បន្ទាយមានជ័យ ៖ ឯកឧត្តម អ៊ុ រាត្រី អភិបាលខេត្តបន្ទាយមានជ័យ បានដឹកនាំកងកម្លាំងទាំងបីស្ថាប័នរៀបចំចម្រកទីទួលសុវត្ថិភាពក្រោយជម្លៀសប្រជាពលរដ្ឋចំនួន២៩៤គ្រួសារ រហូតដល់ថ្ងៃទី២៣ ខែកញ្ញា ឆ្នាំ២០២១ ទូទាំងខេត្តបន្ទាយមានជ័យ ។
ឯកឧត្តម អ៊ុ រាត្រី បានប្រាប់អោយដឹងថា ៖ អាជ្ញាធរខេត្តបន្ទាយមានជ័យ រួមកម្លាំងទាំងបីស្ថាប័នបានធ្វើជម្រកត្រៀមជម្លៀសប្រជាពលរដ្ឋដែលរងគ្រោះដោយទឹកជំនន់នៅស្រុកមង្គលបូរី និងក្រុងសិរីសោភ័ណដាក់មួយកន្លែង មានដាក់ទឹកស្អាតប្រើប្រាស់ដាក់អគ្កីសនីចូល និងបន្ទប់ទឹក កន្លែងគ្រូពេទ្យ និងកងកម្លាំង អោយបានរៀបរយបង្កាទប់ស្កាត់កូវីដ១៩ មិនអោយរីករាលដាលក្នុងសហគមន៍ ។
ឯកឧត្តមបានបញ្ជាក់ថា ៖ ខេត្តបន្ទាយមានជ័យរហូតដល់ថ្ងៃទី២៣ ខែកញ្ញា ឆ្នាំ២០២១នេះ ត្រូវបានជម្លៀសប្រជាពលរដ្ឋរងគ្រោះដោយទឹកជំនន់ដែលលិចលង់រកទីទួលសុវត្ថិភាព មានចំនួន២៩៤គ្រួសារស្មើមនុស្សរាយចំនួន១,២១៦នាក់ ស្រី៧២២នាក់ ត្រូវបានជម្លៀសរកទីទួលសុវត្ថិភាព ក្នុងនោះមានក្រុងសិរីសោភ័ណចំនួន៩៥គ្រួសារ ស្រុកមង្គលបូរីចំនួន៤២គ្រួសារ និងក្រុងប៉ោយប៉ែតចំនួន១៥៧គ្រួសារ ។
ឯកឧត្តម អ៊ុ រាត្រី បានបញ្ជាក់ថា ៖ នៅខេត្តបន្ទាយមានជ័យមានចំនួន៩ស្រុក/ក្រុង មានចំនួន៦ស្រុក/ក្រុងហើយ ដែលកំពុងរងគ្រោះដោយទឹកជំនន់មាន២១ឃុំ/សង្កាត់ ដែលប៉ះពាល់ផ្ទះសំបែងប្រជាពលរដ្ឋចំនួន៦,០២៤គ្រួសារស្មើមនុស្សរាយចំនួន២០,៩៥៣នាក់ស្រី១០.៧៥០នាក់ ស្លា.ប់ដោយលង់ទឹកចំនួន១នាក់ ប៉ះពាល់ដំណាំកសិកម្មមានស្រូវចំនួន១៥,៣៦៦ហិកតា ដំឡូងមីចំនួន៣,៧៧៤ហិកតា ដំណាំរួមផ្សំមានចំនួន១១៨ហិកតា លិចសាលារៀនចំនួន៣៣កន្លែង លិចវត្តចំនួន១១កន្លែង ផ្លូវលិចទឹកនិងហូរកាត់ចំនួន៣៥៩ខ្សែស្មើប្រវែង១២៨,៣៧២ម៉ែត្រ ៕
ចែករំលែកព័តមាននេះ