ទីបំផុត! ស្តេចប្រដាល់ Pacquiao ប្រកាសឈរឈ្មោះប្រជែងតំណែងប្រធានាធិបតី
ហ្វីលីពីន ៖ ស្តេចប្រដាល់អាស៊ី Manny Pacquiao កាលពីថ្ងៃទី១៩ ខែកញ្ញា បានធ្វើការប្រកាសដ៏ភ្ញាក់ផ្អើលមួយ ដើម្បីឈរឈ្មោះជា
ហ្វីលីពីន ៖ ស្តេចប្រដាល់អាស៊ី Manny Pacquiao កាលពីថ្ងៃទី១៩ ខែកញ្ញា បានធ្វើការប្រកាសដ៏ភ្ញាក់ផ្អើលមួយ ដើម្បីឈរឈ្មោះជា
ហ្វីលីពីន ៖ ស្តេចប្រដាល់អាស៊ី Manny Pacquiao កាលពីថ្ងៃទី១៩ ខែកញ្ញា បានធ្វើការប្រកាសដ៏ភ្ញាក់ផ្អើលមួយ ដើម្បីឈរឈ្មោះជាបេក្ខជនប្រជែងការបោះឆ្នោតតំណែងប្រធានាធិបតីហ្វីលីពីននៅឆ្នាំ ២០២២។ ក្រោយយល់ព្រមទទួលយកការតែងតាំងជាបេក្ខជនប្រកួតប្រជែងពីគណបក្ស PDP-Laban របស់លោក។
កន្លងមក បណ្តាសារព័ត៌មានជាច្រើន តែងតែចេញផ្សាយជាបន្តបន្ទាប់អំពីដំណើរនៃការប្រកួតប្រជែងតំណែងប្រធានាធិបតីហ្វីលីពីនរបស់ Pacquiao សម្រាប់ការបោះឆ្នោតនៅឆ្នាំ ២០២២ ប៉ុន្តែស្តេចប្រដាល់ហ្វីលីពីនវ័យ៤២ឆ្នាំរូបនេះ មិនដែលធ្លាប់ធ្វើការប្រកាសដោយផ្ទាល់នោះទេ។
Pacquiao ដែលទើបចាញ់កីឡាករ Yordenis Ugas កាលពីខែសីហា បានបង្ហោះសារដ៏មានអត្ថន័យមួយ នៅលើបណ្តាញទំនាក់ទំនងសង្គមផ្លូវការរបស់ខ្លួនថា «ខ្ញុំទទួលយកដោយក្លាហាននូវការប្រកួតប្រជែងក្នុងការធ្វើជាប្រធានាធិបតីហ្វីលីពីន។ យើងត្រូវការភាពរីកចម្រើន។ យើងត្រូវការឈ្នះប្រឆាំងនឹងភាពក្រីក្រ។ យើងត្រូវការរដ្ឋាភិបាល ដើម្បីបម្រើប្រជាពលរដ្ឋរបស់យើង ដោយសុចរិតភាព មេត្តា និងតម្លាភាព។ ហើយពេលវេលាគឺឥឡូវនេះ។ ខ្ញុំត្រៀមខ្លួនរួចជាស្រេច ដើម្បីប្រឈមមុខនឹងភាពជាអ្នកដឹកនាំ»។
កាលពីដើមខែកញ្ញា លោកប្រធានាធិបតីហ្វីលីពីន Rodrigo Duterte ក៏បានយល់ព្រមទទួលយកការតែងតាំងជាបេក្ខជនឈរឈ្មោះប្រជែងតំណែងអនុប្រធានាធិបតីពីគណបក្សរបស់លោក សម្រាប់ការបោះឆ្នោតនាពេលខាងមុខផងដែរ។ បន្ទាប់ពីលោកបានដឹកនាំ១អាណត្តិរួចហើយ ដូច្នេះមិនអាចបន្តឈរឈ្មោះដឹកនាំអាណត្តិទី២នោះទេ។
សូមរំលឹកថា លោក Pacquiao គឺអ្នកគាំទ្រដ៏ខ្លាំងក្លាបំផុតរបស់លោក Duterte សម្រាប់យុទ្ធនាការសង្គ្រាមបោសសំអាតគ្រឿងញៀននៅហ្វីលីពីន។ យ៉ាងណាមិញ ទំនាក់ទំនងអ្នកទាំងពីរ បានប្រែទៅជាតឹងតែងដាក់គ្នានៅប៉ុន្មានខែចុងក្រោយ បន្ទាប់ពីលោក Pacquiao បានលើកឡើងអំពីជំហរទន់ជ្រាយរបស់លោក Duterte ស្តីពីការឈ្លានពានរបស់ប្រទេសចិននៅសមុទ្រចិនខាងត្បូង និងបាននិយាយថា លោកកំពុងស៊ើបអង្កេតអំពីអំពើពុករលួយនៅក្នុងជួររដ្ឋាភិបាលថែមទៀតផង។ ដែលការលើកឡើងនេះ បានធ្វើឱ្យ Pacquiao ត្រូវបណ្តេញចេញពីតំណែងជាប្រធានគណបក្ស PDP-Laban ផងដែរ៕ (ដកស្រង់ពី Reuters)
ចែករំលែកព័តមាននេះ