រាជធានីភ្នំពេញ ៖ អាជីវករផ្សារក្រមួនភូមិឫស្សីម្នាក់ ក្នុងចំណោមអាជីវករ១៤២នាក់ ត្រូវបានក្រុមគ្រូពេទ្យរកឃើញមានវិជ្ជមានវីរុសបំប្លែងថ្មី ប្រភេទដែលតា នៅវេលាព្រឹកថ្ងៃទី២១ ខែកញ្ញា ឆ្នាំ២០២១ នៅចំណុចផ្សារ…
រាជធានីភ្នំពេញ ៖ អាជីវករផ្សារក្រមួនភូមិឫស្សីម្នាក់ ក្នុងចំណោមអាជីវករ១៤២នាក់ ត្រូវបានក្រុមគ្រូពេទ្យរកឃើញមានវិជ្ជមានវីរុសបំប្លែងថ្មី ប្រភេទដែលតា នៅវេលាព្រឹកថ្ងៃទី២១ ខែកញ្ញា ឆ្នាំ២០២១ នៅចំណុចផ្សារ ស្ថិតតាមបណ្តោយផ្លូវលេខ២១៧ (ម្តុំស្ពានដែកចំការដូង) ក្នុងភូមិឫស្សី៣ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។ លោក សេង ស៊ីវ៉ាន់ថា សង្កាត់រងទី១ សង្កាត់ស្ទឹងមានជ័យទី២ បានឲ្យដឹងថា ៖
នៅព្រឹកថ្ងៃខែខាងលើ ក្រុមគ្រូពេទ្យបានសហការជាមួយអាជ្ញាធរមូលដ្ឋាន បានចុះធ្វើសំណាកលើបងប្អូនដែលជាអាជីវករលក់ដូរ ក្នងផ្សារក្រមួនខាងលើ ដើម្បីតេស្តិ៍រកវីរុសបំប្លែងថ្មីដែលតា បន្ទាប់ពីក្រុមគ្រូពេទ្យរកឃើញថា កាលពីប៉ុន្មានថ្ងៃមុន មានអ្នកវិជ្ជមានវីរុសបំប្លែងថ្មីដែលតា បានចូលទៅទិញម្ហូបអាហារនៅទីនោះ។
ជាលទ្ធផលនៃការតេស្តសំណាកពេញមួយព្រឹក ក្រុមគ្រូពេទ្យបានតេស្តលើអាជីករពាក់ព័ន្ធសរុប១៤២នាក់ មានស្រី១០១នាក់ រកឃើញមានវិជ្ជមានវីរុសបំប្លែងថ្មីប្រភេទដែលតាម្នាក់ ភេទស្រី មានវ័យ៣៧ឆ្នាំ។ ក្រៅពីនោះ គឺលទ្ធផលអវិជ្ជមានទាំងអស់៕ ដោយ ៖ ម៉ម លីហេង
ចែករំលែកព័តមាននេះ