ខេត្តបន្ទាយមានជ័យ ៖ មានពលករខ្មែរចំនួន១៤នាក់បានលួចឆ្លងដែនទៅរកការងារធ្វើប្រទេសថៃ ត្រូវបានទាហានឈុតខ្មៅថៃឃាត់ខ្លួននាំយកទៅសាកសួរ កាលពីវេលាម៉ោង១រសៀលថ្ងៃទី២៣ កញ្ញា ឆ្នាំ២០២១ ស្ថិតនៅចំណុចភូមិប៉ារ៉ៃថ្មី ឃុំប៉ារ៉ៃ ស្រុកអា
រ័ញ្ញ ខេត្តស្រះកែវ ប្រទេសថៃ ឈមក្រុងប៉ោយប៉ែត ខេត្តបន្ទាយមានជ័យ ។
មន្ត្រីយោធាទំនាក់ទំនងកម្ពុជា-ថៃប្រចាំប៉ោយប៉ែតបានប្រាប់អោយដឹង នៅថ្ងៃទី២៤ កញ្ញា នេះដែរថា លោកបានទទួលព័ត៌មានថា មានប្រជាពលរដ្ឋខ្មែរចំនួន១៤នាក់ មានប្រុស.ស្រីនិងក្មេង បានលួចឆ្លងដែនទៅរកការងារធ្វើនៅប្រទេសថៃ តាមរយៈមេខ្យល់កម្ពុជានិងថៃ ហើយក៏ត្រូវបានទាហានឈុតខ្មៅថៃ ដែលកំពុងឈរជើងតាមបន្ទាត់ព្រំដែនភូមិសាស្គ្រ ស្រុកអារ័ញ្ញ ខេត្តស្រះកែវប្រទេសថៃ បានឃាត់ប្រគល់ជូនទៅមន្ត្រីនគរបាល ដើម្បីអនុវត្តន៍តាមច្បាប់។
តាមព័ត៌មានដែលទទួលបាន គឺប្រជាពលរដ្ឋខ្មែរដែលត្រូវទាហានឈុតខ្មៅឃាត់ទាំង១៤នាក់ គឺឆ្លងដែនដោយខុសច្បាប់តាមរយៈមេខ្យល់កម្ពុជា-ថៃ ជូនទៅរកការងារធ្វើនៅខេត្តឆៈឆឺងសៅ ខេត្តសមុទ្រប្រកាន ប្រទេសថៃ ក្នុង១នាក់មេខ្យល់យកតំលៃ៦.០០០បាតនៅពេលជូនឆ្លងដែនចូលដីថៃ ត្រូវទាហានឈុតខ្មៅឃាត់ ។
អាចថា ប្រជាពលរដ្ឋខ្មែរជាពលរដ្ឋដែលត្រូវទាហានឈុតខ្មៅឃាត់ក្នុងទឹកដីថៃ ករណីលួចឆ្លងដែនដោយខុសច្បាប់ ដែលត្រូវអនុ
វត្តតាមគោលការណ៍សុខាភិបាលខេត្ត ហើយនាំយកទៅសាកសួរចាត់ការតាមច្បាប់ រួចបញ្ជូនមកកម្ពុជាវិញ តាមច្រកអូរបីជាន់ ស្រុកអូរជ្រៅ ច្រកបឹងត្រកួន ស្រុកថ្មពួក ៕
ចែករំលែកព័តមាននេះ