នៅប៉ោយប៉ែត មានប្រជាពលរដ្ឋ ៧០គ្រួសារ រងគ្រោះដោយជំនន់ទឹកភ្លៀង មករស់នៅលើទីទួលសុវត្ថិភាព
- បន្ទាយមានជ័យ
ខេត្តបន្ទាយមានជ័យ៖ នៅថ្ងៃទី២១ ខែកញ្ញា ឆ្នាំ២០២១ លោក អ៊ុំ រាត្រី អភិបាលខេត្តបន្ទាយមានជ័យ អមដំណើរដោយ លោកឧត្តមសេនីយ៍ទោ…
ខេត្តបន្ទាយមានជ័យ៖ នៅថ្ងៃទី២១ ខែកញ្ញា ឆ្នាំ២០២១ លោក អ៊ុំ រាត្រី អភិបាលខេត្តបន្ទាយមានជ័យ អមដំណើរដោយ លោកឧត្តមសេនីយ៍ទោ…
ខេត្តបន្ទាយមានជ័យ៖ នៅថ្ងៃទី២១ ខែកញ្ញា ឆ្នាំ២០២១ លោក អ៊ុំ រាត្រី អភិបាលខេត្តបន្ទាយមានជ័យ អមដំណើរដោយ លោកឧត្តមសេនីយ៍ទោ ឈុន ម៉ៅ មេបញ្ជាការរងយោធភូមិភាគទី៥ និងជាមេបញ្ជាការប្រចាំទិសទី១ ខេត្តបន្ទាយមានជ័យ លោកឧត្តមសេនីយ៍ត្រី ជឹម ប៊ុនអាន មេបញ្ជាការតំបន់ប្រតិបត្តិការសឹករងខេត្ត លោក គាត ហ៊ុល អភិបាលក្រុងប៉ោយប៉ែត ព្រមទាំងកងកម្លាំងប្រដាប់អាវុធទាំង ៣ប្រភេទ អាជ្ញាធរដែនដី បានអញ្ជើញចុះពិនិត្យមើលស្ថានភាពទឹក នៅក្នុងភូមិសាស្ត្រក្រុងប៉ោយប៉ែត ដើម្បីមានវិធានការ កាយបើកមុខទឹក រំដោះទឹកភ្លៀងជន់លិចផ្លូវ និងតំបន់ប្រជាពលរដ្ឋ រស់នៅក្បែរមាត់អូរព្រំដែនមួយចំនួន។
ក្នុងឱកាសនោះ លោកអភិបាលខេត្ត ក៏បានផ្តល់ស្បៀងអាហារ មានអង្ករ ទឹកស៊ីអ៊ីវ ទឹកត្រី និងទឹកបរិសុទ្ធជូនបងប្អូនប្រជាពលរដ្ឋ ប្រមាណ ៧០គ្រួសារ ដែលមករស់នៅលើទីកន្លែងទួលសុវត្ថិភាព ដែលក្រុមការងារក្រុង/សង្កាត់ បានរៀបចំចំនួន ៣ទីតាំង។
លោកអភិបាលខេត្ត បានបញ្ជាក់ថា ស្ថានភាពទូទៅ ក្នុងក្របខណ្ឌទូទាំងខេត្តបន្ទាយមានជ័យ គឺស្ថានភាពទឹក មិនទាន់មានបញ្ហា បង្កអោយជន់លិចធ្ងន់ធ្ងរនោះទេ។ ប៉ុន្តែស្ថានភាពទឹក មានការហក់ឡើងខ្លាំង ក្នុងតំបន់មួយចំនួន ក្នុងរយៈពេល ២សប្តាហ៍នេះ ដោយរបាយទឹកភ្លៀងធ្លាក់រាយប៉ាយ បង្កឲ្យមានការឡើងជន់លិចផ្លូវ សាលារៀន ដំណាំរួមផ្សំ កសិកម្មតិចតូច និងលិចក្រោមផ្ទះសម្បែងប្រជាពលរដ្ឋ រស់នៅតំបន់ទំនាប ជាប់មាត់ស្ទឹង អូរ ជាដើម។
ជាមួយគ្នានោះ លោកអភិបាលខេត្ត ក៏បានអំពាវនាវដល់ថ្នាក់ដឹកនាំមន្ត្រីមូលដ្ឋានអាជ្ញាធរដែនដី កងកម្លាំងមានសមត្ថកិច្ចទាំងអស់ ត្រូវត្រៀមលក្ខណៈ ទាំងសម្ភារៈ ទាំងកម្លាំង ដើម្បីត្រៀមចុះជួយសង្គ្រោះប្រជាពលរដ្ឋ ក្នុងករណីមានគ្រោះទឹកជំនន់ធ្ងន់ធ្ងរ ជាយថាហេតុណាមួយ កើតឡើង។ ដោយឡែក ពុកម៉ែ ប្រជាពលរដ្ឋ សូមមានការប្រុងប្រយ័ត្នខ្ពស់ ដើម្បីការពារទ្រព្យសម្បត្តិ និងសុវត្ថិភាពផ្ទាល់ខ្លួន ពីគ្រោះដោយប្រការណាមួយនោះ។ ជាមួយគ្នានោះដែរ សម្រាប់បងប្អូនរស់នៅលើទីទួលសុវត្ថិភាព សូមរក្សាអនាម័យ និងគោរពវិធានការ ៣ការពារ និង៣កុំ អោយបានខ្ជាប់ខ្ជួន៕ ណុប រក្សា
ចែករំលែកព័តមាននេះ