Suzuki Cup ៖ គ្រូម៉ាឡេស៊ីចាត់ទុកវៀតណាមជាក្រុមខ្លាំង និងថាកុំមើលស្រាលកម្ពុជា
កូឡាឡាំពួរ ៖ ក្រុមបាល់ទាត់ជម្រើសជាតិកម្ពុជា ស្ថិតក្នុងពូល B រួមជាមួយវៀតណាម (ក្រុមការពារតំណែងជើងឯក), ម៉ាឡេស៊ី,
កូឡាឡាំពួរ ៖ ក្រុមបាល់ទាត់ជម្រើសជាតិកម្ពុជា ស្ថិតក្នុងពូល B រួមជាមួយវៀតណាម (ក្រុមការពារតំណែងជើងឯក), ម៉ាឡេស៊ី,
កូឡាឡាំពួរ ៖ ក្រុមបាល់ទាត់ជម្រើសជាតិកម្ពុជា ស្ថិតក្នុងពូល B រួមជាមួយវៀតណាម (ក្រុមការពារតំណែងជើងឯក), ម៉ាឡេស៊ី, ឥណ្ឌូណេស៊ី និងឡាវ សម្រាប់ការប្រកួតពានរង្វាន់ AFF Suzuki Cup ឆ្នាំ២០២០ ដែលលើកពេលមករៀបចំធ្វើនៅចុងឆ្នាំ ២០២១ ខាងមុខ។ នេះបើយោងតាមលទ្ធផលនៃការចាប់ឆ្នោត កាលពីថ្ងៃទី២១ ខែកញ្ញា។
ក្រោយលទ្ធផលនៃការចាប់ឆ្នោតចេញជាផ្លូវការ លោក Tan Cheng Hoe គ្រូបង្វឹកក្រុមជម្រើសជាតិម៉ាឡេស៊ី បានចាត់ទុកវៀតណាមជាក្រុមខ្លាំង និងមិនមើលស្រាលកម្ពុជាទេ ព្រោះមានកីឡាករដែលមានទេពកោសល្យ។
លោក Tan Cheng Hoe ថ្លែងបានថ្លែងថា «ជាការពិតយើងដឹងថា វៀតណាមមានភាគរយខ្ពស់នៅក្នុងពូល B។ ប៉ុន្តែយើងមិនអាចផ្តោតតែលើវៀតណាមនោះទេ។ យើងដឹងហើយថា ឥណ្ឌូណេស៊ីគឺជាគូប្រជែងដ៏សំខាន់របស់យើងតាំងពីយូរមកហើយ។ យើងមិនអាចមើលស្រាលកម្ពុជាបានទេ ព្រោះពួកគេមានកីឡាករដែលមានទេពកោសល្យ រួមទាំងឡាវក៏ដោយ។ យើងត្រូវតែផ្តោតជានិច្ចសម្រាប់រាល់ការប្រកួត»។
កាលវិភាគប្រកួតផ្លូវការក្នុងពូល B របស់ក្រុមជម្រើសជាតិកម្ពុជា ៖
៦/១២/២០២១ កម្ពុជា Vs ម៉ាឡេស៊ី
៩/១២/២០២១ ឥណ្ឌូណេស៊ី Vs កម្ពុជា
១៥/១២/២០២១ កម្ពុជា Vs ឡាវ
១៩/១២/២០២១ វៀតណាម Vs កម្ពុជា
លទ្ធផលនៃការចាប់ឆ្នោតសរុប៖
ពូល A៖ ថៃ,មីយ៉ាន់ម៉ា,ហ្វីលីពីន,សិង្ហបុរី និងក្រុមវគ្គជម្រុះ (ប្រ៊ុយណេ ឬ ទីម័រខាងកើត)
ពូល B៖ វៀតណាម,ម៉ាឡេស៊ី,ឥណ្ឌូណេស៊ី,កម្ពុជា និងឡាវ
សូមបញ្ជាក់ថា ពានរង្វាន់ AFF Suzuki Cup ឆ្នាំ២០២០ គ្រោងដំណើរការប្រកួតចាប់ពីថ្ងៃទី៥ ខែធ្នូ ឆ្នាំ២០២១ រហូតដល់ថ្ងៃទី១ ខែមករា ឆ្នាំ២០២២៕ (ដកស្រង់ពី សមាគមបាល់ទាត់ម៉ាឡេស៊ី/ FAM)
ចែករំលែកព័តមាននេះ