ទឹកឈូជួរចាប តំបន់ទេសចរណ៍ថ្មីលើទឹកដី ទន្លេសេសាន
ខេត្តស្ទឹងត្រែង ៖ ស្ថិតលើផ្នែកដងទន្លេសេសានកាលពីដំបូងឡើយគ្រាន់តែជាខ្សែ នៃដងទន្លេធម្មតា មួយតែប៉ុណ្ណោះ ក្រោយមកដោយមានការអភិវឌ្ឍន៍លើវិស័យទេសចរណ៍កាន់តែមានសន្ទុះ
ខេត្តស្ទឹងត្រែង ៖ ស្ថិតលើផ្នែកដងទន្លេសេសានកាលពីដំបូងឡើយគ្រាន់តែជាខ្សែ នៃដងទន្លេធម្មតា មួយតែប៉ុណ្ណោះ ក្រោយមកដោយមានការអភិវឌ្ឍន៍លើវិស័យទេសចរណ៍កាន់តែមានសន្ទុះឡើង ព្រម ទាំងមានការគាំទ្រពីភ្ញៀវជាតិ និងទេសចរណ៍បរទេសនោះ ខេត្តស្ទឹងត្រែងនៅរយៈពេលចុងក្រោយ នេះ មានការប្រណាំងប្រជែងយ៉ាងខ្លាំងពីអ្នកវិនិយោគរួមសហការជាមួយមន្ទីរទេសចរណ៍ និងសហគមន៍ ផងដែរ។
ទន្ទឹមនេះសហគមន៍បានប៊ុង ឃុំភ្លុក បានរួមគ្នាសិក្សាលើតំបន់ជួរមួយកន្លែងលើដងទន្លេ សេសាន ទីនោះគេហៅថាទឹកឈូជួរចាប។ នៅទីកន្លែងដែលគេជ្រើសរើសជារមណីយដ្ឋានធម្មជាតិថ្មី នេះដោយសារគេពិនិត្យឃើញថាតំបន់នោះមានទឹកហូរត្រជាក់ មានខ្យូសអង្គុយលេងធ្វើពីឈើប្រក់ស្បូវ អាចសម្រាកលំហែកាយបាន មានជួរថ្មទឹករាក់ និងទប់ទឹកងាយស្រួលក្នុងការលេង មិនបង្ករគ្រោះថ្នាក់ ជាពិសេសនោះគឺមានកោះតូចៗជាច្រើន ដែលភ្ញៀវទេសចរណ៍អាចអង្គុយលេងក្រោមម្លប់ឈើស្រូបយក ខ្យល់អាកាសបរិសុទ្ធ ជួបជុំមិត្តភក្តិ និងក្រុមគ្រួសារយ៉ាងសប្បាយផងដែរ។
ហើយបើតាមការអះអាង គម្រោងអភិវឌ្ឍន៍ វិស័យទេសចរណ៍របស់សហគមន៍បានគ្រោងថា ក្រោយរដូវវស្សាទឹកឡើងសហគមន៍ នឹងរៀបចំធ្វើខ្យូសលើដើមឈើ និងសង់ជាស្ពានឥន្ធនូឡើងចុះឆ្លងកាត់ពីខ្យូសមួយទៅកាន់ខ្យូសមួយ ទៀត ស្ថិតនៅតាមមាត់ទន្លេដែលជាភាពទាក់ទាញមួយមិនដែលមាននៅស្ទឹងត្រែង។ រមណីយដ្ឋានស្ថិត នៅលើដងទន្លេសេសានមានរហូតទៅដល់៣កន្លែងបូករួមជាមួយរមណីដ្ឋានដែលទើបនឹងបង្កើតថ្មីកំពុង សាងសង់ ឲ្យរួចរាល់នៅមុនបុណ្យចូលឆ្នាំថ្មីប្រពៃណីខ្មែរខាងក្នុងនោះរួមមានរមណីយដ្ឋានបុប្ផាភ្លុក រមណីយដ្ឋានកោះខ្សាច់សេកុង និងរមណីយដ្ឋានទឹកឈូជួរចាប។
រមណីយដ្ឋានទាំង៣កន្លែងនេះមាន មួយ កន្លែង ស្ថិតនៅក្នុងក្រុងស្ទឹងត្រែងចំណែក២ទីតាំងទៀតស្ថិតនៅឃុំភ្លុកស្រុកសេសាន។លោក ទួន ថាំង មេឃុំភ្លុក ស្រុកសេសាន និងជាអ្នកដឹកនាំផ្តល់បច្ចេកទេសបានប្រាប់កោះសន្តិភាពដែរថា រមណីយដ្ឋាន ទឹកឈូជួរចាបនេះមានចំណុចល្អជាច្រើនទាក់ទងទៅនឹងឈ្មោះរបស់រមណីដ្ឋាននេះ លោកបានរៀបរាប់ថា នៅតំបន់នោះមានទឹកឈូ និងមានជួរថ្មព្រមទាំងសត្វបក្សីហើរជាហ្វូងវិលមក ទ្រនំលើដើមឈើ នៅ ពេលថ្ងៃរៀបលិចដែលដុះនៅតាមជួរថ្មនោះដែរ ដូច្នេះទើបលោករួមជាមួយ សហគមន៍ដាក់ឈ្មោះ ថា រមណីយដ្ឋានទឹកឈូជួរចាប។
លោកបានបន្តថានៅតំបន់រមណីយដ្ឋាននោះ គឺស្ថិតនៅជួរខាងក្រោម នៃរមណីយដ្ឋានបុប្ផាភ្លុក ហើយសម្រាប់ការរៀបចំទីតាំងសហគមន៍បានរៀបចំ ខ្សែកាបដាក់ពីដុងការពារប្រព័ន្ធសុវត្ថិភាព ខណៈភ្ញៀវទៅតំបន់ជួរទឹកជ្រៅ ទីធ្លាចំណតរថយន្តធំទូលាយ រៀបចំទីកន្លែងទុកដាក់ កាកសំណល់ និងរៀបចំបន្ទប់ទឹក បង្គន់អនាម័យជូនភ្ញៀវឲ្យមានផាសុកភាពផង ដែរ ។ ក្រៅពីនោះនៅ ពេលរាត្រីមានតន្ត្រីកំដអារម្មណ៍ និងច្រៀងរាំកំសាន្តថែមទៀតផង ។ លោកបាន បន្តថា បច្ចុប្បន្ន រមណីយដ្ឋាននេះសាងសង់បាន២០ភាគរយហើយ នឹងរួចរាល់ទទួលភ្ញៀវនៅពេលខាង មុខមុន ពិធីបុណ្យចូលឆ្នាំប្រពៃណីជាតិខ្មែរ៕
ចែករំលែកព័តមាននេះ