ទឹកភ្លៀងធ្លាក់ពី«ភ្នំយាយសុំ»ហូរជន់លិចផ្ទះនិងដំណាំកសិកម្មរបស់អ្នកស្រុកម៉ាឡៃ
- បន្ទាយមានជ័យ
ខេត្តបន្ទាយមានជ័យ ៖ រយៈពេល២ថ្ងៃនេះ នៅថ្ងៃទី២១ និង២២ កញ្ញា ឆ្នាំ២០២១ ឯកឧត្តមទេសរដ្ឋមន្ត្រី គន់ គីម…
ខេត្តបន្ទាយមានជ័យ ៖ រយៈពេល២ថ្ងៃនេះ នៅថ្ងៃទី២១ និង២២ កញ្ញា ឆ្នាំ២០២១ ឯកឧត្តមទេសរដ្ឋមន្ត្រី គន់ គីម បានចុះពិនិត្យស្ថានភាពជំនន់ទឹកភ្លៀងដែលបានប៉ះពាល់ផ្ទះសម្បែងរបស់ប្រជាពលរដ្ឋ ស្ថិតក្នុងភូមិបឹងជម្រុកជិត៧០០គ្រួសារ ស្ថិតភូមិទួលពង្រ ស្រុកម៉ាឡៃ ខេត្តបន្ទាយមានជ័យ ។
ក្រោយពេលដែលជំនន់ទឹកភ្លៀងបានជន់លិចប៉ះពាល់ផ្ទះប្រជាពលរដ្ឋប្រមាណ៧០០គ្រួសារ នៅភូមិបឹងជម្រុក ឃុំទួលពង្រ ស្រុកម៉ាឡៃ ឃើញវត្តមានឯកឧត្តម គន់ គីម ទេសរដ្ឋមន្ត្រី និងជាអនុប្រធានទី១គណៈកម្មាធិការជាតិគ្រប់គ្រងគ្រោះមហន្តរាយនិងឯកឧត្តម ប៉ាន់ ខែមប៊ុនថន នាយរងខុទ្ទកាល័យសម្តេចតេជោ ហ៊ុន សែន និងលោក ង៉ោ ម៉េងជ្រួន អភិបាលរងខេត្តបន្ទាយមានជ័យ រួមជាមួយក្រុមការងារចុះពិនិត្យមើលស្ថានភាពជំនន់ទឹកភ្លៀង ។
ឯកឧត្តម គន់ គីម ទេសរដ្ឋមន្ត្រីបានបញ្ជាក់ថា ជំនន់ទឹកភ្លៀងដែលលិចលង់ផ្ទះសំបែងប្រជាពលរដ្ឋជិត៧០០គ្រួសារនេះ ជាជំនន់ទឹកភ្លៀងធ្លាក់ពី «ភ្នំយាយសុំ» បានហូរធ្លាក់ជន់លិចផ្ទះ និងដំណាំកសិកម្មនៅភូមិសាស្គ្រឃុំទួលពង្រ ស្រុកម៉ាឡៃ។ ក្នុងឱកាសចុះពិនិត្យ ឯកឧត្តម គន់ គីម បានចាត់អោយកាយរំដោះមុខទឹកចំនួន៥កន្លែង និងដាក់ស្ពានបណ្តុះអាសន្នចំនួន២កន្លែង។
គិតមកដល់ថ្ងៃទី២២ ខែកញ្ញា ឆ្នាំ២០២១ នេះ ស្ថានជំនន់ទឹកភ្លៀងនៅភូមិបឹងជម្រុក ឃុំទួលពង្រ ស្រុកម៉ាឡៃត្រូវបានស្រក ។
ដោយយោងតាមរបាយគណៈកម្មាធិការគ្រប់គ្រងគ្រោះមហន្តរាយខេត្តបន្ទាយមានជ័យនៅថ្ងៃទី២២ ខែកញ្ញា ឆ្នាំ២០២១នេះក្នុងចំណោម៩ស្រុក/ក្រុងមាន៥ស្រុក/ក្រុងរងផលប៉ៈពាល់ដោយជំនន់ទឹកភ្លៀងមានស្រុកម៉ាឡៃ ស្រុកមង្គលបូរី ស្រុកអូរជ្រៅ ស្រុកភ្នំស្រុក និងក្រុងប៉ោយប៉ែតដែលរងផលប៉ៈពាល់ចំនួន៥,១៣០គ្រួសារ មនុស្សរាយចំនួន២១,៤៨៣នាក់ ស្រី៩,៣០៥នាក់ លង់ទឹកស្លាប់១នាក់ ជម្លៀសរកទីទួលសុវត្ថិភាព១៥៨គ្រួសារ មនុស្សរាយ៥០៨នាក់ស្រី២៥៨នាក់ និងប៉ៈពាល់ស្រូវចំនួន១២,០៣៨ហិកតា ដំឡូមីចំនួន២,២៥៥ហិកតា ដំណាំរួមផ្សំចំនួន១១៤ហិកតា លិចសាលារៀនចំនួន២៨កន្លែង លិចវត្ត១០កន្លែង ទឹកលិចនិងហូរកាត់ផ្លូវចំនួន២៩៦ខ្សែមានប្រវែង៨៦,៦០៣ម៉ែត្រ៕
ចែករំលែកព័តមាននេះ