រួលឱ្យប្រើប្រាស់ និងជួញដូរដោយខុសច្បាប់នូវសារធាតុញៀ.ន ដោយបានធ្វើការឃាត់ខ្លួនមនុស្សប្រុសស្រីជាជនបរទេស និងជនជាតិខ្មែរចំនួន៩៣នាក់ ព្រមទាំងបានឆែកឆេរត្រួតពិនិត្យរកឃើញវត្ថុតាងថ្នាំញៀ.នមួយចំនួនផងដែរ ៕
ចែករំលែកព័តមាននេះ