រាជធានីភ្នំពេញ ៖ ជនសង្ស័យម្នាក់ក្នុងចំណោមបក្សពួក២នាក់ ត្រូវបានប្រជាពលរដ្ឋ រួមទាំងនគរបាលដេញឃាត់ខ្លួនបានបន្ទាប់ពីធ្វើសកម្មភាពឆក់ទូរស័ព្ទដៃពីអ្នកដំណើរម្នាក់បានសម្រេចត្រូវបានម្ចាស់ជិះម៉ូតូដេញតាមកៀរផ្តួល និងស្រែកឆោឡោ ។ ហេតុការណ៍នេះ បង្កអោយមានការភ្ញាក់ផ្អើល កាលពីវេលាម៉ោងប្រមាណ១និង៥៥នាទីរសៀល…
រាជធានីភ្នំពេញ ៖ ជនសង្ស័យម្នាក់ក្នុងចំណោមបក្សពួក២នាក់ ត្រូវបានប្រជាពលរដ្ឋ រួមទាំងនគរបាលដេញឃាត់ខ្លួនបានបន្ទាប់ពីធ្វើសកម្មភាពឆក់ទូរស័ព្ទដៃពីអ្នកដំណើរម្នាក់បានសម្រេចត្រូវបានម្ចាស់ជិះម៉ូតូដេញតាមកៀរផ្តួល និងស្រែកឆោឡោ ។
ហេតុការណ៍នេះ បង្កអោយមានការភ្ញាក់ផ្អើល កាលពីវេលាម៉ោងប្រមាណ១និង៥៥នាទីរសៀល ថ្ងៃទី១៤ ខែកញ្ញា ឆ្នាំ២០២១ នៅចំណុចផ្លូវណតប្រីដ កែវផ្លូវបេតុង ចូលផ្សារតនាផ្លាហ្សា ក្នុងភូមិ ចុងថ្នល់ខាងកើត សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
ជនសង្ស័យ ដែលត្រូវឃាត់ខ្លួន រូបនោះពុំត្រូវបានស្គាល់អត្តសញ្ញាណឡើយជិះម៉ូតូម៉ាក Nex ពណ៌សលាយខ្មៅអត់ស្លាកលេខ ។ ចំណែកបក្សពួកម្នាក់ទៀតបានរត់គេចខ្លួនបាត់ ។
តាមសាក្សីបានអោយដឹងថា នៅមុនពេលកើតហេតុគេឃើញជនសង្ស័យ២នាក់ជិះម៉ូតូ១គ្រឿងគេចខ្លួន ដោយត្រូវបានបុរសម្នាក់ជិះម៉ូតូដេញតាមស្រែកចោរៗ និងកៀរផ្តួលហើយប្រជាពលរដ្ឋ និងសមត្ថកិច្ចនាំគ្នាដេញឃាត់ខ្លួនបានម្នាក់ ។
តាមម្ចាស់ទូរស័ព្ទដែលជាអ្នកដឹកអីវ៉ាន់តាមឡាញបានអោយដឹងថា នៅមុនពេលកើតហេតុខ្លួនបានជិះម៉ូតូម៉ាក CPX ពណ៌សមួយគ្រឿងបានធ្វើដំណើរតាមផ្លូវណតប្រីដ ក្នុងទិសដៅពីត្បូងមកជើងដោយកាន់ទូរស័ព្ទនិយាយពេលមកដល់ចំណុចមុខស្ថាននីប្រេង ក្នុងភូមិស្លែងរលើង សង្កាត់អូរបែកក្អម ស្រាប់តែ ជនសង្ស័យ២នាក់ជិះម៉ូតូមួយគ្រឿងបានធ្វើសកម្មភាពឆក់ទូរស័ព្ទបានសម្រេចរួចគេចខ្លួន ។
ខណៈនោះគាត់បានជិះម៉ូតូដេញតាមពីក្រោយហើយបើកកៀរផ្តួលត្រូវប្រជាពលរដ្ឋ រួមទាំងសមត្ថកិច្ចនាំគ្នាដេញឃាត់ខ្លួនបានម្នាក់ ។ ចំណែកម្នាក់ទៀតបានរត់គេចខ្លួនបាត់ដោយនាំទូរស័ព្ទយកទៅជាមួយផងដែរ ៕
ចែករំលែកព័តមាននេះ