ខេត្តបន្ទាយមានជ័យ៖ នៅពេលដែលទឹកស្ទឹងមង្គលបូរីហក់ឡើង គឺជាការព្រួយបារម្ភរបស់អាជ្ញាធរដោយបានប្រកាសអាសន្នដល់ប្រជាពលរដ្ឋ ត្រូវមានការប្រុងប្រយ័ត្ននិងបានជូនដំណឹង នៅថ្ងៃទី២០ ខែកញ្ញា ឆ្នាំ២០២១ ។ យោងតាមសេចក្តីប្រកាសព័ត៌មានរដ្ឋបាលស្រុកមង្គលបូរីចុះថ្ងៃទី២០ កញ្ញា…
ខេត្តបន្ទាយមានជ័យ៖ នៅពេលដែលទឹកស្ទឹងមង្គលបូរីហក់ឡើង គឺជាការព្រួយបារម្ភរបស់អាជ្ញាធរដោយបានប្រកាសអាសន្នដល់ប្រជាពលរដ្ឋ ត្រូវមានការប្រុងប្រយ័ត្ននិងបានជូនដំណឹង នៅថ្ងៃទី២០ ខែកញ្ញា ឆ្នាំ២០២១ ។
យោងតាមសេចក្តីប្រកាសព័ត៌មានរដ្ឋបាលស្រុកមង្គលបូរីចុះថ្ងៃទី២០ កញ្ញា ឆ្នាំ២០២១ថា ៖ សូមជម្រាបជូនជាដំណឹងដល់បងប្អូនក្នុងស្រុកមង្គលបូរី អោយបានជ្រាបដោយពិនិត្យឃើញស្ថានភាពភ្លៀងនៅតែបន្តធ្លាក់ជាប់ៗគ្នាប៉ុន្មានថ្ងៃនេះ និងស្ថានភាពទឹកហូរធ្លាក់ពីផ្នែកខាងលើតាមដងស្ទឹងនៃស្រុកបវេលខេត្តបាត់ដំបង និងទឹកដែលហូរធ្លាក់ពីស្រុកម៉ាឡៃ ហើយកម្រិតទឹងដងស្ទឹងមង្គលបូរីមានការហក់ឡើងខ្លាំង និងអាចបង្កប៉ះពាល់ដល់ប្រជាពលរដ្ឋនិងសត្វផ្ទះសំបែងនិងដំណាំកសិកម្ម។
ហើយត្រូវត្រៀមស្បៀង និងថ្នាំសង្កូវសម្រាប់ទឹកបម្រុង រៀបចំទុកដាក់ឯកសារសំខាន់ៗអោយបានគង់វង្សរួមមាន៖ សៀវភៅគ្រួសារ សៀវភៅស្នាក់នៅ សំបុត្រកំណើត អាត្រានុកូលដ្ឋាន អត្តសញ្ញាបត្រ ប័ណ្ណកម្មសិទ្ធិ និងឯកសារសំខាន់ៗ។ត្រៀមមធ្យោបាយដឹកជញ្ជូន ឬមធ្យោបាយសម្រាប់ជម្លៀសនិងពេលទឹកជំនន់មកដល់ សុំមាតាបីតាត្រូវមានការប្រុងប្រយ័ត្នចំពោះកូនចៅកំអោយចុះលេងទឹក នៅពេលមានទឹកជំនន់កើតឡើងត្រូវបិតប្រព័ន្ធអគ្គីសនី និងត្រូវមានការប្រុងប្រួ័ត្នចំពោះសត្វអសិរពិសផ្សេងៗ។
គួរបញ្ជាក់ថា៖ នៅស្រុកមង្គលបូរីឃុំចំនួន៣ ដែលមានឃុំសឿប៉ៈពាល់ផ្ទៈសំបែងប្រជាពលរដ្ឋចំនួន១៩ខ្នងនិងស្រូវ៣០០ហិកតា លិចផ្លូវ២ខ្សែប្រវែង៦០០ម៉ែត្រ ឃុំចំណោមប៉ៈពាល់ស្រូវចំនួន៧០០ហិកតា ឃុំរហាត់ទឹកប៉ៈពាលផ្ទៈសំបែងប្រជាពលរដ្ឋ២១ខ្នងផ្លូវ៤ខ្សែប្រវែង៥គីឡូម៉ែត្របណ្តាលទឹកលិច និងហូរកាត់ ៕
ចែករំលែកព័តមាននេះ