ព្រះមហាក្សត្រ និងសម្ដេចម៉ែ បានចាក់វ៉ាក់សាំងបង្ការជំងឺកូវីដ១៩ នៅប្រទេសចិន
- ភ្នំពេញ
រាជធានីភ្នំពេញ ៖ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា និង សម្តេចម៉ែ…
រាជធានីភ្នំពេញ ៖ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា និង សម្តេចម៉ែ…
រាជធានីភ្នំពេញ ៖ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា និង សម្តេចម៉ែ នរោត្តម មុនីនាថ សីហនុ នៅថ្ងៃទី ២២ ខែកញ្ញា ឆ្នាំ២០២១ នេះទទួលការចាក់វ៉ាក់សាំងបង្ការជំងឺកូវីដ-១៩ សម្រាប់ដួសទី ២ នៅប្រទេសចិន។
តាមរយៈរូបភាពរបស់ព្រះអង្គទាំងទ្វេ ដែលត្រូវបានចែកចាយយ៉ាងផុសផុលក្នុងបណ្តាញសង្គមហ្វេសប៊ុក កូនចៅ ចៅទួត បានឃើញក្រុមគ្រូពេទ្យនៃសាធារណរដ្ឋប្រជាមានិតចិន បានចាក់វ៉ាក់សាំងបង្ការជំងឺកូវីដ១៩ ថ្វាយជូនព្រះមហាក្សត្រ នរោត្តម សីហមុនី និងសម្តេចម៉ែ ។ នេះបើយោងតាមការបង្ហោះលើគណនីហ្វេសប៊ុករបស់ លោកជំទាវ សុខ គីមលាង ។
បន្ថែមពីលើការបង្ហោះរូបភាពបង្ហាញនូវព្រះឆាយាល័ក្ខណ៍ព្រះករុណាជាម្ចាស់ជីវិតលើត្បូង ព្រះបាទសម្ដេចព្រះបរមនាថ នរោត្តម សីហមុនី និងសម្ដេចព្រះមហាក្សត្រីនរោត្តម មុនិនាថ សីហនុ កំពុងទទួលការចាក់វ៉ាក់សាំងបង្ការជំងឺកូវីដ១៩ ថ្វាយដោយក្រុមគ្រូពេទ្យចិន លោកជំទាវ សុខ គីមលាង ក៏បានបង្ហោះសារមានខ្លឹមសារថា «ព្រះករុណាជាអង្គម្ចាស់ជាទីគោរពសក្ការះតម្កល់លើត្បូង នឹងហ្លួងម៉ែជាទីគោរពសក្ការះបំផុត។ សព្វព្រះរាជ្យហារទ័យប្រទានអ្នកគ្រូពេទ្យចាក់វ៉ាសាំងថា្វយដុះទីពីរួចហើយ។ បងប្អូន ជាទីស្រឡាញ់» ។
សូមរម្លឹកថា ព្រះមហាក្សត្រ និងសម្ដេចម៉ែ សម្ដេចព្រះវររាចមាតា បានយាងទៅពិនិត្យព្រះរាជសុខភាពតាមកាលកំណត់ជាទៀងទាត់ពីក្រុមវេជ្ជបណ្ឌិតចំណានៗរបស់ចិន ដែលថ្វាយជាពិសេសដោយរដ្ឋាភិបាលសាធារណរដ្ឋប្រជាមានិតចិន។ តាមគម្រោងព្រះអង្គទាំងទ្វេនឹងយាងមាតុភូមិនិវត្តន៍មកកាន់មាតុប្រទេសវិញនាថ្ងៃទី ២៥ ខែកញ្ញា ខាងមុខនេះ ៕
ចែករំលែកព័តមាននេះ