ផ្ទះមួយខ្នងត្រូវបានអគ្គិភ័យឆាបឆេះយ៉ាងសន្ធោសន្ធៅ ខណៈពេលផ្ទះនេះត្រូវបានកឹបសោពីខាងក្រៅធ្វើឲ្យបុរសវ័យចំណាស់ម្នាក់ជាប់នៅក្នុងផ្ទះរត់ចេញមិនរួច ក៏បណ្តាលឱ្យភ្លើងឆេះ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ផ្ទះមួយខ្នងត្រូវបានអគ្គិភ័យឆាបឆេះយ៉ាងសន្ធោសន្ធៅ ខណៈពេលផ្ទះនេះត្រូវបានកឹបសោពីខាងក្រៅធ្វើឲ្យបុរសវ័យចំណាស់ម្នាក់ជាប់នៅក្នុងផ្ទះរត់ចេញមិនរួច ក៏បណ្តាលឱ្យភ្លើងឆេះស្លា.ប់នៅក្នុងផ្ទះយ៉ាងអាណោចអាធ័មតែម្តង បង្កឲ្យមានការភ្ញាក់ផ្អើលកាលពីវេលាម៉ោង១និង២០រំលងអធ្រាត្រឈានចូលថ្ងៃទី២២ ខែកញ្ញា ឆ្នាំ២០២១ នៅចំណុចផ្ទះជាន់ទី២ ស្ថិតនៅលើប៉ុស្តិ៍នគរបាលវាលវង់ ក្នុងភូមិ៤ ផ្លូវ១៦៩ សង្កាត់វាលវង់ ខណ្ឌ៧មករា ។
សេចក្តីរាយការណ៍បន្តថា ស.ពបុរសចំណាស់ដែលស្លា.ប់នៅក្នុងហេតុការណ៍អគ្គីភ័យខាងលើនេះ សមត្ថកិច្ចមិនទាន់បង្ហើបប្រាប់ពីអត្តសញ្ញាណនៅឡើយទេ គ្រាន់តែដឹងថា មានអាយុ៧៣ឆ្នាំ។ ចំណែកកូនស្រីគឺជាមនុស្សប្រើប្រាស់គ្រឿង.ញៀន និងមានសតិមិនប្រក្រតី ហើយពេលកើតហេតុនោះ គឺនាងមិនបាននៅផ្ទះទេ ។
ប្រភពព័ត៌មានពីប្រជាពលរដ្ឋនៅកន្លែងកើតហេតុ បានប្រាប់អោយដឹងថា ផ្ទះកើតហេតុខាងលើ ស្នាក់នៅតែ២នាក់ឪពុកនិងកូនស្រីម្នាក់ដែលមានសតិមិនប្រក្រតី ។ មុនកើតហេតុ គឺពួកគាត់បានលឺសម្លេងផ្ទុះយ៉ាងខ្លាំងចេញពីក្នុងផ្ទះកើតហេតុ បង្កឱ្យក្លាយជាអណ្ដាតភ្លើងឆាបឆេះរាលដាលពេញក្នុងផ្ទះតែម្តង ហើយទ្វារផ្ទះក៏ត្រូវបានបិទ និងចាក់សោពីក្រៅជាប់ទៀត ធ្វើឲ្យបុរសចំណាស់ម្នាក់ដែលជាម្ចាស់ផ្ទះនោះចេញក្រៅមិនរួច ក៏ត្រូវភ្លើងឆេះរោលពេញខ្លួនប្រាណ និងឈ្លក់ផ្សែងភ្លើង បណ្តាលអោយស្លា.ប់យ៉ាងអណោចអធ័ម។ ចំណែកកូនស្រីរបស់គាត់វិញ គឺមិនបានកន្លែងកើតហេតុនោះទេ ។
ចំពោះមូលហេតុនៃការឆាបឆេះផ្ទះបណ្តាលមនុស្សស្លា.ប់ខាងលើនេះ សមត្ថកិច្ចជំនាញនៃការិយាល័យនគរបាលបង្ការ និងពន្លត់អគ្គីភ័យ នៃស្នងការដ្ឋាននគរបាលរាជធានីភ្នំពេញ បានដាក់ការសន្និដ្ឋានជាជំហានដំបូងថា បង្កឡើងដោយឆ្លងចរន្តអគ្គិសនី ។ ហើយមុនពេលភ្លើងឆេះរាលដាលនោះ គឺបុរសរងគ្រោះកំពុងតែសំរាន្តលង់លក់ក្នុងដំណេក លុះពេលដែលភ្លើងឆេះរាលដាលពេញក្នុងផ្ទះ ទើបគាត់ដឹងខ្លួន និងព្យាយាមរត់រកច្រកចេញ តែដោយសារភ្លើងឆេះមានស្ថានភាពខ្លាំង និងមានផ្សែងហុយពេញក្នុងផ្ទះផងនោះ ថែមទាំងទ្វារផ្ទះត្រូវបានចាក់គន្លឹះ និងកឹបសោពីខាងក្រៅជាប់ទៀត ទើបធ្វើអោយជនរងគ្រោះចេញមិនរួច បណ្តាលអោយឈ្លក់ផ្សែង និងត្រូវភ្លើងឆេះរោលរហូតស្លា.ប់តែម្តង។
គួរបញ្ជាក់ថា នៅពេលកើតហេតុនោះ គឺមិនឃើញមានវត្តមានរបស់កូនស្រីជនរងគ្រោះនៅនឹងកន្លែងកើតហេតុនោះទេ ហើយពេលនេះសមត្ថកិច្ចកំពុងតែស្វែងរកកូនស្រីជនរងគ្រោះ ដើម្បីសាកសួរនាំអំពីហេតុការណ៍ខ្លះៗតាមនីតិវិធីជំនាញ ។
ក្រោយពេលកើតហេតុ ទីតាំងកើតហេតុខាងលើត្រូវបានហ៊ុមព័ទ្ធជាបណ្តោះអាសន្ន ដើម្បីរង់ចាំខាងសមត្ថកិច្ចជំនាញ ចុះមកធ្វើកោសល្យវិច័យជុំវិញកន្លែងកើតហេតុ និងស.ពជនរងគ្រោះ ទើបចេញរបាយការណ៍លម្អិតអំពីហេតុការណ៍នៅពេលក្រោយ ។
ហើយអគ្គិភ័យខាងលើនេះក៏បានប្រើប្រាស់រថយន្តពន្លត់អគ្គិភ័យអស់ចំនួន៥គ្រឿងទើបរលត់ទាំងស្រុង ចំពោះប្រភេទសំណង់ផ្ទះវិញ គឺធ្វើអំពីបេតុង ទំហំ៤ម៉ែត្រគុណ១២ម៉ែត្រ ហើយត្រូវអណ្តាតភ្លើងឆាបឆេះខូចខាតសម្ភារៈទាំងស្រុងតែម្តង ៕
ចែករំលែកព័តមាននេះ