លោក Ancelotti ឌឺដង FIFA រឿងគម្រោងប្រកួត Word Cup រាល់២ឆ្នាំម្តង
អេស្ប៉ាញ ៖ លោក Carlo Ancelotti បានបោះសម្តីក្នុងន័យឌឺដងដល់សហព័ន្ធបាល់ទាត់ពិភពលោក FIFA ជុំវិញគម្រោងរៀបចំការ
អេស្ប៉ាញ ៖ លោក Carlo Ancelotti បានបោះសម្តីក្នុងន័យឌឺដងដល់សហព័ន្ធបាល់ទាត់ពិភពលោក FIFA ជុំវិញគម្រោងរៀបចំការ
អេស្ប៉ាញ ៖ លោក Carlo Ancelotti បានបោះសម្តីក្នុងន័យឌឺដងដល់សហព័ន្ធបាល់ទាត់ពិភពលោក FIFA ជុំវិញគម្រោងរៀបចំការប្រកួតពានរង្វាន់ World Cup រាល់២ឆ្នាំម្តងវិញ ដែលជាគំនិតផ្តួចផ្តើមរបស់លោក Arsene Wenger អតីតអ្នកចាត់ការទូទៅក្រុមកាំភ្លើងធំ Arsenal បច្ចុប្បន្នជាប្រធានផ្នែកអភិវឌ្ឍន៍បាល់ទាត់របស់ FIFA។
រឿងចម្រូងចម្រាសបានកើតឡើង បន្ទាប់ពីមានការប្រកាសពីការសិក្សារបស់ FIFA លើលទ្ធភាពផ្លាស់ប្តូរការប្រកួតពានរង្វាន់ World Cup ពីរៀបចំរាល់៤ឆ្នាំម្តង មកនៅរាល់២ឆ្នាំម្តងវិញ។
គម្រោងនេះ កំពុងទទួលការប្រឆាំង រួមនឹងមតិរិះគន់យ៉ាងខ្លាំងពីសំណាក់អ្នកមុខអ្នកការក្នុងបាល់ទាត់ ជាពិសេសអ្នកគាំទ្រផងដែរ។ បើទោះបីជាកាលពីពេលថ្មីៗកន្លងទៅ FIFA បានអះអាងថា គម្រោងរបស់ខ្លួនកំពុងទទួលបានការគាំទ្រពីសំណាក់អ្នកគាំទ្រនៅទូទាំងពិភពលោក តាមរយៈការស្ទង់មតិក្នុងប្រទេសចំនួន២៣ នៅទូទាំងសហព័ន្ធទាំង៦តំបន់យ៉ាងណាក៏ដោយ។
ពាក់ព័ន្ធបញ្ហានេះ លោក Carlo Ancelotti អ្នកចាត់ការទូទៅក្រុមអធិរាជស Real Madrid បានបញ្ចេញមតិប្រឆាំងចំពោះគម្រោងនេះ ដោយលោកបានថ្លែងប្រាប់សារព័ត៌មាន Marca យ៉ាងដូច្នេះថា «លេង World Cup រាល់២ឆ្នាំម្តង? បើជ្រុលបែបនឹងហើយ លេងរាល់១ឆ្នាំម្តងតែម្តងទៅ»។
បុរសជនជាតិអ៊ីតាលីវ័យ៦២ឆ្នាំបានបន្ថែមថា កាលវិភាគនេះ គឺជាបញ្ហាធ្ងន់ធ្ងរណាស់។ ដែលនឹងធ្វើឱ្យការប្រកួតប្រែជាគ្មានន័យ។ ជាពិសេសប៉ះពាល់យ៉ាងខ្លាំងដល់សុខមាលភាពកីឡាករ។ FIFA និង UEFA គួរតែពិភាក្សាអំពីបញ្ហានេះ ឱ្យបានច្បាស់លាស់ ព្រោះវាមានសម្ពាធខ្លាំងណាស់ សម្រាប់កីឡាករទាំងអស់៕
ចែករំលែកព័តមាននេះ