អបិយជំនឿប្រហែលជាមាន ឬក៏ជាការស្រមើរស្រមៃរបស់មនុស្ស ! មកដល់ពេលបច្ចុប្បន្នគ្មាននរណាម្នាក់អាចបកស្រាយនូវរឿងអបិយជំនឿ និងរឿងបណ្តាសារនានាបាននោះទេ ។ វត្ថុ ឬសម្ភារខ្លះ មនុស្សជឿជាក់ថា មានបណ្តាសា…
អបិយជំនឿប្រហែលជាមាន ឬក៏ជាការស្រមើរស្រមៃរបស់មនុស្ស ! មកដល់ពេលបច្ចុប្បន្នគ្មាននរណាម្នាក់អាចបកស្រាយនូវរឿងអបិយជំនឿ និងរឿងបណ្តាសារនានាបាននោះទេ ។ វត្ថុ ឬសម្ភារខ្លះ មនុស្សជឿជាក់ថា មានបណ្តាសា ចង្រៃ ឬក៏មានវិញ្ញាណផ្សេងៗ ស្ថិត ឬកាន់នៅក្នុងនោះ ដែលវាអាចនឹងមានគ្រោះថ្នាក់ដល់អ្នកដែលបានកាន់កាប់វា ឬប៉ះពាល់វា ។ តួយ៉ាងដូចត្បូងពេជ្រមួយគ្រាប់ដែលធំផុតក្នុងសម័យឆ្នាំ ១៨៥២ មានមនុស្សជាច្រើនជឿជាក់ថា វាជាត្បូងពេជ្រដែលមានជាប់បណ្តាសា ។ តោះមកដឹងពីមូលហេតុអ្វីបានជាគេគិតបែបនេះ ៖
ត្បូងពេជ្រមានឈ្មោះថា THE KOH-I-NOOR DIAMOND មានន័យថា ‘Mountain of Light’ នៅក្នុងភាសានៃប្រទេសអ៉ីរ៉ង់ ប្រែថា «ភ្នំនៃពន្លឺ» វាមានវត្តមានដំបូងក្នុងអំឡុងទសវត្សរ៍ឆ្នាំ ១៣០០ ដែលត្រូវបានគេរកឃើញនៅអណ្តូងរ៉ែពេជ្រ ហ្គោលខុនដា ក្នុងប្រទេសឥណ្ឌា ។ បាប់តាំងពីការរកឃើញ និងរហូតដល់អំឡុងឆ្នាំ ១៨៥២ វាគឺជាត្បូងពេជ្រដែលធំជាងគេបំផុតក្នុងលោក ប៉ុន្តែវាត្រូវកាត់បន្ថយទំហំការ៉ាត់របស់វា ដោយទំហំដើមមាន១០៥,៦ ការ៉ាត់ មកនៅត្រឹម ៨៦ ការ៉ាត់វិញ ដោយព្រះអង្គម្ចាស់អាល់ប៊ើតបានសម្រេចចិត្ត កាត់វាដើម្បីបង្កើនភាពត្រចះត្រចង់ និងចែងចាំងនៃត្បូងពេជ្រនេះ ។
មុនពេលធ្លាក់ក្នុងដៃចក្រភពអង់គ្លេសក្នុងឆ្នាំ ១៨៤៩ មានមនុស្សជាច្រើនបានធ្វើជាម្ចាស់នៃត្បូងពេជ្រនេះ ប៉ុន្តែក្រោយមកក៏មានរឿងតំណាលតៗគ្នា នៃត្បូងពេជ្រនេះ រហូតគេជឿជាក់ថា វាជាត្បូងពេជ្រដែលមានបណ្តាសា ព្រោះម្ចាស់ ឬអ្នកដែលបានកាន់កាប់ត្បូងមួយនេះ គ្រប់គ្នាសុទ្ធតែមានសេចក្តីវិនាស ។
ចុងក្រោយនៃដំណឹងត្បូងពេជ្រ ដែលមានរាងពងក្រពើនេះ ត្រូវបានគេដាក់តាំងនៅក្នុងអគារ HM Tower នៃទីក្រុងឡុងដ៍ ដែលជាកន្លែងទាក់ទាញភ្ញៀវទេសចរដ៏ពេញនិយមបំផុត ហើយជាផ្នែកចុងក្រោយនៃម្កុដរបស់ម្ចាស់ក្សត្រី ។ ក្រោយមានការចាប់អារម្មណ៍នៃរឿងរាវនៅក្រោយត្បូងពេជ្រមួយនេះមក លោក William Dalrymple និង Anita Anand នាពេលថ្មីៗនេះ បានសហការគ្នា ក្នុងការនិពន្ធសៀវភៅមួយក្បាលអំពីវា ដែលគោល បំណងរបស់ពួកគេចង់សរសេរអំពីប្រវត្តិពេជ្រ និងរឿងព្រេងជុំវិញពេជ្រនេះផងដែរ ។ ទៅជាយ៉ាងណាត្បូងពេជ្រនេះមិនត្រូវបានគេឱ្យតម្លៃនោះទេ និយាយរួមមិនមានការដេញថ្លៃ ដើម្បីឱ្យដឹងពីតម្លៃពិតរបស់វាឡើយ ៕ ប្រភព ៖ beautifullife
ចែករំលែកព័តមាននេះ