សត្វភេនឃ្វីនជិតផុតពូជជាង៦០ក្បាលនៅអាហ្វ្រិកខាងត្បូង ត្រូវហ្វូងឃ្មុំទិចសម្លា.ប់
អាហ្វ្រិកខាងត្បូង ៖ យោងតាមការចេញផ្សាយពីសារព័ត៌មាន Daily Mail កាលពីថ្ងៃទី២០ ខែកញ្ញា បានឱ្យដឹងថា ការស៊ើបអង្កេត
អាហ្វ្រិកខាងត្បូង ៖ យោងតាមការចេញផ្សាយពីសារព័ត៌មាន Daily Mail កាលពីថ្ងៃទី២០ ខែកញ្ញា បានឱ្យដឹងថា ការស៊ើបអង្កេតបឋមរបស់អ្នកជំនាញរកឃើញថា សត្វភេនឃ្វីន (Penguins) ជិតផុតពូជចំនួន៦៣ក្បាលនៅអាហ្វ្រិកខាងត្បូង ត្រូវបានហ្វូងឃ្មុំទិចសម្លា.ប់។
សេចក្តីថ្លែងការណ៍មួយពីឧទ្យានជាតិអាហ្វ្រិកខាងត្បូង (SANParks) ដែលគ្រប់គ្រងដោយរដ្ឋាភិបាលបានឱ្យដឹងថា សាកស.ពភេនឃ្វីនត្រូវបានរកឃើញនៅតំបន់ Simon’s Town ចម្ងាយប្រមាណ៤០គីឡូម៉ែត្រពីទីក្រុង Cape Town នៅព្រឹកថ្ងៃទី១៧ ខែកញ្ញា។
មន្ត្រីជំនាញសង្ស័យថា សត្វភេនឃ្វីនត្រូវឃ្មុំទិចចំភ្នែកបណ្តាលឱ្យស្លា.ប់ បន្ទាប់ពីរកឃើញទ្រនិច និងសត្វឃ្មុំងាប់ជាច្រើននៅកន្លែងកើតហេតុចន្លោះរសៀលថ្ងៃទី១៦ និងព្រឹកថ្ងៃទី១៧ ខែកញ្ញា។ មន្ត្រីជំនាញជាច្រើនរួមមានទាំងពេទ្យសត្វ និងអ្នកជំនាញភេនឃ្វីនមកពីមូលនិធិអាហ្វ្រិកខាងត្បូងមិនរកប្រាក់ចំណេញ (SANCCOB) កំពុងរកមើលមូលហេតុនៃការស្លា.ប់នេះ។
លោក David Roberts ដែលជាពេទ្យសត្វរបស់មូលនិធិ SANCCOB បាននិយាយថា បន្ទាប់ពីការធ្វើតេស្តយើងរកឃើញទ្រនិចឃ្មុំនៅជុំវិញភ្នែករបស់ភេនឃ្វីន។ ហើយនេះជាករណីដ៏កម្រមួយ យើងមិនរំពឹងថា វានឹងកើតឡើងញឹកញាប់នោះទេ។
សាកស.ពភេនឃ្វីនទាំងអស់ត្រូវបានដឹកទៅមន្ទីរពិសោធន៍ SANCCOB ដើម្បីធ្វើការវិភាគបន្ថែម ដោយអ្នកជំនាញយកសំណាកជីវសាស្ត្របញ្ជូនធ្វើតេស្តរកជំងឺ និងសារជាតិពុល៕
ចែករំលែកព័តមាននេះ