ឯកឧត្តម អ៊ុំ រាត្រី ៖ នៅបន្ទាយមានជ័យមានអ្នកឆ្លងកូវីដ-១៩ សរុបជាង២៣ពាន់នាក់
- បន្ទាយមានជ័យ
បន្ទាយមានជ័យ ៖ ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានបញ្ជាក់តាមប្រព័ន្ធតេឡេក្រាម ថា គិតមកដល់បច្ចុប្បន្ននេះ…
បន្ទាយមានជ័យ ៖ ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានបញ្ជាក់តាមប្រព័ន្ធតេឡេក្រាម ថា គិតមកដល់បច្ចុប្បន្ននេះ…
បន្ទាយមានជ័យ ៖ ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានបញ្ជាក់តាមប្រព័ន្ធតេឡេក្រាម ថា គិតមកដល់បច្ចុប្បន្ននេះ នៅបន្ទាយមានជ័យមានអ្នកឆ្លងកូវីដ-១៩ សរុប ២៣៩៨៣ នាក់ ។
យ៉ាងណាមិញព័ត៌មានពីមន្ទីរសុខាភិបាលខេត្តបន្ទាយមានជ័យបានឱ្យដឹងថា គិតត្រឹមម៉ោង ៧ ព្រឹកថ្ងៃទី ២២ ខែកញ្ញា ឆ្នាំ២០២១នេះ នៅខេត្តបន្ទាយមានជ័យ អ្នកជំងឺកូវីដ-១៩ សរុប ១៨៩៤៣ នាក់ ទទួលបានការព្យាបាលជាសះស្បើយ ខណៈមានអ្នកជំងឺកំពុងបន្តសម្រាកព្យាបាលនៅតាមមន្ទីរពេទ្យ មណ្ឌលសុខភាព និងមណ្ឌលព្យាបាលជំងឺកូវីដ-១៩ កម្រិតស្រាលសរុប ១១ ទីតាំង មានចំនួន ៥០៩៥ នាក់ (ស្រីចំនួន ២៦៤០នាក់) ។
បន្ថែមពីលើនេះ អ្នកស្លាប់ដោយជម្ងឺកូវីដ-១៩ នៅខេត្តបន្ទាយមានជ័យ ចាប់ពីការកើតមានព្រឹត្តិការណ៍ ២០ កុម្ភះ ឆ្នាំ ២០២១ ដល់ ថ្ងៃ ទី២០ ខែ កញ្ញា២០២១ ចំនួន១៧២ នាក់ហើយ ។ នេះបើតាមការបញ្ជាក់របស់ លោកអាចារ្យប្រាក់ សុភ័ត អនុប្រធានមន្ទីរធម្មការនិងកិច្ចការសាសនាខេត្តបន្ទាយមានជ័យបានប្រាប់អ្នកយកព័ត៍មានឲ្យដឹងថា ខេត្តបន្ទាយមានជ័យ មាន អ្នកស្លាប់ដោយសារជម្ងឺកូ វីដ .១៩ ចាប់ពីថ្ងៃទី១៦ ខែកញ្ញា ឆ្នាំ ២០២១ដល់ ២២ កញ្ញា ឆ្នាំ២០២១នេះ ចំនួន ១៥នាក់បន្ថែមទៀត ដែលនាំឱ្យចំនូនអ្នកស្លាប់ដោយកូវីដ-១៩ សរុបឡើងដល់ ចំនួន១៧២នាក់ ហើយ។
លោកអាចារ្យ ប្រាក់ សុភ័ត បានបញ្ជាក់ឲ្យដឹងបន្តទៀតថា៖ អ្នកស្លាប់ទាំង១៥ នាក់ ត្រូវបានលោកអាចារ្យខេត្តធ្វើការបូជារួចរាល់អស់ហើយ។
លោកអាចារ្យ ប្រាក់ សុភ័តបានប្រាប់អ្នកយកព័ត៍មានឲ្យដឹងបន្តទៀតថា សពកូវីដ.១៩ សព្វថ្ងៃនេះលោកអភិបាលខេត្តបន្ទាយមានជ័យបានអនុញ្ញាតឲ្យរៀបចំបូជាសពទៅតាមលក្ខណៈបច្ចេកទេសនៃការណែនាំរបស់ក្រសួងសុខាភិបាលនិងការកំណត់របស់រដ្ឋ យកទៅបូជាដោយធ្វើការតម្កល់ធ្វើបុណ្យសពតាមប្រពៃណី នៅភ្នំបាក់ សង្កាត់ទឹកថ្លា ក្រុងសិរីសោភ័ណតែម្តងក្នុងនោះមានលោកសង្ឃបង្សុគោលឲ្យផងដែរ៕
ចែករំលែកព័តមាននេះ